¹ Cware he, kakuli Kiresite na shanda mumubili, mulikwatise nenwe kowo muhupuro. Kakuli yenshe ozyo na shandi mu mubili nasiya chibi. ² Ka bulyaho, ozyo muntu, ke nako yonshe eyi nahare, kali nahalire e ntakazo za bantu, kono okushaka kwa Nyambe. ³ Kakuli e nako shiya mani yo kutenda ezi kaba shaka bashi chishi- zo bushayi, e ntakazo, budakwa, mbulyabi no kunywa chaha, ne kezitendo zimango za bazimu. ⁴ Ba azyara ye kamu kabili nabo muzitendo zabo, mpaho ba amba e zibbi kwenu. ⁵ Ni bara ki tabilira kozyo alitukiseze ku atura bafu naba bahara. ⁶ Keli baka ezywi nilya wambiwa no ku bafu, kuti ye, nanga shebana aturwa ko mubili wo muntu, bahare ka Nyambe mu ruho. ⁷ Ama manikizo ezi zonshe hafwihi ena. Kobulyaho mu likete, no kuliketa mu ku azyara kwenu che baka lye ntapero. ⁸ Hawiru lyezi zonshe, muli shake hawa, kakuli e rato libwika e zibbi zingi. ⁹ Mulitambure ne kwazya ku tongauka. ¹⁰ Shina muntu no muntu kwenu nahewa empo, muisebelise kuli tusa. Mutende zi koku botera e chikombwa cha Nyambe mwine we mpo za mahara. ¹¹ Heba kwina a wamba, ibe ezywi lya Nyambe. Haiba kwina ozyo atusa, atuse ke ngamu zizwa kwa Nyambe. Mutende zi kute ye munjira zonshe Nyambe a hewe tubo ka Jeso Kiresite. Kwa Jeso Kiresite kube ne tubo na maanta kuy'o koo. Amen. ¹² Bashakiwa, mwaha hindi ye kutiyiza e miliko eyi ya tendahali kwenu, mbo ye chintu chinene chitendahara kwenu. ¹³ Shali bulyaho, monshe omu mulishuwira kushandira Kiresite, mu botere, kuti ye nenwe mubotere no ku taba ku mboneso ye tubo yakwe. ¹⁴ Heba no tukirwa e zina lya Kiresite, o fuyawirwe, kakuli oRuho rwe tubo no Ruho rwa Nyambe zina hako. ¹⁵ Kono kwaha waniwa ye kwina ashandira okuyaya, busa, kutenda zimango, kapa obuherehere. ¹⁶ Kono heba kwina ozyo a shandira chirumeli, aha swabi; kono mumusiye ahe Nyambe e tubo ke zina lye chirumeli. ¹⁷ Kakuli she nako ye nkaturo ye itatike ke njuwo ya Nyambe. Heba ne itatika neswe, mbuti shaka nekube kwa bena kaba kuteki ezywi lya Nyambe? ¹⁸ Kame heba "omuntu a rukite nahalili ha ruzyara, mbuti shaka kubonahare kozywina kali wa Nyambe no zywina a tenda zibbi?" ¹⁹ Kabulyaho mureke bena ba shanda che baka lyo ku shaka kwa Nyambe basepe buharo bwabo kwakwe a sepahara ozyu na bumba nenja.