1 आबो शवाथलो समय ओ खेम्ज्याउ बेलाल सातालो ङाहादे ङा छालो झिसमिसेल मरियम मग्दलीनी सन मरियम मीन लेउ छुत्तो मेमा चिहान रहङन्या हुकेर । 2 रहङच्यो, नल घेओ भुइचालो ओबाओ, कतान्याकी परमप्रभुला तोबो स्वर्गदुत स्वर्गङाई मेल याहुओ; होकाई लुङ या पन्छयो, र नो तरल चुसीकेर । 3 होराई या रुप बिजुली मीतानो ओलेउ, र पहीरण पोम मीतानो पलाङो ओलेउ । 4 सिपाहीर छेकेर, थरथर गुकेर र सिओ मिर मीतानो ताकेर । 5 स्वर्गदुतय नो मेमारलाई हैलकेर, ताछेच्यो, कतान्याकी ङालाई थाहा लीज्या, की जेरय क्रुशल तङगैसीउ येशुलाई जे खिम्ज्या । 6 या के आल मालेर, तर जीतानो याय हैलेदे यालेउ, या के जीउदो तादे दोदे लीज्यार । हुदे प्रभुलाई नैसीउ पो रहङच्यो, 7 चानो बाच्यो र याय चेलारलाई हैलेच्यो, ‘या के सिओङाई बोहोरिदे सोदे लीज्यार । रहङच्यो, या के जेर भन्दा ङाहादे, गालीलल बाज्यार । नलज जेरय यालाई रहङन्या जेले ।’ रहङच्यो, “ङाय जेरलाई हैलेदे ङाले ।” 8 नो मेमार तके छ्या सन आनन्द सका चिहानङाई पुलुकेर, होकाई याय चेलारलाइ आउ हैलेन्या लागीत जोकेर । 9 येशुय नोरलाई यादयो, र हैयालेओ, “पारलाई अभीवादन ले ।”, नो मेमार हुकेर, याय खङ क्योकेर, र यालाई दण्डवत दोकेर । 10 नो छिन्ङ येशुय नोरलाई हैयालेओ, “ता छेच्यो । बाच्यो ङा भाइरलाई गालीलल बाच्यो हैलेदे हैलेच्यो । नल नोरय ङालाई दैन्या लेर ।” 11 जब नो मेमार याबाज्याउ, कोही पहरेदारर सहरल बाकेर र मुख्य पुजाहारीरलाई नल ओताओ पार घतना हैलेकेर, 12 जब पुजाहारीरय एल्डररलाई दैकेर र नो पार घतनालो बारेल नोर सका छलफल दोकेर, नोरय सिपाहीरलाई भ्या पैसा योकेर । 13 र नोरलाई हैलेकेर, “जेरय अबुररलाई इतानो हैलेच्यो, ‘गेर अस्यादे गेलेउ बेलाल येशुलो चेलार हुकेर र याय सिओ क्याङलाई कुदे लाङकेर ।’ 14 यदी आउ पाङ हाकीम लेउङ केके भन्या, गेर यालाई राजी जैन्या गेले र जेरलाई कताज समस्याल परि योन्या गेमाले । 15 होकाई नो सिपाहीरय पैसा या लाङो र होरलाई जीतानो हैलेसीउ ओलेउ, नीतानोज दोकेर । आउ खबर यहुदीराई खार्ल पारल ओ फैसीउ र आछीमलो छा सम्म पनि आउज कायम लीज्या । 16 तर एघार जना चेला गालीललो नो डाँडा नोरलाई ल याबाओ जोङ येशुय बाच्यो हैलेदे यालेउ । 17 जब नोरय यालाई रहङकेर, नोरय यालाई दण्डवत दोकेर, तर खारय यालाई सङका दोकेर । 18 येशु नोर लेउङ याहुओ र नोर सका या पाङो र हैयालेओ, स्वर्ग सन पृथ्वील पार अधीकार ङालाई योसीउ लीज्या । 19 आउकारण, बाच्यो र पार देशला जातीरलाई चेला जैच्यो । बाबु जा सन पवित्र आत्मालो मीनल नोरलाई वप्तिसमा योच्यो । 20 ङाय जेरलाई आज्ञा दोसीउ पार पाङपालना दोच्यो नोरलाई पैच्यो । र रहङच्यो, आउ संसारलो अन्त सम्म पनि ङा सदाज जेरय सका बोलोङज ङालेय ।