1 Yesu nga lo ddidha tso ki dda tso ro lu.Bi na nru kpari nju ngue ni ke kuso,ke ji dda djo ro ke di ddikpa bhu na,nru kpar kru chu ngue dda tsoro ikwa jo. 2 Ke ddi ngue bii ku nna lo kpar loro jiro: Furo ke di longa ddi ii: 3 Ani rr di.Nyo tsi ii na ke ra nyo tsi ii. 4 Fu nyotsi ke ii nanga na,ri lai ddi ri ddhe chu bi ti: Re kpar si riro ro ri chori kwe. 5 Njari lai chi djudjo,nga dz'ku bbo na ngana ri si nga tse dhonalo ri chi e djo na dz tso e sese 6 Ro dyi si ro ri gbigbi nari goti ri dyudyu dhonalo ri titi e nga. 7 NJari lai chi kpele kana: kpele nga riro na ri goti ri dyi ritso,nari goti tsukpa o rijo vi ndza. 8 Njari lai chi bblo dz'jo: Furi djo bblo tsukpa o ri bburi,dre dre nga gbo gbo ma,dre dre nga za za ma,njari mia ddi ddi. 9 furigoti ke pori ki: njati ddi le e ndi bii na ro ndi le rr nga. 10 Ddiro ke ve ra di ro,ke ro ngatso dde ngue na nru ma ke una dre ndijo aro ri na kpa ma di kpe na kengu ti na lo nga dhu ketso. 11 Ke pori kpadho ii : riku nidho chu ginri dza pidja na ruru ni nalo keni ri;ro furugu kuna na nru dho chu le lo ti loro jji na, 12 Ndiro kpa nja ri nja ma ro ri utso nzi ddini kpadho,ndirigoti kpa rr ri rr maro nzi ri lo kpadjo,nzi kpa le ndima thi tso Ginri dhi ngana ro,ndiri goti nzi kpa dhi cheri sani ro. 13 Ke po ri ki kpadho : nijo kan fu kpe lo nzi ? ni ka ka nichu fu kpe ngba dhe? 14 Zu ba a ginri dza lo zu. 15 Nja kpa ku chu tso ro lu ginri dza lo trani na nga lu;bblo kpa rr fulo nari goti go a si fu lo tutu kpa thi jo ro. 16 Nja kpa ma ngu lo ko furi bba i chu ro ri i kpako djikpa kana ro;kpa ri rr maddi kpa riko kwe na maddi. 17 Ro kpa na ri dhi lo ti ti ku nga nalo dho,kpa tsori to ndima toni gu gu,ro chu kari mbudha dju ma si,ddima Ginri dza lojo ro nru ka ndima nza le ri si kpadho bu leka le buni na chu. 18 Nja kpa lo ko kpele kalu;furi ku ginri dza lo rr na kpa, 19 Ro ngo jo d'o d'o ma,mali naro le ba na sha sha,kru cheri a ginri dza lo tso dyi dyi nzi ndikpa o ro. 20 Njakpa lo ko bblo dz'na ro;furi ku ginri dza lo rr na kpa ri ko kpa bbho rironga na ri o o,ndinanga zuni dredrenga gbo,dredrenga asa furigoti mia ddi. 21 Kepori kpadho: le ka ka le li ro ro na tala dyo ts'na inga ra ts'na? nga ku runa ku na tsu djori. 22 Ro ruru ni na rits' kru si dhonidho,kru nza ro dde rr ni nru kana na lo si si la la ngana. 23 Ni e ndi bi na nake rr nga. 24 Ke pori ki kpadho ii: ani ddi ma po nidho na lo nanga bblo.ningu ri ddi nru dho na na nona chu le si riddi nidho. furigoti le si nidhi ri ki ndr ndr. 25 dhonalo le si ribbu nidho rits' ku nake dho,nga dho rits' ku nake dhoro le si ridz' dz nari goti le si kedho ni ku nari go ma susu ddi. 26 Kepori ki: rana pidja njini ddiddi nyotsi zo dz'na nake bbai; 27 Kuna fuke ddoddo;ngabburo,ke dani da.Furo,funga kana nyotsi nganga dhe;ndirigoti ri dhidhi dhe nza kechu nbgari bbai ma furi njini nari ro. 28 Dz ndikpa oo ndi ndiro,nji ri tso oo furigoti ri tsu a si ndirigoti rikpa si furi ts' kru ii thini ri tsu djo. 29 Bblo fu nyo dyu nari goti le a nyotso legba na thi,dho nari nyokpa ku ni. 30 Kepori ki ; ginri dza pi dhinga ka koddi adhu ro,inga nbga jji ii ka dho kuri kodho; 31 Ri njini mutardi dhi tsukpa bbai dz'na le ri zu na ngana,riku sese pli ii dz'jo ku na kru tsukpa djolu; 32 furo bblo le zu ri nari goti ri dhi ro ri si kru nja tsu djolu ri djoi ku bbo bbo na furi bi lu re kpar ma ndima dhi dza chi. 33 Riku njonjo ku na loro jjina Yesu ngu longa ddi nru dho ngba ka ndi rr ni nru dho na ri bbai. 34 Ke nzi ngu loti nru dho nga dhi lo ro ji ro ri;ro ke u na kpa kpali dho chu ke ngu ri tra ni. 35 Fudyi dhe,ngas nga ,Yesu pori kpadho ii ako da jjudda djolu adzi. 36 Ngba ndima di ndima una nru kru nari goti,kpa mba ke bbu na;nja bbu ma ngue ke kusso ddi.Furo bbo vuvu ta nari goti dda gru di druni bbu na kpu ndika ndi lili na ngats' 38 Yesu chu ngu ddo ddo bbu na ats' gi na. Kpa da ke,kpapori: bboke,nika di tche ngba chudhe?ko si cheni che ina roo? 39 Furo ke che ro,ke taa vuvu djo,kepo ri ddadho ii:ago ddii!achi nitso! furo vuvu tso bbani thei nari gototi dda djo nga go ddi. 40 Furo kepori kpadho ii nika addu do nji fubu? nidhi udha kaku ngbaga? 41 Furo bbo do lokpa,kpa di ri po ndima kalu ii iri ka ku ngbake,ddi dho vuvu ma dda mana ngarr ri.