¹ Yesus, mumuneng gom lo inge leind ipeind. Tomol ta wine hum inoug, ari ipou tilieni dag wine nouk aben di inou. Tirinek hamb ta di inoug, tirinek tomol gar wine hum me ipeind, i iben aben me ibeing aben ta lo ile. ² Wine mand inan sa-in dag, u-rat tomol ta, wine tua wi ipeig inoug ile. ³ Sa-in u-rat ai me wine hum lo ileg. Tirinek tomol gar di-e-big, duhunig ambas dinoug ile ⁴ Haun u-rat ai ta inoung ile ke me . I di duhunig gaten ditre-pela dag mimiai dipeni. ⁵ Ilong, ilong dag haun u-rat ai ta inoug ile ke-me duhuing imat. Urat ai gugul inound dile ke-me, kagin me nan lo dinound. Tua dahunid mon,'' tua duhunind dimat. ⁶ Inan ai ketei ta inoup ila wi, ge ai me inan buben mok. Ibol, wadan u-natei mok me nga-noup illa wi gan dineip yaund isa wi. ⁷ Sa-in wine tirinek tomol gar dinei, ibendin gom dipo, duhuni imat wi. Mata wi taman inan ababa gugul ding-al wi dibol. ⁸ Sa-in ileg itansa, diyebi, duhuni imat dag dibere. ⁹ Me wi wine hum taman gan dodog inou wi? hum taman gan isap, tirinde tomol gugul hunind talak ipinind dap hum me tomol ta ipinindwi. ¹⁰ O Tibud inan gom me sieni te-eh tob? tomol hamb dino dak me pati dipesig ke-me, pati me, hamb dinou inan u-yan. ¹¹ Gom me Tibud inou ke-me, naik inan u-yan mok. ¹² Yesus diebi wi dibol ge tomol, pa-in ri-ela dineind ga, direr. Tibud gom mumunung me ipeind ke-me wi. Me wi dibenig dile. ¹³ Gom dipou, Farisi tua dag (king) tomol ri-en herot inan ai tua dinound dise. Diseg gom lo e-eh diwerei. ¹⁴ Sa-in i diseg Yesus dipei, garek mangau! am along o gom tuduk mon u-bol de, o tomol ketei lo u-mat de-eh, o tomol gugul wi u-mat de. Mok mon, sa-in gugul o Tibud inan kagin wiu-bol de. Me wi, am o asiminan, gan (taxes) gang-malan Sisa apani wi, o eh? ¹⁵ Ge Yesus inandin god-god me ilong. Ga engede ipeind, ang-ewiriung wi ise. Gang-malan siling ta isap inaip . ¹⁶ Sa-in gang-malan si-leng ta dipenid, Yesus semeneid. ''Me mait inan naun si-leng lat de?'' gugul dibol Caesa inan. ¹⁷ Yesus ibol, sisa inan me sisa apani, ge Tibud inan, me Tibud apani. ¹⁸ Aun Sadducees i wi dis,e worou eng dibol Tibud aun imais ke-he, me dise. Eng disimieni dibol. ¹⁹ ''Garek mangau, Moses gom igerek ibol taind ta imat tap, inan tain gan inan iwan me gan ing-al wi, mata wi iwan lo ai ino te-he the imat.Me wi inan tain, tain iwan ing-alep tain imat ile ke-me ai inou pani wi. ²⁰ Nimanta-kukun oru i tain-tain, tain matu pa-in ta ing-le, iwan ai inou peni te-he dag imat. ²¹ Aun tain u-ri ke-me pa-in me inge-le ai ipein te-eh dag idi imat, taind di niman toli, di engede mon imat. ²² I gugul ai dinoug te-eh dag gugul imat, dag pa-in me di imat. ²³ Sa-in i dimat dileg, aun i dimais, pa-in me gan ait iwan wi? me