Gbutusi 3

1 Ojibhe bhala mabboni ndyaaki pesilia bbukaiso, na ngabbakieke bbanikindi bba mambombi! nakilibbu. Kabba kyalo kakihibhi, nandyaka bbinabbuibhi. 2 Mubhalibhwa bbesu endindi kili bbaniki ndibba mambombi, nansiyo kibbikibba kenyanisimbeba: nanga kili nainzo ndyadda kikolebhwa, kidda kimwenyaga, nanga kidda kitangiya nangonku ali. 3 Poni mundya alinakwesigiya akwensikiaku, nensiye nkumi ali mabhena. 4 Poni mundya so bbiya akibba nagodilili bbilagilo nasobbiya aligoddili libbilagilo. 5 Noo, bbumuibhi, Yeso abhika nanga bbuwa ibhe bhisobhi, nankali ki ndyaki mundya ali nansobhi. 6 Poni mundya adda kulika kindyaki kadda kusobbiya; poni mundya sobbiya kantangia nakamuibha. 7 Miki pipimpka kalakuku undikisa. Mundya aibhi kola manano alina manano tabbi yenkumi alina manano. 8 Mundya alinasobbi alimundya molimo, nanga molimo asobbiya tukilia kateketa. Miki mundya Mambombi ndya kidda na kibbuabhe poni ndya molimo ndya kolaga. 9 Poni mundya bbokotiana na Mambombi kakusobiaga, nanga mbuka ndya Mambomi alikusubbaki; nakakitoka sobbiya, nanga abbo kotiana na Mambombi. 10 Nanga menzo kidda kikola ibha bbaniki ndibba Mambombi na bbaniki ndibba molimo. Poni mundya kakikola mazima nkali mundya Mambombi, kakabhe mundya nka mbale namaki. 11 Nanga bbenjo ndibba bbuanisa nandubbuoka katandiko, abhalu kikundane motike ndibbekina, 12 Nabbuku kuenyagana kaina, mundya bbi mpka ziddi na kumuola na maki. Amuola nangeki? nanga migendio ndiaki abbimazinana, kolisa ndya na makia bbi mabbonga. 13 Bbukulu kusweka, bba namami, kabbakyalo abbu yaliya. 14 Kiibhiya nangonku kilibba kolisa kuwa na sabbuliki, nanga kibbubhalibba namasu. Mundya kali nabhalaakulika subba kuwa. 15 Poni mundya muyali namaki alimuoli, bbuibhiyamu olikalina bbuliki ndya kakusiabhe subbaki. 16 Kilinaibha gonja kolili yamundya pesia bbuomezi ndyaki kindyasu, na bbesu kipesiye bbu omezi ndyasu kindya bba namasu. 17 Timpka kabba nalina kima kakyalo, natangi namaki mundyali na elionsi, naddaka kindya kigoddilia, tabbibhala ndyama Mbombi alika kindyaki? 18 Bbaniki pipi bbikiki bhala ongi, na kabhigendio na kamazima. 19 Nanga menzo kidda kiibhana ngonkukili ndibba mazimana kiddakitoka molimo ndyasu na musaki; 20 Nangatolimulima ndyasu kakinjwalia musango, Mambombi ali gbulusi kolisa mulima ndyasu na ahibbi kimaponi. 21 Bbabhala ni kabba mulima kakichweli musango, kilina kwesigiya namusa ndya Mambombi. 22 Nanga kabba naliki, kiddaki ntangiya nakidda kiena katuka kindwaki nanga kika lunganisa bbilagilo ndyaki nakola gonja ndyaki. 23 Anduluyoo bbilagilo ndyaki: kabbanikiliza kaina ndya miki Yeso Kilisto nangakiebhali ya bbemotika bbe ndibbekina, tombililia injo bbilagilo ndyaki pesiya. 24 Mundya kibbu ndiliya bbilagilo akulika na Mambombi, na Mambombi kindyaki; na kiibhiya nangoku alikagiya kindyasu ka mulima ndya kipesiya.