3

1 Yesu ki tsungue synagogi na ke si ngue ddikpa tsutho tsu ngue nake 2 Kpa ji ngue ndima chu yesu kaka ngue ndi go nru yenga dyina nari:ri ngue ke bbudha dho. 3 Yesu ka ripo tsutho tsu nake dho adani fuga nru kana. 4 Furo kepori kpadho : ritso ka uni uu, lenji bblo nji yenga na inga le hwi nru? Furigoti kpa ka go ddi. 5 Ro Yesu njanga kpa nyo lu gble tho na ,ddingana ndi thi na njedha na,fukpa chi ndima thi kpakpa nari dho.Furo kepori tsu tho tsu na ke dho;adda nithonga. Kethokpa ka go thei. 6 Farisayo kpa nyani adzaro ro kpa nju ndima tso thei herodi una kpa na,ndima nee chu ke hwidha dho. 7 Yesu ka tuni ddironga ndiuna kpa na judda tsotsoro.Bi ku na nru kpari ra ngue ke ulu Galilaya naro; 8 Furigoti Yudea naro ma,Yerusalema naro ma,Idumea naro ma,Yorodani dhi dda dzidzi naro ma,Tiro ma,sidona ma dhi bba tsotso lu ku na bbagulu ro maddi,kedho bblo nji ndima rr nari dho nru kpar si ngue kedhi ngana. 9 Furo kepongue ri ndi una kpadho kpa li ddikpa re bbu ndidho,nzi nru ka si ndihe tso dyi ro. 10 Kengu dhe kpar ma ggu nalodho nru ngu si kedhi ngana kelu ndima ronga dde. 11 Chethi kpar ngur koni kenji ii ndima ripo ro : niku ginri ddu. 12 Furo ke ngu ri jja kpadho kpakpa nga na nzi kpa po ndibbu nru dho. 13 Yesu dji ngotsi djo; narigoti kendz' ngue ndijji ndidho na kpa,furo kpasi kekuso. 14 Ke vu kparo dre ndijo ro rina ndikuso. 15 Ndiro ndichokpa hweloi tratha dho kpakpa ngana chethi didha dho. 16 Iri ku dre ndijo ro rina ke vu ngue na kpa: simoni chu ke nz'ngue Petro. 17 Yakobo ma,Zebedayo ddu ma,ndidhi Yoane,Yakobo djo,fukpa ro ke dho ngue na dho ku Boanege,chu pori vo ddui. 18 Andrea ma;Filipo ma;Batolomeo ma;Mateo ma;Toma ma;Yakobo ma,Alofeyo ddu ma;Tadeo ma;Simon Kanana nake mana. 19 Yuda Iskariota ma,Yesu bbu ngue dhedho nake. 20 Furigoti yesu ma ngu ngue abba;nru kparr njuni ngue kekuso nja jaina,nru dza bii ngadho nyo kpa nyo nanga ma ngue ngaddi. 21 Yesu dza go dhi nru rr ngue dnjinjini nalo ro kpa ra ngue ke dz'dz' ii ndima ripo ro: Kedjonga ngbuni ngbu. 22 Jjadha ndidha dhi kpa thu ngue yerusalema na ii ndima ripo ro: Yesu na ku Belzebuli ke go di na nari ku go jo pii bbu na kpakpa nga 23 Furo yesu nz'kpa ro keti lo kpadho loroji na; go kaka ndi di go ngbari bbai ? 24 Ndjati ddikpa nguna pikpa ndo ndima nanga ndoro,fubba radi tuni nzi. 25 Njati ddikpa dza na nru di ndima rr nzi ro fudza tuni nzi. 26 Njati go djo pi di tsa ndiro ndindi ro ro,kenanga ndonindo,ro keki tuni nzi,nari goti ketso ddhuddhu. 27 Ddikpa k e ma nza ka ndi tsu kpakpa kuna kebba dza na kedza ritsi dhudhadho ri,ndza ndi chike chi vi ro.Ngba le chikechi narigoti lekaleve tsu kedzas rits'dhudha dho. 28 Bbubbu maripo nidho,kru ku na cheri le si sasa nru ddui dho,inga Ginri nru dhu nari ma kru lesi sasa. 29 Ie ma dhu Ginri dza bblodhi ro,ndike ba zulo pipi nanga nzi,dhonalo,fu cheri di kejo choro nunu. 30 Yesu ngu logoti kpadho fu dhonalo,kpangu ripo kena ku go. 31 Yesu ii ma,Yesu djoi ma si ngue ro,kpa tu ngue ni arugu,nanga naro kpa cho nru ke nz'dhadho. 32 Njunjuni na nru di ngue guna kerolu gbru,kpa pori kedho,anjari aini ma,ni joi ma nakpa ku arugu na kpa nz'ni. 33 Ke ngu logoti kpadho: ma i kaku ie nde ma djoi ka ku ie ma. 34 Ke nja ngue ndirolu gbru di na nru ro,kepori ;anja Ma i. ma ma Djoi mana. 35 Ginri ji nalo nji na ie ma,furi chu ku ma djo ma,ma ve ma,ma i maddi.