¹ Latsin'eho,bifili biami binalangama l'emi nko bosambo bonok'emi mposa,ekiko enami lalikuka linami linelonga,bemalaka lalotsili eneyali nkolo yoka bosamb'oho,ino banalangama. ² Loonda Ewodia ko loonda Suntuke; bayalame la lokanyi lomoko eneyali Nkolo. ³ Ko lokoonde'e nkoho,bokambi bona sosolo onambana l'emi enekambwa bayaato bane,latsinooka basalaki 'lemi,kambia bayaato bane latsin'oka basalaki l'emi en'osimon'olotsi iyo la Kulemeto aokambia banambanaki l'emi nk'osamb'oho,banayali laina en'okanda bona loiko. ⁴ Bonyangela eneyali nkolo biina liina;liila lakina,emite, bonyangelaka. ⁵ Boongo mpolu bonino beyanake lato bahatu.Nkolo ayali mbolimboli. ⁶ Bota kandakandake latsin'ena yoi limoko tu ohonde enaoyi bahatu,la beondo la lolombo la nkanga ena lokango,baoyi banufol'ino baeyanake eneyali Yakomba. ⁷ Ko mwi ena Yakomba eneleki nonganya ehatu engotombanya betema benino ko la nkanyi inino eneyali Masiya Yesu. ⁸ Yoi lina ntsindelya,bifili,baoyi laoyi banayali sosolo baho banayali banalokumo,baho banayali bana mbongi,banyali bana soto baho banayali banolotsi bayali yombo lalokumo lonoyali bokanelaka nko baoy'aho. ⁹ Baoyi banakino ononganyaka,ko banakino otambaka ko bana kino'okaka ko bana kono'enaka eneyali emi bilaka nko baho;ko Yakomba ena mwi angoyala lino. ¹⁰ Koko lanyangela eneyali Nkolo enyanga mene,latsin'oka isanga,nkeyoka enambusa,ino bitokanel'emi lakina;bokanelaki en'oso sosolo ohonde biindak'etelo. ¹¹ Mpatende latsina ena biinda bena toma latsin'emi mekela bokotwa bonetaketaka bonoyal'emi,nkike l'oho. ¹² mekela bokotwa bona njosonja ko mekela bokotwa bona mpula ;ena baoyi bahatu l'ena toma toha totu mekela le nkinda ena liyota le njoka ena njala, le mpula,le biinda bona toma. ¹³ Lakambisa baoyi bahatu eneyali ende onokikya lotsili. ¹⁴ koko ino biilak'olotsi enekend'okambyaka ena biino binami. ¹⁵ ko inoamene baise Filipoi bomey'oka enalimatsako lin'osim'onolotsi enek'end'umaka ena likambo lina mpaka la ntamba,yengo nko ino kei . ¹⁶ Latsin'ino bontomelaki nganji betoma biike nkol'ena Teslonike latsin'ena biinda bonami ¹⁷ efa latsin'oka lafona nganji lofona nko bemamo beneyafule latsin'enino. ¹⁸ Koko emi lata toha totu,njali la mpula,mokinda liota enekemi otambaka eneyali Epafolodito toma tonatouyaki eneyali ino:ko mpimbo enolotsi,mbeka ena lokumo,enokumyama boltsi la Yakomba. ¹⁹ ko Yakomba enami angokokoly'ino binda bonino bohotu yoka bosambo bonoyali lituka linande en'okonde eneyali Masiya Yesu. ²⁰ Koko lokumo eneyali Yakomba bafango iniso bisikelabisike ndoho. ²¹ Beesaka baneeka bahatu eneyali Masiya.Bifili biniyali l'emi baokosesa ino. ²² Baneeka bahatu bakoses'ino,banaleki oyokufulino nkiy'anayali en'otumba bona kaisala. ²³ Isei ina nkolo yesu Masiya iyalame la belimo benino ndoho.