1 Paulo, nkwenda mundya Mambombi, na nkwenda mundya Yeso-Kilisto, ndibba bbabbubhwa na Mambombi, na kaibha ka mazima naokana na utawa, 2 Na subba bhisabhe mulima bhuomezi ndya katolo poni, Mambombi mundya kakutoka onga mbela, abbulaka kategeta sa bhwile toloponi; 3 Nabinjo aokuddi looki subba bhuile ndyaki subba tebheza, ndyenibhisibhwa-bbya bhilagilo ndya Mambombi njuni mundyasu, 4 Kindya Tito miki mundyamo ka mazima subba ikiliza ndibbe kili kaganilibhua, nguguma na kasinge ndyatuki kindya Mambombi abha, nakindya nkumasu Yeso Kilisto, njuni mundyasu. 5 Nibbuddua ka Krete, bbuddakiliye mulimo ndyatigeliku, tombiliana mulimo oye obbu bbuwe bbangbeku subba inji Amabbonga. 6 Kbba nibbaliku bbapka ndibba bbakakuokaga, munya nkali moti, mundya abbuli na bbaniki muikiliza, nundya kagbokiliani nyegelaki ka ngidda na kangabbuoke. 7 Nanga agbokiliani nkoli mundya Mambombi abbe ntuwa mbumo, abbe mbundili looki ndya Mambombi; kalakubba ntuwa kutangia na ntuwa kiniga, ntamizi, mbweliagi kima, ntuwa kugomba; 8 Agbokiliani abbentuwa kubhalia, bbotwa bbapka bbakoli Amabbonga, abbe ntuwa kubhalia, bbotwa bbapka bbakoli amabbonga, abbesa zibhilia ibhe, ntuwa mazima, amawelikana, ngumisiliza, 9 Ndibba bbagbeyi looki ndya Mambombi, ndya bbabbugisa, bbubbe bbatua tebheza looki Amabbonga na bbubbukome bbakoli ziddi. 10 Alibhe sini subba ndibbabbatibhuo, bbapka bhiabbo ndibbabbaka kuokaga, bbadimagi ka dimaga bbapka; 11 Obbe ndakiagi, ntabhanguli sa ntulaponi, kalamaga nyama, soho ndyakakuko laga. 12 Moti subbabbo, abbindiye nabi, nabi mindyabbo sa mazima, too: agiabiyoo abbutiye bbatuwa mbela, bbanyama bbamakalama na bbakrete bbali bbatuwa mbela tolo poni, na bbaliagi sini, na bbakusi. 13 Bhwakaiso amabbonga. Agbokiliani osikilie na maani, nanga bbabbe na hikiliza Amabbonga, 14 Bbakalaku gbanana na bbanyama ndibba Kayudea na kabhilagilo ndya bbapka bbatua mbela. 15 Poni awelikanio ka ndibbawelikanio; kalibhe amawelikana kowa ndibba bbakawelikanio; ntekeleza na ibha ndyabbo aluzukania. 16 Bbagbeyi kola mulimo sa ibha Mmambombi, noo bbakomi subba ngeso ndyabbo, bbapka ziddi, bbamakanga bbuoke, ndibba bbakakitoka kola amabonga.