¹ Nnangaseki, bbikikalilia kindieki bbiho, nakikiamwa tigaki yekaka kahinji Atene, ² Nikikintuma Timoteo, namasu, minista mindia Mambombi, kakigambo ndya Yeso kanilisabbo na hanisabbo kahikiliza ndyabbo. ³ Mpka kala kudanganikwa nabhonabhona yoho nangabbenu bbakumi bbuhibhia bbakibhisibhe kabhigambo yoho. ⁴ Nanga ndye kibbikindya bbenu, kiteketa tolianu nesio kiki bhonabhana; nesio injo akidia, na bbenu bbuhibhia. ⁵ Keyeho, emi nemi kibhikisobbola kalilia, na ninkintikia mpka ahibhe hikiliza ndyanu minjo ndengesi kala kubbulengesa na bhonabhona ndyasu kabbina mugaso. ⁶ Noo Timotheso, akidaha kindyanu akipesia makulu mabonga sahikiliza ndyasu na nangeso ndyasu, nakikitolia bbulinabbesu kakanilia, bhala kibbutangie na bbabbenu bbukitangie. ⁷ Nanga yoo namami, kasobbe-sobbe ndyanu kabbulililua ndyasu na kabhonabho ndyasu kabhonabhana saikiliza ndyasu. ⁸ Nanga kilibhe, telema kulungi kindya nkuma. ⁹ Bbukoliki ka koobbu, ndye kikisula Mambombi nanga senu nanga dedelua ndya kidedia nanga bbenu, kehisondia Mambombi! ¹⁰ Kilia na ntangali, kisabha makangahumula na kikakabbazibha iso ndyanu, natumisilia ndyabbuli kahi kiliza. ¹¹ Mambombi nkumi, abhasu, na nkumasu Yeso, obbongosiye nesio andulu kikide kindyaki! ¹² Nkuma wongelebhe yohoke yohokabbapka bbabbenu, ¹³ Makanga telemisa milima ndyanu makanga bbamabbonga mawelikana keiso ndya Mambombi, abhasu obhiki kindya nkuma Yeso nabbahikilizi ndibbaki!