¹ Haa boola kwa Kapenauma aha kuhita amazyuba alikene, bo kushuwa yee nahuli ku njuwo. ² Dxhandiya kainako kalikakwina e chibaka, nomuchizyi monshe .Jesu ha kuwamba ezywi kwa bo. ³ Bantu bamwinya bokezya kwa kwe ba hindite muntu shiluñañali, ka hinditwe ku bantu bone. ⁴ Bo kukwanga kuhula afwii neye bakeni cho bantu bungi, bokulizya awiru lye njuwo nokutulula e chishuka, bokukabizila mo eshasha aha karere shiluñañali. ⁵ Aha shabona entumelo yabo, Jesu nkokuta mukwame shiluñañali, "Mwanangu; ezibbi zako zakwatilwa." ⁶ Cwale bañoli bamwi ba kabakere ho, bokuta mu miozyo yabo, ⁷ ''Zyu muntu mbuti awora kuamba bulyena? Anyansa! Ndini awora okukwatila zibbi, mbita ndi Nyambe yenke?'' ⁸ Haho bulyo Jesu o kuremuha ezi kaba azyara mukati kabo. Akubata ye, ''Chinji muazyara bulyena mu miozyo yenu? ⁹ Obuhuba mbobwi kuta shiluñañali, 'Ezibbi zako za kwatilwa',kapa 'Buke, nanune ngubo zako kiyendere'? ¹⁰ Okutiye muzyibe mwana muntu akwesi maanta mufasi okukwatila e zibbi," akuta shiluñañali, ¹¹ ''Ndita kwako, zyimane, hinde shasha lyako, ki yendere ku njuwo yako.'' ¹² Haho bulyo akunanuka nokuhinda eshasha lyakwe, nokuzwa munjuwo habuso bobantu bonshe. Kuta yee bonshe bakomoketwa mi bo kuha ntumbo kwa Nyambe, nabata ye, ''Twaliku shemwa kuchibona''. ¹³ Akuyenda hape kumbali ne ziba, e chigugi chobantu bo kumuhumpa , ha kutatika kuba ruta. ¹⁴ Aha hita, akubona Levii mwana Alufeya nakere mutente yo mutero, akumuta ye, ''ndi humpe.'' Ye a kumuhumpa. ¹⁵ Jesu aha kakakere ku zilyo mu njuwo ya Levii, bashi mutero bangi ne batendazibbi kabakwesi ba lya ne Jesu nebungi bo bazyizywa bakwe, kaba muhumpite. ¹⁶ Abañoli, kabali ma Farisi, bo kubona ye Jesu akwesi alya ne batendazibbi nebashi mutero, bo kubuza bazyizywa bakwe, ''Chinji aha alya nebashi mutero ne batendazibbi?'' ¹⁷ Jesu ashuwa zizo akubata ye, ''Bantu ba hara nenja kaba shaki ñanga; aba ba shaka oñanga mba lwere. Kali ninda kezyela kukuwa bantu ba chenete, kuba tendazibbi nanda kezya.'' ¹⁸ ba Johani naba Farisi kaba ki nyimite zilyo. Bantu bo ku kezya kwakwe bati ye, ''chinji bazyizywa ba Johani naba zyizywa baba Farisi baki nyima zilyo, bako kaba ki nyimi?'' ¹⁹ Jesu akubata ye, ''bantu bawora kuki nyima ezilyo omu sheshi ne na nabo? Haiba musheshi ne na ko kabaoli kuki nyima ezilyo. ²⁰ Kono mazyuba naana kezya omusheshi nara hindiwa mukati kabo, mu mazyuba wo, nabana ki nyima ezilyo. ²¹ Kwaa zya muntu asuma esila eya achizyabaro chikurumpere, bulyaho elyo sila mboli ñatuke ho noku chiñatulurira. ²² Kwa azya muntu abika waine mukatene kakurumpere, kushiba bulyaho ewaine iñatura katene cware waine ne katene mbo zizyoba. Kono mubike waine njaa mu katene kaya.'' ²³ Muzyuba lwe Nsabata Jesu kahita mu mawa obweke, bazyizywa bakwe botatika kutora bweke. ²⁴ Ba Farisi bo kuta kwakwe yee, ''Tonde, chinji aba tenda zintu kazizumininwa muzyuba lwe Nsabata?'' ²⁵ Akubata neye, ''Kali nimwa bala ezinaatenda Davida aha ka kashakite no kufwe enjala - eye na ba kayenda nabo- ²⁶ omu naa kabirila mu njuwo ya Nyambe Abiata nali muprita mukuru, kulya zilyo ezi kali ka kaswanezi ku lya, ezi ziswanezi kuliwa kuma prista ko mulao?'' ²⁷ Jesu akubata ye,'' E Nsabata naya tenderwa o muntu, kali muntu kutendelwa lwe Nsabata. ²⁸ Cware he Mwana Muntu ndu Mfumu mane ne zyuba lye Nsabata.''