1 Iyampon kayo oe Bafan nan iniya va' anoifoni vaya mino' yakhafono, mai, fara vara seyo, mai avu'ava' maen puntake mino. 2 Tireti anoifoni baya va' ineno, tiyan mikan mam baya kayofinte esesi' ma ukhein man baya anon iya'antan baya va' ba mino. 3 Ma'an tukhanmi mai ano e-in kama uvan tantiya ma varara ayaka' bano. 4 Afo'eyan noe tireti akhafana ida' va' aran nama' aseno, Bafani baya fosa' puntari yasina' e-anoni' ino. 5 Ida miyan ban doran keka soe',Tiyarafenu ano ani' ukhen bantai vaya ma' inire yakha fiya onai ana eya va' ei vararake ayafa-i baya inire va' peran banti ya fura sin avu'ava' ba', Tepuron pin bempake sa' ba' yakhafono. 6 Tireti-i ayafa ano odaren amusin ino van ma' ben avora kamae yori yaonai eya va be ma' ida vanti ya funta ye va dorano' maan tiya va' Tiyarafenu ano ma au-i ukhein banta miyan ivan doran nanin banta-i uveva' Tiyarafenuni anunu a'nain dakha feini iyava' ara keke idava iya da khafono. 7 Barara nanin bantai yorari ida iyauno Bafani yorari-i iya uno' seya iniya va' au'kake sa' yora. 8 Inte-a kama yana mana mana banta ano bariyan nafi' yoran banta fi' ida yoran banta fi' mai khayo ano bei miyan Tiyarafenu ba-i pake baran temi. 9 Manai' avu'ava' kasa yora, ayafa ano ida va' akhokho ame; afova e'nan be-i' mino-i Bafan ban', inka, beyan bei ayafa ina-in bami', onesin inarufa ida mana anonan in avu'ava' ida vami. 10 Ma'an tukhanti akona va' ukhe Bafan pin na ba. 11 Tiyarafenuni akona fokesa tankoi ureva mantan akona va'o, namu aunani mino akhenoka finao. 12 Tetima tiruvia na' vanta va sai' namu aunani akona yafisin kayova' ara ara namu aunan mano ma mana kamani uvanten ma' afokhampin bain' mai kayo vai tiruviya tife-u'. 13 Maan tukhanti' akona ema mantanto' Tiyarafenuni akona foke' auvidanasi ureva namu aunani akhenoka aman barara sio. 14 Akonae mantave puntakein avu'ava' pokesa' amu' anan ma' dameini ureva mantan akona-o. 15 Dafiken pin kesa' ara kusike mono te, mai' avu'ava' poke-i e-i arantan anamuni ino. 16 Mino yana' bare aru-e ma inte' a'esin mumunan avu'ava' ano tankoi ukhanti va' no' mai anoin namu aunani irakiyain uve aman barara ino. 17 Ena ayain avu'ava' pokesa' aman atasi-iya va' kanta aunani tope va' akona uvan paka' mai maen' Tiyarafenuni akona vain bayai. 18 Mono nanin banta mino yamu dafiken pinkesa'ba' Kanta aunani akona fosa amuko, para vara seyo,Bananoni avuava maifin do anintemi. 19 Amuku sintesira to' safere ma baya teno ama ona' aupa ma' vain baya ano ama' tora' erintisa' tian puntakein baya ka-ono ve. 20 Mono baya vare siren tirantan tiyan anan kuva'a ba pasinti puntade tiretin tiami yauno. 21 Tentifa tivae Tiyarafenuni mumunan doran banta Tikikusi ano mino baya tiaminti afova ino inte yorari sa' tei iyarafu. 22 Mai ana vami e'in tianten orono mo tiameno, inte varisa ukhe tiferafu ei au' akona ino. 23 Tifativa oe, Tiyarafenu nama ben anin Tepuroni arakusin mano va' tiretinti mumunan akona uren e avian bei anunufin na kaino. 24 Tetisi kakan, Tepuroni ida kipan anunu va' beni tarisari va' ano mino iye ne'ne' bein anunu iyafo mai kayo na' daran tanti na bano.