¹ mwao ma zyuba, kokezya entaelo kwa Sezare Agasitasi kuta ye kubaliwe bantu bahala mu chishi chonshe. ² Yiyo emparo neya tendahala kaili yo matatikilo Kwirinasi nali muyendisi wa Syria. ³ Cwale muntu no muntu akuya kumunzi kuka ñolwa no kabaliwa. ⁴ Josefa neye akuzwa mwa Galileya, mumunzi wa Nazareta, kuya kwa Judeya, mumunzi wa Davida ou kau kuiwa Beterehema, kakuli neye kali wo mukowa no lusika lwa Davida. ⁵ Paha kaya ne Mariya, kuku ñolesa, ozyu ka shuminine kame ka sumbele. ⁶ Cware aha kabakena kuko, nako yakweyo kureta mwane kare yahura. ⁷ Hakureta omwana wo muroba, we bere lyakwe, akumu bwika masila mare, nokumu lalika mu chikungu, kakuli kali kaku aazya chibaka munjuwo yo ba vara. ⁸ Kakwina balisani muchishi co aba kabakwesi bamamela ezigugi ze ngu zabo masiku. ⁹ E engeloi lyo Nfumu lyo kuki bonahaza kwabo, ne tubo ya Nfumu yo kuba zimbuluka ba kutiya ahwa. ¹⁰ Cware engeloi lyo kubata ye, "Mwashatii, mazywi marotu nda kareti kubantu bonshe. ¹¹ Shunu mumunzi wa Davida muhazi naretiwa! Ndeye Kreste o Nfumu! ¹² Echi mbo chikale chisupo kwenu, mbomu kawane mucece a vwikitwe masila arere mu chikungu." ¹³ Haho bulyo engeloi ne chigugi chabashi nkondo ya ku wiru, ba kuha e ntumbo kwa Nyambe, nebata ye, ¹⁴ "E ntumbo kwa Nyambe wa kuwiru empole ikale hanshi kwaba ba mushaka." ¹⁵ Mangiloi aha shabaa baleka kuboola ku wiru, balisani bokukita ye, "Tuyende kwa Betelehema, tu kabone ezi za tendaa hali, ezi na tu sumwini Nfumu". ¹⁶ Ba kuweleleko bo kawana Mariya ne Josefa, no kubona mucece na lazikitwe mu chikungu. ¹⁷ Ba shimana kumubona, bo kuhasa ezi naba shuwa awiru lyo mucece. ¹⁸ Abantu aha naba shuwa zizo baku yobola hawa ezinaba shuwa kuba lisani. ¹⁹ Kono Maria ,akuazyara ezintu zonshe ezo naa shuwa, akuzibika zo butokwa mu muozyo wakwe. ²⁰ Abalisani baku boola, nabaha ntumbo kwa Nyambe kezintu ezi naba shuwa nokubona, ezi naa ba sumwina. ²¹ Mu mashala oma zyuba o hanja netotatwe, omwana natwaliwa kumupato, nokumuhulika ezina lya Jesu, eli nalya hewa ku ngeloi nyina na shini kusumbala. ²² Mazyuba oku chenesa kuzwa mu chizila cho kureta ha naa mana, komulao wa Mushe, Josefa ne Mariya ba kumureta mutempere mwa Jerusalema kumutwala habuso bwa Nfumu. Omu ku ñolelwe mumulao wa Nfumu, ²³ "Ebele lyonshe lyo mukwame ana nalina hewa kwa Nfumu". ²⁴ Bo kuha chitabelo kuya ko mulao wa Nfumu, "aba njiva bo bile kapa kwilimbaana zoli 2." ²⁵ Bone, ko kwina omukwame mwa Jerusalema kakuiwa Simioni ka chenete noku karuka. Kalindile ozyu kabotele okezya kuhaza Isiraele, mi Ruho loku Chena kalwina neye. ²⁶ O Ruho ru Chena nelwa