Gbutusi 4

1 Mindye abbalibhuawa,kolokubhisa bhenikiliza ndyekina ka mulima poni;no ozalibbuwe mulimanjo bhalahibha kabba na tukikindya Mambombi,nanga bbanabbi bhiyabbo bbabhi kikangwa bbimba. 2 Bbuhibhi Mulima ndya Mambombi: mulima poni ndya kilamiya ga Yeso,Kristo na bhiki kakozo ali ndya Mambombi. 3 Na mulima poni ndya ka kumalamiyaga Yeso kali ndya Mambombi,na kamuhibhi Yeso,bbuhoka bhikandyaki,endindisiyo ali kangwabbibba. 4 Bbenu bbaniki,bbulibbakpa ndya Mambombi,na bbudakuliliabhe,nanga mindye alikowanu alimkpa gbolusi kolisa mindya lingwa bbimba. 5 Na bbalibbakpa ndyaka gwa bbimba : Addulu bbakiyongaga kowanu ndyaka gwabbimba nangwa abbuhoke. 6 Kilibbakpa ndya Mambombi,mindya ibhi Mambombi akikiyokaga: kahinjo kibhilika humulima ndya mazima na mulima ziddi. 7 Mindya bbalibhuwa,kibhalane eminamundyekina,nanga kunda ndya Mambombi,na mindya bhaliya abbukotiyana ka Mambombi na ibha Mambombi. 8 Mindya kabhali mkpa,kahibhi Mambombi,nanga Mambombi abhaliya. 9 Bhala ndya Mambombi ahenekane subba suna Mambombi atika mikimi ndyaki ddekagwa bbimba,nanga kilibhe kowa Mambombi 10 Iyo bhalana ayo mbilili,na pipi kibhi na kibhali a Mambombi,nabbina kibhali na atika mikindyaki bhika gweliasu kabbi sobbi ndyasu. 11 Mindye abbalibhuwa,kabba Mambombi na kibhaliya,na bbesu kibhale ndibba moti kabbeo. 12 Mkpaka tagimbebhe a Mambombi;na kibhalane motika bbeo; na Mambombi akilika subbasu,na bhalandyaki abbogya kowasu. 13 Kihibhi nesiyo kiikilikaga juusyaki,na kilikaga subbasuna kipesiya mani ndyaki. 14 Na bbessu kizibha na tagiyakima nalibhundya,abha atika mikimindyaki bhika juna bbesu poni. 15 Mindya kuwesikiya kuka Yeso alikimindya Mambombi,Amambombi alibhehikoaki nateka Mambombi. 16 Na bbesu kihibhia bhalandya Mambombi albbasu, na bbesu kimwesigiya. Amambombi,alibhala;mindye abhaliya akilikagakowa Mambombi,na Mambombi,kowaki 17 Nali bbinjo ddekili kagwa bbimba . Addulubhala ndyaki abbogi kowasu,nanga bbesu kibbe kulugi tolo sya chuwa musango. 18 Bbaga kalikakubhala,nobha lamabbonga akiluzaga bbaga;naga bbanga atoki bhikisa mwena bbusu,na mundya kitiaga kalina mazima sya bhala. 19 Bbesu kibhaliya nanga na bbesu bakibhaliya ndya kateketa. 20 Mkpa kagyeti: nimbali Amambombi,na kabhali bba ddaki ali pesimbela,kukundi mindye tagiya ka kutokikana kunda Amambombi ndye kotangi? 21 Na bbesu kili na bbilagilo ndyaki:mindya abali Amambombi akunde namaki.