mata wi, tain-tain pa-in me mug ding-ele ke. ²⁴ Yesus ibol, kagin me wadan wi, ang onou alan, ang Tibud inan gom garek lo i-yen dek me along te-eh, dag inan gagaun di? ²⁵ Sa-in aun dimais dat, ing-al gan eh. Ge Tibud inan megalaum negede di-di lat de gan dimand. ²⁶ Ge tomol, pa-in dimat dile, ke aun dimais wi gom me, Moses inan gom esieni te-eh, Tibud dodog ibol, ipei, '' Abraham, inan Tibud, nga Issac inan, dag nga Jacob inan Tibud. ²⁷ Tibud i tomol dinai ke-me ihandin Tibud eh, ge, tomol bas dimand me inan din Tibud. Ang god onou me ang along. ²⁸ Yesus inandin gom ipeind ke-me, u-yan mon. ²⁹ Yesus aun ewendi ye-bi, ibol, gom u-yan me engede, along, ama Tibud me, i Tibud ketei mon. ³⁰ O, inan buba gugul Tibud pani, inan kan-kan gugul, dag inan gagaun. ³¹ Tibud inan lo oru ibol ke-me, ibol , o iba engede u-matke, tomol ta i widi u-mat. Lo oru meneme, gom ta nanari inan eh. ³² Lo gom tomol ta eng ibol, '' garek mang-au u-yan! gom ubol ke-me mok ne? i, iben ketei mon, tomol ta i engede eh. ³³ Gom eng ibol aun bubig lo, kan-kan lo, ama gugul lo, dag oiba engede u-mat ke, tomol ta di-wi u-mat. Gom oru me ri-en mok, ofa dimemeri ke enged eh. ³⁴ Sa-in Yesus, gom u-yan me ilong. Yesus engede ipei, o Tibud inan (kindom) mumunang aben lo dal malain u-mand de-eh. Gom ibenig wadan lo, tomol ta aun Yesus gom ta isimieni te-eh. ³⁵ Yesus obou-amb ilonde gom kagin ipininp, dag inandin gom ibulig aunipeind, mata wi lo gom tomol eng dibol Yesus i Devit nanun? ³⁶ Ur-gun, Devit ilonde ipeig, ibol, Tibud i hangu Tibud ipei, hangu wang lo u-mand dap ina ager tomol nia atepai lo dimand wi. ³⁷ Devit sa-in gugul lo Yesus ipei, '' o tomol ri-ela mata wi Yesus i Devit nanun itansa? tomol, pa-in Yesus inan gom dilong, yaundi-sa. ³⁸ Yesus i su-la kagin ipinind dag end ipeind, ang lo tomol me dob onou, me tomol sa-in gugul lo nulak malain dinou ditor da ke-me. Dag tomol, pa-in i wi gom u-yan dipein da-ke. ³⁹ Dag di, obou-amb lo, madok u-yan lo dimand wi niendi dibisa de. Me yanek aben lo engede inou de. ⁴⁰ Dag di, pa-in ewendi dimat ke-me, kagin u-yan dunuwein de-eh. Dag di, digud malain mok, tomol, pa-in dinei inan. Muruwan ri-en ding-al wi. ⁴¹ Yesus aun, (ofa bokis) lot-pai de ileg imand, obou-amb lo. Tibud , gangmalan tomol, pa-in (box) lo dinoug, ineind dag imand. Gaten-gaten diseg gang-malan rie-rie dinou. ⁴² Pa-in ta iwan imat, i iseg siling oru inou, me ketei gag. ⁴³ Yesus inan megalaum iwengin diseg ipeind, gom mok mon ngabo, pa-in, gang-malan i inou ke-me gugul nene-rind . ⁴⁴ Tomol, pa-in, gang-malan rie-rie dinou ke-me, gang-malan ri-ela di. Pa-in iwan imat ke-me i gang-malan kurum eh. Inan imand inan me inoug, mereme i eh mok.