1 ti wehe udete bindu bilya byumenen migirizo aga kalamo: 2 kudeta bashaja babe abagwete lugero, babe abumenen, abagwete bwenge, bagumana mukati lyu bwemere numukati kubusime nu mukati kukuboterera. 3 kona kuko bashaja babakazi babe ningendezi nyija ya bakyesiwe: batabe bashumi, batabe banwi ba mavu mingi, ti babe abake kwigiriza mija: 4 lyo bagra abakiri bakazi miamba babe nubyenge, basime biba wabo nukusima bana babo; 5 mukuba abagwete lugero, babe buzia bushasha, bakekola mwa manyuba gabo, babe bija, bakekenga biba wabo banene: lyo mwazi gwa Muungu gutadukwe. 6 kona kuko ba misole batabana ubashungule kuba nyulugero, 7 mukati ka bindu byoshi wiyerese wenene kuba kyereso kingolezi nyija, numukati ki migirizo gabe werese ukuli nu buboterere 8 ni binwa bya kalamo ibitanga hashitwira lubaja lwa mahubi, lyu uye ulahire abano shoni, kulya atagwete kinwa kibi anga deta hanya lyetu. 9 baja bakenge banawabo, babasimise mukati ka byoshi, batabeba kuke kwakula. 10 batabe bazimba: tiberese kwemerwa kwija bosho, lyo bakyesa migirizo gauukuluzi wetu Muungu mukati kabindu byoshi. 11 Kulya ulukogo lwa Mungu ulwake kulula baandu booshi mira luka wikulwa 12 lona lutwigirizize kwiyeeka nya maabi nyi nyifijo zi kihugo, lyo tulama nyu lugero nu muukuli nyu kukyesiwa mwa kino kibajaa kya zene. 13 nganako tulangalire kalangalizi ki mugashaniro ku kwiiji kwigulwa ku bulangashane bwa Kristo, ye Muungu Mukulu na ye mukuluzi weetu. 14 Yukitaanga magala gaage gooshi hanyanya lyeetu ly`atukulula n`ubutengu booshi li kyeseeza baandu baabe bwiime bwaage yenene, bala abagwete bagitaanga kuke gira ngoleezi nyiija. 15 Ukewirana yuuko, ukenya shungula n`ukukalihira bwenene, hatanyabe mbu muundu ugakwenega.