¹ Bbuibha bbenu, bbakumi banami kadda ndyasu kindyabbenu kabbamakanga ena ndyatukaku. ² Dakia bhonabhona, nanga zibhubhiai Kafilipi, nesi bbubbi, bbakibuabhe kwee siga guambubbu mundyasu, nangatolia makulu ndya mbumbbu subba kimandya bbulemo. ³ Nanga tebheza ndyasu kabbi keddegulisa sobbi, bhikolua mazinana, kedde bbusuma; ⁴ Noo tombeliana na ndya, yoho Mambombi mundyasu ndya tinana koabesu nalikapasu makulu, na menjo kilikaonga, kali bbya gengesa bbapka, noogonjesa Mambombi, mundyaibhya kimaponi, ndiali subba mulima ndyasu. ⁵ Kalibhe nanga, kikolisalooki madimaga, nesi bbuibhya, kimasi, kikiena baasonigulu Amambombi alikeiso. ⁶ Bbesu bbiki bhala nyetisa ndyatuki kindya bampka, kedde kindya bbenu kedde kindya bbekina; kibbikisobbe holisa na bbutoki pooni bbya bbakwenda ndya Yeso, ⁷ Noo kibbana swala subbabbenu. Bbyakima ndya kipesia liaga kabbanikii, ⁸ Kibbi kakabba, kabbala ndya koabbenu, kubbupesia makulu ndya Amambombi, noo kabhomili ndyasu, nanga bbuli bbampka nanga koabbesu. ⁹ Bbukanilie, bbamami, mulimo nabhonabhona ndyasu: kiliana ntagali abbi nendye atukaku, nanga pesia mulimo moti koabbenu, kibbu tebheja makulu ndya Amambombi. ¹⁰ Bbulibba kaiso, na Amambombi, mundye kiena kindya bbenu ndibbebbi nambusa babhikulua mabbonga mazimanama kanga nsobbii. ¹¹ Bbui bhiadde nesi kibbigua moti koabbenu nabbabenu ndyaabha alikoa bbaniki. ¹² Kubbutolia, kubbukungata sabha nesi bbukuddetaga kamulingo ndya gbokelania koa Amambombi, mundia bbuekio kabbusalia gbolusi ndyaki na sanyetisa. ¹³ Alibbieti yoo nabbesu kimwebhalia Mambombi bbilakweganika, nageti bhwele ndye bbugba kigambo ndya Mambombi ndiebbuoka kindiabbeso, bbukyebhalia koakigambo ndiabba kpa alibbieti, kabba nali mazima kigambo ndya Mambombi, lindia kikolaga mulimo dde subbanu ndibbebba ikilibhwa. ¹⁴ Alibbu bbenu bba kpa bbubbi bbatombeleli sabbanisa ndia subba Yeso-Kilisto: bhweki bbenu bbinjo kobbakpa inji ndya bbenu bbokaka ndiebbatagie kabba Yudda. ¹⁵ Ndibbali ndibba Yeso, na bbanabbi, natombasu bietibbaka bhalani na Mambombi bbikipatani nabbakpa bboponi. ¹⁶ Abbukomisa onga ka bbapagani nesio bbaki zunua, andulu bbaddue hatiaga nsobbi ndiabbo. noo kiniga abbuduabhe. ¹⁷ Kbbesu, bbanamasu, subbanisasu nabbenu, kakozo, noo kamulima bba, kikibbaga na nyotasa bhwele poni tangianu. ¹⁸ Na bbesu kibbika bhalabhika jibhanu, emi Paulo, motikeddedou bbali, noo Sitani akisagisia. ¹⁹ Andiani, dumbi, mindyo kimwesigio, keddedde ddeddelwa ndiasukedde manyeta sabbu sakusalia ndyasu? kalibinjo na bbenu, na mbusasalia Yeso, katolo sabhikaki? ²⁰ Ee, okubbaga nyetisa mindya bbesu na ddeddelua ndyasu.