1 Sain Yesus hobou hamb ibenig ilawi dag, inan megalaum goum ta ipeig ibol, garek magau hamb, pati bala iyan mok me nahi. 2 Yesus ibol, pati hamb ri-en nahi, saen ta lon pati me haun pati trian huwon lon nahi behe, pati me gugul gan sambarip iduwi. 3 Yesus i Oliva Babi hobou hamb irinde imandag goum ibol. Patrus, Jems, Jon dag Andru. 4 ubol pa am along! sain alan isawi tap am dodog gan along wi? 5 Yesus hun inoug ipeind, ag dob onou mok, tomol ta gan dal giliang pa alawi. 6 Tomol ri-ela ga ngiunglon disawi. ''Ga Yesus'', dibolwi hinum kankan dikubuliwi. 7 Yu aben ta-ta lon, itansawi ge me sa-in wadan he. 8 Yu hotu ta-ta lon imais win, petil, mimi, mur-yan me paien ai inou iror menen anahiwi. 9 Dob mok onou, hobou hamb ilonde, King nounde duhuangwe ga ngiunlo. 10 Ge hangu goum u-yan me hotu gugul lon mug ile. 11 Ur-guni inan gagaun imug pa ag dinag pa goum ibol wi. 12 Taen-Taen hibedin dirui-wi ta i mat win. Tinan, Taman handin ai pikpik din ager dinou win. 13 Hina u-jan me Yesus lon ientap, tomol, pa-in owi ager bu bedinlo ian wi. 14 Sa-in alan me itansap nehitap, benip tomol ta din inaei. Judia tomol, pa-in alan me nehitap u-mais pa babi lon u-la. 15 Tomol ta hamb lat de tap, tan de so idu mon. 16 Um lon tap me so umul pa ina yamil hamb lon ugal wi. 17 Ge gadon mok, pa-in ai din dang ai su yani de. 18 Gading tonoupa muruan me sau sain lon itansabehe. 19 Muruan me mug itansa ke. Tibud mereme inoug tanahiwi. 20 Tibud i nali tutuk inoupe, tomol, pa-in dipadal win me wi Tibud hiben tomol, pa-in pelienid. 21 Tomol ta isop ibol wi. Yesus onde ngenehei. Me ilo lon mok mon. 22 Tomol god me itansap kobul haun inou wi. Ge Tibud i pilinek tomol mug pilieng imande. 23 Dob u-nou! goum mereme ngabol ke me, itansa wi 24 Ad ilap tindom wi, sinasin gan lelaman inou behe! 25 potu ibol dap, did hotu lon mimi ri-en ,mala bisap. 26 Tomol nanun didi ilonde imandap hotu gugul i-na dap i-sa-wi. 27 Inan Engel tomol, pa-in tan hotu tilianek me gugul temenind wi. 28 Fig ai me inan ma-gau me agal. Fig hinan ri-en lon raun haun saen ad lalaman isedap. 29 saen ag me eneheitap ag alon id mug dala-wan irinde. 30 Mok, mok nipiangde, tomol, pa-in aba gugul dinahaep dimat win. 31 Didi, tan hotu ibein wi, Tibud inan goum ibein behe. 32 Ge tomol, pa-in dilon tehe, saen netlon tomol nanun isa wi. 33 Ag alon te-eh netp aba me itansa wi. 34 Me tomol ta dal melain i ileg inan hamb ibenig tomol ta tiriniwi, inan u-rat ai hamb dalawan ditirini menen. 35 Mewi an dob onou saen domtalon hamb taman imul pa isawi. 36 I pasak isetap o wi so rerei mon, uwendap. 37 Goum mereme nabol ke me, tomol, pa-in gugul an alon wi.