¹ Nikwa tendahara haho bulyo Jeso ha kuyendaura muminzi ne menziana nazyia nokuamba mbuzi ndotu yo mubuso wa Nyambe. Be kumi ni tobire kaba kere neye, ² Niba mwinya bakentu aba niba hozwa ku ruho rubbi nema rwalila, Maliya kakuiwa magadalena kwakwe ni kwa zwiswa anja nitobile to madimona ³ Johana, mwabo wa chuza mwika wa Heroda ;Susana niba mwinya, kaba likwesizi kabaha entuso aha kaku shakahara. ⁴ E dxandiya yobantu kaikopene, bantu kaba kwesi ba kezya kuzwa mu minzi ne minzi, aku sumuna enguli ; ⁵ "Omulimi nayenda ku kuna embuto, Aha kakuna, imuinya yoku wira munjira no ku lyatauliwa kubantu, no kuliwa kuzi zyuni kazi huluka huluka . ⁶ Imuinya ko ku wira mu mabuwe ashaikura yo ku zyuma, kakuli kwaazya omutaansi. ⁷ Imwinya yo kuwira mu minga, aho sheikulilira eminga ne mbuto minga yo kuiya'a. ⁸ Imunya yo kuwira mwibu rotu yo ku reta zilyo zilikana mwanda no ku hitiliza ." Jeso aho shamana kuamba zizo zintu, shati ye, ozyo a kwesi matwi okushuwisa,mu musiye ashuwe." ⁹ Ba zyizwa bakwe ba kubuza entaluso ye nguli. ¹⁰ Akubata ye, enzibo ye nkunutu yo mubuso wa Nyambe niya hewa kwenu, kono kuba muinya ndiamba ke nguli, Kutiye, kubona basha boni, kushuwa basha shuwisisi. ¹¹ Entaluso ye nguli eyi, embuto ndi zywi lya Nyambe, ¹² Ina yo munjila mbaabena niba shuwa, kono dyabulusi a kezya kuhinda e zywi mu myozyo yabo kuti ye ba sha zumini noku hazwa, ¹³ Yo mu mabuwe mbabena, basishuwa ezywi bakuli tambura ke tabo. kono baazya emisii, bazumina haho kono bashi ezekwa bawa. ¹⁴ Embuto niya wira muminga mba bena bantu ba shuwa ezywi, kono mu njira, ba kuminiwa ku mpiraero ne bufumu ne minyaka yobu haro, mi e chiyangantu chaabo kachi binzwi. ¹⁵ Kono embuto niya wira mwibu rotu mbaabena niba shuwa ezywi nokuli bika mumizyo yabo noku bika chiyangaantu ko mozyo mure. ¹⁶ kwaazya omuntu, amunika elambi, noku vwika ho kasuba kapa kuibika mu nkotela yo mumbeta. Kono, aibika akatara kutiye muntu ye nshe akabila abone seli. ¹⁷ kwaazya chintu chi zikitwa kali nachi zyibahale, Kapa nkunutu eyi kali nai zyibahare nokuireta a seli. ¹⁸ Muteeze chaha, ozyu a kwesi nara hewa ozyo azya nara tapiwa nanga kena ahazyara ye a kwesi" ¹⁹ Banyina ni banche ba kwe bo kezya kwakwe, boku kwanga kuhura aha fwihi neye bakeñi che dxandiya. ²⁰ Nibamu sumwina, "banyoko nibanche bako ba zyimene hanje ba shaka kukubona". ²¹ kono Jeso akubata ye , "maye nibanche bangu mbaa bena ba shuwa ezywi lya Nyambe nokuli tenda." ²² Mu zyuba li mwinya akukabira mubwato naba zywizwa bakwe, akubata ye ,"tuyende mwina shilya lye ziba, "bakuzua, abashi zua, eye aku rara. ²³ Kono ruho runene ro kezya ku ziba, bwato bwabo bo kuzyura menji kabakere mubukaabu. ²⁴ Cware ba zywizwa ba Jeso bo kezya kumu busa, batiye ,"Nfumu' Nfumu; shetufwa", Akubuka noku raela o ruho ne makumpa mi zo ku tontora. ²⁵ Cware akuta kwabo, ".Ntumelo yenu njei? kono kaba tiite, akaba shitiite, hape kaba komoketwe, bo kukibuza mukati kabo,"Ndini zyuzyu kame, asumwina ruho na menji, mi zi mushuwa." ²⁶ Ba ku fwiika mu chishi chiba Girasene, chikere mushilya lyo ziba kuzwa kwa Galileya. ²⁷ Cware Jesu akusuka no kulyata e nkanda, a kukiwana nomukwame wa mumunzi ozyu ka rwala madimona kali kazwata, hape kali ka hara munjuwo kono kumabita. ²⁸ Asha