Gbutusi 3

1 Bbuibhe tolo sa mpelo,adda kibba tolo jiddi. 2 Nanga bbapka bbadda kubba bbaimi,bbabhali sente,kwebhala,kwetangia,ibbakisekaga,ibba kakibbutangyaga bba bbokoti ibbabbo,ibba kakibbwe bhaliyaga,ibbakabheni. 3 Ibbaka bbubhali ibbabbo,ibbaka bhali bbatoli mbela,ibbakaibhi bbapka ziddi ibba kitangiaga bbapka ndibba kikolaga mabbonga. 4 Bbasumbesi bbatwa mulima ma mota,ibbetangia ka ddeddeluwa,nkoli sa Amambombi. 5 Ibbali na ngeso sa tangiliabhe na bba kilika na mani ndyaki mpka minjo omwebbuebhe. 6 Kabbo alibhe ibba kigoddaga ka ndabbo ndya bbela isa bhilagilo ndya bbakali bba ddoma ibbali na nkumba matiedda;ibbaisibhua na kwegomba ma madda. 7 Mwegesa mindya ka tolo poni kabba tiko kwetegeleza mazima. 8 Bbya naye na Yambre na bbakikoma ndya Musa aongio,na bbapka na bbakintelia mazima. 9 Noo ka bbakidua ddanga,nanga sile ndyabbo aenekania keiso ndya bbapka pooni;ndyabbi ndya bbapka yoo bbebbali. 10 Kowako,uokania egisa ndyamo,na detaga ndyamo,bhigendelelua ndyamo,ikiliza na gumisiliza,tekana ndyamo,bhalana ndyamo. 11 Bhona bhona,bhusaliji bhona bhona tina ndiki tangimbe Antiokia,Ikona,na subba Listra?bhona bhona tina do kogumisilizi nkumami.ani juna ka pepe. 12 Nanga ndibba kibha tuliliya na Yeso bbada kewelisa dubba Yeso klisto. 13 Noo bbapka bba makalama nabba dimaga bba kimamiliyaga ka kibhi,na ddongai bbekina nabbo na bbaliya kiddonga bbekume 14 Otuliliye kakiya ndowega,ndehikaniya ku ndyetolo,na kimba kawanu mindya egiya. 15 Tukiliya ka bbuniki ndyako,oibhi bbaluwa mawelikana,ndya kusobhola da kisobhola kolako bbingbeku ka guguma na ikiliza bbua Yeso klisto. 16 Bbiandiko pooniabhisa ku mani sa mulima mawelikana ndya Amambombi na ali mabbonga sa egisa,nanga tokabbo,sananula,egisa ka mazima, 17 Andulu mpka mindya Mambombi abbe na ddaki bbikoluwa mabbonga.