1 Bhanabhamaha, ebhikwetoo bhwele n'aksumi, takisemeleuwe mbahandikile. 2 Nanga mumaniye ngoku kilo kya Mukama kiliisa nga musuma omukilo. 3 Obhu bhantu bhalibha mbaghila bhati: Kasinge na Kutekaana! okuwelekelela oku muntu atekebhesaniye kuliisa, ngoku okulumuwa kwokubhyala kukukwatagha mukali atamaniye, n'omuwi taalikila. 4 Bhanabhamaha, enuwe tamuli mu mwelima, kuhila ngu kilo eki kilihika mutamaniye nga musuma; 5 Nanga enuwe bhoona muli bhaana bh'omu kyeleli kandi bhaana bha ntangaali. Etuwe tatuli bh'ekilo keda bho mu mwilima. 6 Tutaghwesaghila nga bhaanji, kyonka mukale munabaliiye na kutekaana. 7 Nanga abhaghwesaghiye bhakughwesaghilagha omukilo, na bhatamili bhatamila omukilo. 8 Nabhweki, etuwe abhali bh'ekisana, tuteekane, tunalwete engabho y'enikilija ne y'obhumaanji na esipewa yoku niila ngoku mukama alikuka kutujuna. 9 Nanga Luhanga tatutaayo bhwa kutufubhila na kinigha kiye kya maani, kyonkaa akatutoo kujunuwa kusalila mu mukama waatu Yesu Kilisito, 10 oghu akatukwila nukuwo tukale naye, nobhu elabha tubaliiye keda tughwesaghiiye. 11 Nabhweki, mukalaghe mmususumukaniya, na kukwelana, ngoku mukakukolagha. 12 Tubhasabhiye, Bhanabhamaha, muhutiye abhakwete kukola bhuheleliya bhwa Luhanga omwenuwe, mbabhahabhula ebhi mubonganuwe kukola omu mukama, na kubhahanulila. 13 Habhw'omulimo ghwabho mubhakunde. Mubhe n'obhusinge enuwe mw'enuwe. 14 Tubhasabhiye dee, abh'olughanda, mutanuke abhakwekolesiya ebhibiiye, mughuile abhaluhiye, muhaghike abhacheke, mugumisilije bhoona. 15 Mwelinde muntu kukukiya kibi a kibi ewa mwanakiye, noo mweheyo kukola ebhisemeye omwenuwe keda omubhanji. 16 Musemeleleluwe ebhilo bhyoona. Musabhe mutakulekelela. Musiime habhwa bhuli kiintu, nanga kubala kwa Luhanga kuli omwenuwe kusalila omu Yesu Kilisito. 19 Mutalimiya Omwoyo alukwela. 20 Mutaghaya bhukwenda bhwa bhalangi. 21 Mulengese ebhighambo bhyona, muyemu ebhisemeye. 22 Mubenge bhuli bulingo ghwa kibi. 23 Luhanga w'obhusinge abheeliye enini enuwe bhoona, na mitima yaanu, myoyo yaanu, n'emibhili yanu, ekale etali na kabi kona, kuhikiya a kilo eki mukama waatu Yesu Kilisito alikukilaamu. 24 Oghu akabhabhilikila ni mwesighibhuwa, na niye alikikola. 25 Abholughanda, mutusabhile. 26 Mubhakeliye abh'olughanda bhoona mubhakumbate enkumbata eghi eseniye. 27 Ndi mabhalaila mu liina lya Mukama, ebaluwa eni esomebhuwe mu maaso gha bh'olughanda bhoona. 28 Ngughuma sya mukama watu Yesu Kilisito sibhele nanu.