1 Mukengiye, enuwe bhonini, bh'olughanda, ngoku kukida kwatu ewaanu tikwabhaaye magila mughaso. 2 Enuma y'okubhonabhona na kusemasemanguwa e Filipo, ngoku mukimaniye, ntu tunga bhwesighibhuwa kulugha ewa Luhanga watu, bhwa kulanga enjili ya Luhanga agatigati y'amalemo. 3 Nanga entebheja yaatu tiyesighikiiye nsobhi, keda kighendeleluwa kibiiye, keda mu mageendo; 4 Noo ngoku Luhanga abhone tuhikiye bhaakuha enjili, nukuwo tuli n'okubhugha tutakubala kusemeliya bhantu, noo ntu bala kusemelia Luhanga, oghu akengiye emitima syatu. 5 Nakilo nakimuwi, titwaakoleseiiye ebhugha lya kusindilila ngoku mumaniye; keda bhintu bhya kwekwatisia ntubhisa bhwimii, na Luhanga ni kaiso. Titwaabaliye bhitiinisa kulugha mu bhant 6 u, keda omuwenuewe, keda kulugha hanji; tukalii ntuguba kweyoleka n'obhutoki nga bhakwenda bha Kilisito, 7 Noo tukeebhundaliya agati yanu. Nga mukali akwonkiya oghu akutotelela abhana bhe, 8 Twali tubaliye, bhwabhakunda kwatu kukaniye, kubhaha, etali enjili yoonka, na kwongeloho obhwomili bhwatu kukwamilana nagoku mwabhaye bhantu bha mughaso ewatu. 9 Abh'olughanda, musukiye omulimo ghwatu n'okubhona kwatu: ntukola kilo n'ekisana nikuwo tutabha nkumba ewamuntu n'omuwi agati kaanu, ntutebheja enjili ya Luhanga. 10 Muli bhakaiso, na Luhanga naye niikuwo akali, ngoku twaatuungiye ngdekaniya esemeye, ehikiliiye kandi eghiitali na kibi kyona. 11 Mumaniye ngoku twabhaagha habhuli omuwi wanu nga mwana n'esewee, 12 ntubhasabha na kubhagumiya na kubhahela bhukaiso mulubatange mu mbela sya Luhanga oghu abhabhilikiye mu bhukama bhuwe bhw'ekitiinisa. 13 Nabhweki tukwebhaliya Luhanga bhuli kasumi nanga amasiima kighambo kya Luhanga, eki twabhaleteye, timwakisiimiye nga kighambo kya bhantu, noo, mumajima, nga kighambo kya Luhanga, ekikula omu enuwe abhahikiliije. 14 Nanga, enuwe bh'olughanda, mukamala kubha bhakwamilili bha makanisa gha Luhanga aghali mu Yesu Kilisito omu Yudeeya, nanga nanu mukatunga bhijibhu kulugha munganda syanu ngoku nabho bhabhonabhoone kulugha mu bhayahudi. 15 Ni bhayahudi bhaatiye Yesu na bhalangi bha Luhanga, abhaatuhighagha, abha Luhanga etamuuwe, na ni ngighu sya bhantu bhoona, 16 mbatutanga kubhugha n'abhakafwile nikuwo bhagube kujunuwa; nikuwo bhaghende mu maso n'okukola ensobhi syabho. Noo ekinigha kya malilila kibhahikiyoho. 17 Omuluhande lwatu, abh'olughanda, amala kulekana nanu mu bhwele bhukee mu mubhili, noo tunali hamuwi omu mutima, tukaghuwa munu mutima ghwa kubhabhona. 18 Naabhweki twabalaghaa kwisa ewaanu, munu siye Paulo, mulundi ghumuwi keda mulundi ghw'akabhili; noo Sitani aleka tutaasa. 19 Niani okuniila kwatu, n'okudeduwa kwatu, n'esipewa yaatu yokusingula, ekakubha etali enuwe mu maso gha Yesu, mu bhwele bhwo kuisa kuwe? 20 Majima ninuwe okusingula n'okudeduwa kwatu.