4

1 Anuma, bholughanda, nanga mukegha kulugha ewaatu ngoku mungwetwalikaniya na kusemeliya mutima ghwa Luhanga, na nibhiyo mukwete kukola, tukubhasabha na kubhesengeleliya mu lina lya Mukama Yesu, mulubatange mmughenda mu maaso. 2 Mumaniye, ebhilaghilo ebhi twabhahaye kulugha ewa Mukama Yesu. 3 Ebhi Luhanga abaliye, ni kweseniya kandi kwelinda mu bhya luhole; 4 bhuli omuwi w'aanu abonganuwe kwelinda omubhili ghuwe abhe muhikiliija kandi wa majima, 5 mutakweha omu bhya kweghomba, nga bhakafwile bhatamaniye Luhanga; 6 Nikughila ngu, muuntu atakolesi omu bhusibhuji, magendo keda mululu ew'olughanda wee, nanga Mukama akusasuliagha nkuli mu bhyona, ngoku twabhaghambiye na twabhigumiya. 7 Nanga Luhanga taatubhilikiye mu bhisobhi, noo mu kweseniya. 8 Weena oghu akubenga ebhilaghilo taabengiye muntu, noo abengiye Luhanga, kandi oghu akabhaha mwoyo alukwela. 9 Ebhiloliye kukundana kw'abhanalughanda, timwetaghisibhuwe kubhahandikila; nanga enuwe bhonini mukeghesebhuwa na Luhanga ngoku mubonganuwe kukundana, Na nibhiyo mukukolelagha bhaghenji bhaatu mu Makedoniya yoona. Noo tubhatayemu maani, bh'olughanda, mweyongele yoo kukaniye omu makundane agha.