1

2 Tukwebhaliagha Luhanga habhwanu enuwe bhoona, ntubhakumiya omu nsala syatu, 3 ntunaasuka bhuli kasumi emilimo syenikiliija yanu, milimo sya bhumaanji bhwanu, n'obhukadikadi bhwanu omu kuniila mu Mukama watu Yesu Kilisito omu maso gha Luhanga Es'etuwe. 4 Tukimaaniye, abholughanda bhakundiuwe na Luhanga, ngoku mwaakomebheuwe, 5 Timwaatebhejeuwe enjili yatu omukighambo nkyonkaa, noo amuwi n'obhutoki, amuwi n'omwoyo alukwela, na ntunabhasiimisiiya mu bhudoti; nanga mukengiye ngoku twaabhonekiye om'enuwe bhwaanu. 6 N'enuwe bhonini mwankwamagha, na mukwama Mukama, mwatunga ekighambo omu kubhonabhona kukaniye, noo munali n'okudeduwa kwa mwoyo alikweela, 7 nikiyo kyalekiye mwabha kya kuloleloho mu bhaikiliija bhona bha Makedonia n'abhe Akai. 8 Teeli ngu ekighambo kya Mukama kikaghwika mu Makedonia n'e Akai, kulugh'ewanu, noo n'eniikikiliija yanu omu Luhanga ekeyoleka honahona, kuhika a lulengo ambali tuteetaghisibhuwe kughibhugh'oo. 9 Nanga bhakwebhuliagha, abhwatu, ngu tukabhaikoo tutiya, nanu muk'egaliya mutiya ewa Luhanga, na kuleka kulamiya ebhisasani mmukolela Luhanga oghu akaaye kandi w'amajima, 10 Na tunalindiliiye Omanawe kulugha mweghulu, oghu ahumbuuye mu bhakuwa, Yesu. oghu akutuya omu kinigha kya Luhanga ekiliisa.