¹ Nikwa tendahara mwi nako eyo kenahwa rapera Jesu mwachimwi chibaka, zyumwi wa bazyiizwa bakwe aku muta ye, '' Nfumu, otu rute oku rapera bulyena na ruta Joani aba zyiizwa bakwe.'' ² Jesu aku bata ye, '' Amu shi rapera mute ye, 'Tata, kutembwe e zina lyako. Kukezye mubuso wako. ³ Otuhe nkoko yetu ye zyuba ne zyuba. ⁴ Otu kwatire ezibi zetu, komo tu kwatiranga abo batu fosezanga. Oreko kutu kabiza mu miliko.'' ⁵ Jesu aku bata ye, '' Ndini kwenu ozywa ora oku ba no mushere, mi aku yenda kwakwe hakati ka masiku, noka muta ye, ' Mushere, ondi heko ezi nkwaa zo tatwe, ⁶ kakuli mushere wangu ozyo akwina mu njira shana huli, mi ndaazya choku muha. ⁷ Mi ozywena mukati ozywa mutaba aoro kuta ye, ' washa ndi sesi. Echizyi ndi kare cha aliwa, na banangu neme bulyaho, shitwa pumuli. Kandishi oli oku buka hanu ye nizye ndikuhe zinkwaa.' ⁸ Ndimi sumwina ye, nanga ka buki ye akezya kuhe zinkwaa kakuli oli mushere wakwe, ke baka lyoku hindikira no swabite, mbwa buke akezya kuhe ezinkwaa ezo shaka zonshe. ⁹ Hape ndimi sumwina ye, okumbire, mi chira hewa kwako, oshake, mi nora wana, ongongote, mi nora arwirwa. ¹⁰ Kakuli yenshe omuntu ozywa kumbira ahewa; no muntu ozywa shaka awana; no muntu ozywa ngongota, nara arwirwa. ¹¹ Mushemi we chikwame nji mukati kenu, haiba mwane namu kumbira echinkwa, aku mahe cwe, kapa ashi mukumbira enswii, aku muha rukungwe kunje ye nswii? ¹² Kapa ashi kumbira egii, akumuhe ngee? ¹³ Cware, ati nwe mubabbi muzyi okuha banenu emipuzo emi rotu, mbuti kuora kuba ye eshwenu ozywena ku wiru akane okuha Oruho Ruchenete kozywa rukumbira?'' ¹⁴ Kuzwaho, Jesu kenaho atanda oruho orubbi, robumumu. Cware aho ruzwa, echi mumu choku tatika okuamba. Echinalyanga choku komokwa! ¹⁵ Mi bamunya abantu bokuta ye, '' Enaho atanda oruho rubbi ka Beelzebule, onfumu we myoya emibbi.'' ¹⁶ Bamwinya niba muyereka noku shaka kwakwe echi supo chizwa kuwiru. ¹⁷ Kono Jesu nazyiba e mihupuro yabo mpaho shabata ye, '' Omubuso owo ukauhene ura hasana, mi nenjuo ikauhene irawa. ¹⁸ Haiba Satani nali bbatura yemwini, omubuso wakwe mbuti uora okuzyimana? Enwe muta ye nditanda oruho rubbi ka Beelzabule. ¹⁹ Haiba nditanda oruho rubbi ka Beelzabule, aba chilili benu kenji baitanda? Kabulyaho, baraba ba atuli benu. ²⁰ Mi ati ndi tanda emyoya mibbi komunywe wa Nyambe, kokuta ye omubuso wa Nyambe wakezyi kwenu. ²¹ Haiba omukwame ozywa gorete ozywa litukise na babarera enjuo yakwe, ezibya zakwe zina nenja, ²² Kono anti omukwame ozywa gorete na mukoma, omukwame ozywa gorete a mutapa echirwiso chakwe, noku aba ezibya zakwe. ²³ Ozywa azya kwina neme andirwisa, mi ozyo ka kopanyi neme akauhanya. ²⁴ Oruho rubbi aho sheruzwa kozyo mukwame, roka hita muzibaka omo mwaazya menji noku shako ku ruora okukara. Aho rubona ye karwa wani, rokuta ye, '' mbondi boore kwi njuo oko ndaka zwi.' ²⁵ Aha sheru boora, roka wana enjuo ya tanyeliwa noku bikwa nenja. ²⁶ Roku yenda noka hinda rumwi oruho orubbi oku rutanta oro rulikana eanja nirobire ye rukezye rukare mo. Mi omukaliro wozyo mukwame wokuba kwinshi hawa okuhita we ntanzi.'' ²⁷ Nikwa tendahara ye, aha kenaho abamba zo zintu, omukentu zyumwi mpaho sha shumpura oku tantiliza noku muta ye, '' Ku fuyaurwe ebumo omo niwa zwa nama nshwee oko niwa nyonka.'' ²⁸ Mi akuta ye, kono, ku fuyaurwe ozywa shuwa enzywi lya Nyambe noku libika.'' ²⁹ Aha kacinaho chi kopana echinalyanga, aku tangisa oku amba ye, '' Eli sika ndi sika lyo bubbi. Lishaka echi supo, naho kwaaya echi supo echo ba boterwa oku hewa mbita echi supo cha Jonasi. ³⁰ Shina Jonasi aho naba echi supo kubena Nenive, Ne Mwana wo Muntu neye nara ba echi supo kwelinu asika. ³¹ Omu Oli wakwa Mbowela nara zyimana he nkaturo na bantu be linu esika noku ba nyansa, mi nakazwa kuma maninikizo e fasi okezya ku shuwa obutali bwa Solomoni, mi mubone, Omunene okutanta Solomoni mpwena hanu. ³² Abantu ba Nenive bara zyimana ha nkaturo na bantu be linu asika noku linyansa, kakuli niba baka kwi nkutazo za Jonasi, mubwene, zyumwi omunene okutanta Jonasi mpwena hanu. ³³ Kwaazya zyo, a munika erambi, noku ifupikira kapa kuibika mwinsi ye chizuma, kono aibika ha chikaliko chayo okutaye abo ba kabira babe mwi tubo. ³⁴ Elinsho lyako ndi tubo yo mubili. Elinsho lyako ati ndi rotu, Omubili onshe uba mwi tubo. Ati linsho lyako ndibbi, omubili wako uba mu kansikwe. ³⁵ Kabulyaho, mumamere ye etubo lyenu lya shabi kansikwe. ³⁶ Ati, omubili wenu neu zywire tubo, neu azya echibbema cha kansikwe, omubili wako uba shina nji rambi eyo imunikire etubo lyayo hako.'' ³⁷ Aha sha mana oku amba, omufalisi aku mu kumbira ye aka lye neye kwi njuo yakwe, mi Jesu aku yenda noka kara neye. ³⁸ Mi omufalisi na komokwa kakuli Jesu naalya nashini okushamba ku maanja. ³⁹ Mi onfumu aku muta ye, hanu cware, enywe muba falisi muchenesa bulyo hanje ye nkomoki na kasuba, mi mukati kenu mwino bulyabi no bubi. ⁴⁰ Enwe mubatu mwaazye ngana! Kali ozyo na panga mukati ndeye natenda na hanje? ⁴¹ Muhe aba njebwe zina mukati, mi zonshe mbozibe zo zichenete kwenu. ⁴² Boshomani mbwenu mu bafalisi, kakuli mu neura eneu yonke kwezo zilikana ekumi ze mishamu ne chishihu chonshe, kono muderanguza omurao ne rato lya Nyambe. Ku oreseka okutenda ko murao noku shaka Nyambe, wati kwangi okutenda zimwi zintu hape. ⁴³ Busomani mbwenu mu bafalisi, mushaka oku kara mu zipura zoku buso muma sinagoge, noku mereswa ke kute muma ulisizo. ⁴⁴ Bushomani mbwenu, kakuli mufwana shina mabita awo aazya echi supo aho ba hita bantu niba azyo kuezyi.'' ⁴⁵ Mi zyumi omuruti wo murao wa majuda aku mutaba ye, '' Echo noambi matuka ni kwetu.'' ⁴⁶ Jesu akuta ye, ''Obushomani mbwenu, mu baruti bo murao! kakuli muremese bantu ko buremu kaba oli kuhinda, kono kamu kwati obo buremu nanga ke minwe yenu. ⁴⁷ Obusomani mbwenu, kame muzyaka ezibaka zenkupuzo za mabita aba porofita, mi mbeshukulwenu niba bayaya. ⁴⁸ Mi muli mpaki noku zumina ku misebezi yi beshukurwenu, kakuli ke niti niba yaya ba porofita, ama bita abo ngao shemu zyakira enkupuzo. ⁴⁹ Kebaka lya bulyaho hape, Obutali bwa Nyambe buta ye, '' Ndira ba tumina aba porofita na bapositola, mi bara bashandisa noku yaya bamwi.' ⁵⁰ Eli sika, kame, linaba no buikalabelo ka maroha aba porofita abo niba yayiwa kuzwa kuma tatikiro efasi, ⁵¹ kuzwa ku Maroha a Abere kuya ku maroha a Zakaria, ozyo na yayirwa mukati ke arutare ne chibaka chi chenete. Eee, ndimita ye, eli siku lina no buikalabero. ⁵² Boshomani mbwenu mu baruti bo murao wa majuda, kakuli nimwa hinda echi kiyiruliso che ngana; kamu kabili enwe mubeni, hape mu kanisa abo bashaka oku kabira.'' ⁵³ Jesu aho swazwa ho, abañoli naba bafalisi boku mu kananisa ke zintu ezingi, ⁵⁴ Kulika oku mukwata kamazywi akwe.