muzyibisa ye kali na fwe nashini kubona Kresite wa Nfumu. ²⁷ Nahitwilwe ku Ruho, Simioni ha ku kabila mutempele. Bazazi niba reta mucheche Jesu, kumutendera ko chizo no mulao, ²⁸ hakumukwata muma anjaa akwe nokuha entumbo kwa Nyambe nataye, ²⁹ "Oreke mwika akiyendere mu mpole, Nfumu, sina koma zywi ako. ³⁰ Mensho angu naboni kuhaza kwako, ³¹ okunotendi abuso bobantu bo nshe. ³² Eseli libonisa basi zishi ntumbo kubantu bako Isiraele." ³³ Beshi wo mwanche neba nyina kaba komoketwe ezi kaziambiwa kuamana neye. ³⁴ Simioni hakubaha enfwiyauzi nokuta kwa Mariya nyina, "Bone, ozyu mwana naaketwa kureta kugwa kobantu nokunanuka ko bantu bangi mwa Isiraele nechisupo echi na chikaniwe _ ³⁵ Mi mponda naina shompa omozyo wako_ ezihazyaara bantu nazina bonahala." ³⁶ Kakwina mupolofita womukentu kakuiwa Anna mwana Fanuwele kuzwa mulusika lwa Asha, ka kurumpere. Naahala nemukwame wakwe myaka yo anjaa neto bile kuzwa mu bumwale. ³⁷ Akukara omu nfwilwa ke myaka yoli 84. Kali kazwanga mu tempele kono ka sebeza noku ki nyima ezilyo noku lapela, masiku no kamwi. ³⁸ Mwa yiyo nako, hakukezya kwabo noku tatika kuha entumbo kwa Nyambe nokuamba kazo mwana kwabena kaba lindile kuhaza kwa Jerusalema. ³⁹ Bashimana kutenda ezi kabaswanezi kutenda kuya ko mulao wa Nfumu, bakuboola kwa Galileya, ku munzi wabo wa Nazareta. ⁴⁰ Omwanche akukula ko maanta, no butali, chishemo cha Nfumu kachikele a wilu lya kwe. ⁴¹ Bashemi bakwe kaba yendanga kwa Jerusalema mu mwaka ku mukiti wo Paseka ⁴² . Aha kakere ne zilimo ze kumi ne tobile, bakuyenda kame ko chizo cho mukiti. ⁴³ Ba shimana kukala mazyuba aho omukiti, ba kuboola kumunzi. Kono Jesu hakusiala mwa Jerusalema mi bashemi bakwe kali kaba zyii. ⁴⁴ Bo kuhazyala ye ayenda muka gugi aka kabakaya bu yenda nabo, bokuyenda omusipili we zyuba lyonke. Bokutatika kumushaka mukati ko ba kwabo neku bashele. ⁴⁵ kalini ba muwana, bokuboola kwa Jerusalema ka mushaka. ⁴⁶ Aha shekunahiti mazyuba otatwe, bo kamuwana mu tempele, nakele mukati koba zyizi, na teezete kwabo nokuba buza empuzo. ⁴⁷ Ba kaba teezete bo kukomoka e nshwusiso yakwe ne nkalabo. ⁴⁸ Aha ba mubona, ba kukomoka. Nyina akuta kwakwe, "Mwanangu, chinji ha notutendi bulyanu? Teeze, esho neme tuna fwii kukushaka." ⁴⁹ "Iye shati kwabo ye, "Chinji kamukwesi mundi shakila? Kali kamuzyi ye ndi botele kukala munjuwo ya Tata? ⁵⁰ Kono kali niba mushuwisisa ezi ka talusa kao ma zywi. ⁵¹ Cwale ha kuboola nabo kumunzi wabo kwa Nazareta nabaha ekute. Nyina nabika zintu zonshe mu moozyo wa kwe. ⁵² kono Jesu kakula mumazyimo, butali, noku shakwa kwa Nyambe ne bantu.