¹ Mi kame akabira mu masinagoge kakwina mukwame we yanja lizyuminine. ² Bamunya bantu bokumu tonderera hawa nali mbwa hoze muzyuba lye Nsabata koti ye bamuwanine ho omurandu. ³ Mi akuta mukwame we yanja lizyuminine ye, '' Zyimane mukati ka bantu.'' ⁴ Mi aku buza bantu ye, '' kana kuzumininwe okutenda burotu kapa bumango muzyuba rwe Nsabata; kuhaza, nali kuyaya?'' kono bonshe kabantontweze. ⁵ Akuba tonda kokubenga, Oku swaba hawa che myezyo yabo emikukutu, akuta zyo mukwame ye, ''Worore yanja lyako.'' Akuli orora, mi anja lyakwe lyokubora nenja. ⁶ Nabwangubwangu haho amaPharisi bakuyenda kuka lirukisa nema Heroda buti shaka bamuyaye. ⁷ Cwale Jeso ne bazyizywa bakwe bakuyenda kwi wate, E dhxandiya ya bantu bazwa kwa Galireya ni ba muhumpa naba bazwa kwa Judeya, ⁸ ne Jerusalema ne Idumea nomushilya lya Jorodani naba kabazwa kwa Tire ni kwa Sidoni. Echigugi cha bantu, aha bashuwa ezintu ezi katenda niba kezya kwakwe. ⁹ Nakumbira bazyizywa bakwe ye bamurukiseze obwato chebaka lya bantu bungi, ye tamba bamulyataure. ¹⁰ Kakuli na hoza bantu bangi, echigugi cha bantu kachishaka kumukwata. ¹¹ Monshe omo kaimubonena myioya mibbi kai gwira ha vuso vwakwe, neijangaza ye, ''Ndiwe mwana wa Nyambe.'' ¹² Mi o kuikalimera ye basha muzyibahazi. ¹³ Na kambimina ku marundu, akukuwa abo kashaka ye babe neye, bokezya kwakwe ¹⁴ Akusharura mo ekumi na bantu bobire (aba kakuwa ye ma Apositora), nokuti ye baka rute ezywi, ¹⁵ nibahewa manta okuhoza matuku noku zwisa madimona. ¹⁶ Kame nasharura Simone ozyu nahewa zina lya Pitorosi; ¹⁷ Jakobo mwana wa Zebediya, Johani mwanchu wa Jakobo, abo naha ezina lya Boanegesi, eli litarusa ''Bana bo nvura''; ¹⁸ Anduru, Filipi, Batolome, Mateu, Tomasi, Jakobo mwana wa Alufea, Tadeyasi, Simone omukanani, ¹⁹ ne Judasi Isikariota, ozyu na mureeza. ²⁰ Okuyenda kunjuwo, e dxhandiya lya bantu yokukezya kame, ne konko kalinibalya. ²¹ Ahashibabona bulyaho bakwakwe bokuyenda kukamukwata nokuta ye, '' Ka azyali nenja.'' ²² Aba ñoli abakaba kazwa kwa Jerusalema niba muta ye '' akabirwe myoya ya Beelzebule, naha azwisa madimona kuta ye ndomwine wawo.'' ²³ Jesu nabakuwa okubata munguli ye '' Mbuti Satani awora kuzwisa Satani? ²⁴ Haiba mubuso ukibbatukite, owo mubuso kawuwoli kuzyimana. ²⁵ Haiba enjuwo iki bbatukite, neyo njuwo kaiwoli kuzyimanina. ²⁶ Haiba Satani shana kizokeli nokuli bbatuka, kashiwoli kuzyimana kakuli ngamamanikizo akwe. ²⁷ Kwaazya awora kukabira munjuwo yo muntu a gorete no kumuhibira zibya zakwe mbita shaka a shimine ozyo muntu koti nawora kutenda ezi ashaka munjuwo yakwe. ²⁸ Fwee chinu ndimisumwina, ezibbi zonshe zo mwana' muntu zara kwatirwa mane bulyaho na kanyanso aka bana kuwambanga, ^{29 29} kono enshe ozyu anyansa ruho ruchenete kali nakwatirwe e zibbi zakwe, mbwabe no murandu kaumani.'' ³⁰ Jeso nawamba zi kakuli kabamuta ye '' akwesi ruho rwe tukuta.'' ³¹ Kame banyina neba nchiye bokukezya kuzyimana hanje. Bo ku mutumina no ku mukuwa. ³² E dxhandiya lya bantu kabakere ku muzimburuka bo kumuta ye ''Banyoko nabanchu bako bakere hanje bakwesi bakushaka.'' ³³ Akubataba ye ''Bama na banchuwangu bechikwame mbani?'' ³⁴ Aku tonderera bonshe aba kaba muzimburukite nokuta ye ''Mubwene, aba mbi Bama na banchu vangu! ³⁵ Yenshe ozyu atenda ezo ashaka Nyambe, ozyo muntu nde mwanchu wangu, ne nchiyangu ne Ma.''