bona Jeso, a kulira noku wira hanshi habuso bwakwe nokuamba kezywi nene ."Chinji oshaka kutenda neme? Jeso, mwana Nyambe ozyo a hangeme? ndikumbira, washa ndi shandisi. ²⁹ Jeso akuraera ruho rubbi kuzwa kozyo mukwame. Kakuli nako yo nshe kalwina neye,ka shumininwe muma wenge ne nsipi, kono kakosholanga mawenge ama Dimona nokumu twala mu nkanda. ³⁰ Jeso akumubuza " ndi weni"akuta ye "ligini" kakuli kakabilwe ma dimona mangi. ³¹ Ka kwesi amu kumbira ye ashaa timbili mwi rambo. ³² Haho kakwina chigugi cho zigurube kazi kwesi zi tafuna ku mbali ne rundu. Ma Dimona paha niya mukumbira ye akakabile mwazo, nokua zuminina. ³³ Madimona akuzwa ko zyo mukwame nokakabira muzi gurube, chighughi chonshe cho ku butukira muziba no kamina. ³⁴ Bena kabakalile zigurube bashibona ezi za tendaali, bokubutuka kazisumuna kumunzi ne chilalo. ³⁵ Mi bantu bo kuya kabona ezi zatendaali, Cware aho bakezya kwa Jeso baku wana ozyo mukwame naa tandwa madimona, nakere kuma tende a Jeso na zwesi hape a liketete muburubi, bo kutiya chaha. ³⁶ Cware abo niba bona mukwame ozyo ka yendeswa madimona omo na hozekezwa. ³⁷ Bantu bo muchishi chi ba Garasene boku kumbira Jesu ye azwe kwa bo, kakuli kaba tiite hawa. Ye ha kukabila mu bwato kuti ye ba boole. ³⁸ Mukwame ozyo na tandwa madimo na mukumbira kutiye ayende neye, kono Jeso aku mutumina kungi, natiye, ³⁹ Oboole kumunzi wako ka sumune chaha ezi na tendi Nyambe kwako". Mukwame akuyenda naamba mumunzi onshe ezi natendi Jeso kwakwe. ⁴⁰ Jeso aka boora, echigugi cho kumu tambura,bonshe kaba mulindile. ⁴¹ Bone, Mukwame kakuwiwa Jairasi, ozyu kali zyu mwinya oba yendisi be Sinagoge, kezya ku wira kumatende a Jeso, no kumu kumbira ayende ku njuwo ya kwe. ⁴² kakuti mwane wo mukazana we zilimo ze kumi nitobire ka kupauka , Jesu akashina munjira, bungi bo bantu kaba mu chilire. ⁴³ Haho mukentu kena ho ozyo katika maroha ke myaka ye kumi nito bile na mana masheleñi akwe muba ñanga kono kali na hora. ⁴⁴ Akukezya murushara lwa Jeso no kukwata ku mungundo we sira lyakwe,haho maroha akwe noku zyimana. ⁴⁵ Jeso akuta ye, "Ndini zyu nandi kwati?" Bonshe bakukana, Pitolosi akuta ye "Nfumu, chigugi chobantu bonshe chi kuziimbulukite mi bakwesi baki tininikiza hako. " ⁴⁶ Kono Jeso nati," kwena ozyu nandi kwati, nda zyibi maanta angu nazwi kwangu." ⁴⁷ Aho abona mukentu ye kawoli ku lendera, a kezya na tutuma no ku wira habuso bwa kwe. Akuamba habuso bwa bantu bonshe chinji namukwatili, nomo na horeli haho bulyo. ⁴⁸ Mi akuta kwakwe, "Mwanangu, ntumelo yako yaku tendi nenja yende ke nkozo." ⁴⁹ Akasikwesi aamba. zyumui akezya kuzwa munjuwo yo mukuru we Sinagoge, nati ye, " Mwano na fwii waa katazi muzyii kame ⁵⁰ ",Kono Jeso aho a shuwa zizi, akuta Jairasi, "Washa tiyi, zumine bulyo nara hora." ⁵¹ A kezya ku njuwo, akukanisa bantu kubila neye, mbita ndi pitolosi, Johani ne Jakobo neshi wo mwanche niba nyina ⁵² . Bonshe kabamu lila noku kumbauza Kono akubata ye, "Mwaa kumbauzi, Kana fwi kurere arere." ⁵³ Kono ba kumusheka koku zyiba ye na fwi. ⁵⁴ Kono ye akumu kwata ku aanja noku kuwa ye, "Mwanche, buke!" ⁵⁵ Oruho ro ku boora mi akubuka haho bulyo.no kubata ye mumuhe zo kulya. ⁵⁶ Bazazi bakwe kaba komoketwe, kono aku bata ye basha sukurulwi bantu ezo za tendahali.