Gbutusi 2

1 Koaka, uonge poni ndya bbongi ka kakilagilo mawelikana. 2 Bbagiti bba bbangama bba ddetage na kima bbukebbuke bbaddoti, sa zibbiliabbobbe, ndibbabbahiki kakugia, bbamabbonga, bbatwa mulima saguma. 3 Kabbakali bbangbeku nabbo bbabbe dde na mugendio mabonga; bbakala kubba bbahambilili, na kuebbisa kanua mwenge, abbogbokiliani makulu sa Mabbonga, 4 Kima gbolusi nalianisa bbanikiekali bbala bbamunya bbabbo na baniki ndibbabbo, 5 Bbabbo bbaibbikima, ndibbe menemene, ndibbabbaibbi bbundilia ndya kima ndya kandabbo, bamabbonga, ndibbabbabbuti bba munyabbabbo, sekinaloki ndya Mambombi bbalakugaya. 6 Bbubbu hane bbatabbana nabbo bbetwaibbakima, 7 Weanisane nkumi kakima pooni, obbesa zibbiliakobbe, ka mugendio, Mabbonga, na uanisane ndyoega kamazima. 8 Na looki ndiaka bbuliki mabbonga, ndyalisa bbikisako kamusango, sekina ntwa mpaka mindyako soni angbe, abbulwekima ndyali zidi koako. 9 Obbuhane bbakoli bbabbutie bbakuna mulimo, na koliliabbo kima Amabonga, bbakalakuku hakana nabba. 10 Kanga bbabbo bbasuma, noho bbaanisane tolo pooni mazima sekina, basindililie loki ndya Mambombi nkumasu. 11 Nanga kobu ndya Mambombi,tandika sa kulama koabbapka, aenikanaa. 12 Komisasu kolazidi, na mugendio sakozo ndia kagwabbimbaho, na kabbuliki ndyaka sagaliyo tabbi bbagbolwa bbapka, nalikasu nekiwelikani ka gwabimba ndye endindiho. 13 Nekilia nikiisigi nkisa ndyasu na eekikana ndyasu mamba welikana ndya Mambombi na nkumasu Yeso kilisto, 14 Mindya epesya ku nkumesi koasu, na sumbasu tuka ka nsobbia ndyasu, na kwesukulilia bbampka bbabbe ndibbaki, bbabbe na manisini sa koliliaki ka mugendio mabonga. 15 Uonge kimaho obbuhane, obbutanuka na maniponi, sekina mpka na moti kalakukugaya.