1 Ma'-antu khanti Tiyarafenu ni yoran banta isa-eva iyampon arinta va' anunu-o. 2 Tepuro ano teti nan anunu iya maen beyan tetin timi khem-i, tetiyan ina ma-an mana va' esa tetisi tinunu pokesa Tiyarafenu na' ikun uanta tifani. 3 Ma-an tukhanti idava eya mana va ono, ida va pamuku ono, ida va ifunta kein avu ava barano, maima ma-an inte Tiyarafenu ni khan tasi ukhein nanin banta avora i funtara nono. 4 Namu inin onan, namu vaya Tiyarafenun avora ifunta kemi, bebe avu ava sami bei anunu ukhemi. Ma'-an ma sikhanti tusu va teno. 5 Banta ano ma kiyafo mara ma iyain, beyan namana in avu ava ma iyain mano-i kampun Kotin tama mono tein-i iyan maima ma-anti yain kayo iya khanai-en Tiyarafenu nama Tepuroni barufin orin temi. 6 Iyava a-esin ida ena baya ano kapun tiren e-in eviran, pavarase' Tiyarafenu ni aram mano kampun baya masin kayo mi are-iyami. 7 Ma-antu khanti iya va beu ba bake va kasae va ba. 8 Pefa e-i yunin avu ava pin afeyo kao,tare-a e-i Bafani kakhan aupin vaompo kakan akha ma noini sa'-o. 9 Kakhan ma van kama avu ava ano beni yunan amin daken mai ma vain pura vaya va punta kein avu ava ino. 10 Dose, intea yana sa Bafam mano mo eken anunu iyanafi, 11 nenta sa ba, iva dunin avu ava ma bari yain kayo va mana fin ba. 12 Mai Khakan ayave ino, aupa ma tiran baya ma maman ama' ma danti ya. 13 Ama-in bante mino Kakan mano ma dako uran nain dana. 14 Kakan mano aupa ma baein yana sinta yakosi inte mifo aun baran avu ava pinte orun manta vesina Tepuro en avora sa kakhan. 15 Iretiva dafian akonao iva oyen kaiyo ma bain-i ukhe va afova khayo ma bain i sa ukhe va. 16 Namu yamu eriyan, a'-au eanti yami. 17 Ma-an tukhanti iva o-en ukhe va Tiyarafenu ni avu ava afova ukhe va ba. 18 Ida va uvaini nare o-en ukhe va ba,paravara se' eni kama avu ava ma dein namu inte mifo aesina Kanta Aunan mano tetin pin bikakhen na ba. 19 Ena khayo-va baya-ie ida amusin iyake mino au' ara' inin onan Bafan na ame. 20 Tiyarafenu be anin Tepuron avika mino yamu muse ana va teno. 21 Eyan aru esin aravu binti ena ara nausa uvesin Tepuro maira kakhan bi bara. 22 Tiyarafenu arana oma baona-i eva' banta aranaosa ba. 23 Anasiano va banta aranau sa ba. Mono namun ma Tepuron arana-u oma baini ukhe vano. Tepuro be'i ayavanta. 24 Mono namun ma Tepuro arana'u ma bain nima ukhein maan mana va ono. Anasi ano mino yamu banta aranaus'a bano. 25 Tepuro anoma mono namun anunu i'yaini eva banta ano anasi va anunu moeke va ono. 26 Tepuro beyan dan khan mono, amiren aman Kantasi uvadaremi non nama be'i baya poke'i tese uvayam bami. 27 Ma'an ukhantin beyan panu akonafin asotu en ida ida peran ban, ida akhokho van kantasi en bami. 28 Ma-am mana ukhami banta ano ma bei a-u bukhafa ma anunu iyaini ena anasi anunu in, inka anasi ma anunu ano mai beyan anunu intemi. 29 Ida mana no be au' bukhafa anan uvan tiyami kama emi dafisi yami, 30 pavarase tetima bana' Tepuroni aufin mana antumi batife. 31 ''Mai ana vami banta ano bei ano afon me ampiren anasi va manafin umaen bantemi, mai kam mano aman manai en bantemi''. 32 Pura vaya ano apa-in aman temifo teti Tepuro nama mono namun bami baya sikhene. 33 Ma-an tukhanti mana mana va be-anasa mo ekan anunu va amintin, inka anasi ano va banta ara'nao sisa-i.