1 Nikikunyetisa kindia Mambombi na Yeso Kilisto, nchu musanga ndia bbapka ndibba kakuumbe na ndibba kuwa, kaina sa bhika ndiaki na ndiaka kusalia ndiaki, 2 Bbutoge loki ndya Mambombi, wetekanize ka mbono poni na katanuka bbukebbuke na Egisa. 3 Na ga adakubbabhe mbono ndye bbapka bbakakugumisiliza mugendio mawelikana; noo kazuguzia kimandia bbongia, bbada kweepesia ndugba sa bbasomi sini tombiliana na bhala ndiabbo. 4 Bbaka da kuokaniaga na kitoii ndiabbo ndiali samazimana bbada kuokaniaga ndiali sambela. 5 Noo eewe, obbe na ddetaga bbukebbuke na kima, omwene bbusuokole mulimo ndia nkoli mindya Mambombi, oko mulimo ndiako. 6 Nanga emi nidoi kambono saddakilia na saiyami alibhiya. 7 Emi nilonia bbulemo mabbonga, niddakia lugendo ndiamo, na bbundilia ikiliza ndiamo. 8 Bbuibhe neesi bbabhisi kami sabbu sa sanga; nkumami, ntua mazima, nchu musango adakuni pesia katolo linjo, kakabhe kindiamo mekaka, noo kabbapka pooni ndibba bbabhalio bhika ndiaki. 9 Bhika bhuango kindiamo; 10 Nanga dema aniddua, ka gonja ndiaka muakayoo, nayaki; ka Tesalonika; kreske aiya ka Galatiya, Tito ka darmatia. 11 Luka yekaka alindeye imamoti neemi. Ogbe Maliko, bbubbhike naye, nanga anigbokilyani kamulimo ndiamo. 12 Nitikaa tikiko ka Efeso. 13 Ndye okubhikaa, obhikise kami kunda ndye ni dduwaka troa kindia karpo, na bhitabbo nangubhu. 14 Alesanduro, ntutuli, anikolajiddi. Nkumami akimulipaa tombiliana na ndya akikolaga. 15 Weejibhe kulungi, nanga akoma loki ndiasu. 16 Ndie nibbikaongi, mpka na moti kabbi neemi, noo bbopooni bbaniddua. Na injo kalakubba kabbo sobbia. 17 Abbi nkumami mindya abbineemi na mindia nipesia mani, andulu kigambo ndya Mambombi abbabhe na bbapka ndibbe bbakamuibhi Amambombi bbaokaa, na tukaa kananokondia ngaghiya. 18 Nkumami anibbuaka sobbia poni, na akiani zunaa na akinigoddisa kakusalia ndye gulu. Kindyaki abbe nyetisaki ka miaka na miaka! Amen! 19 Omumatise Priska na Akila, na bbokotiana ndya Onesiforo. 20 Erasto atiga ka Korinto, na nindua Trofimo nalualika Mileto. 21 Okingebhe bhikako kekabbeheya nalibhe. Eubulo, pudeilino, klaudia, nabba namami pooni bbabbuholiagia. 22 Nkumami abbe nawe kamulima mawelikana! na nkisa abbe newe!