Ridza bbombi 2

1 Gbo ddo jo,furo ngue Singba koni na bbo ddo kana na Galilaya dhi bbo bbagu. Yesu i ma ngue ddi fuga, 2 Ro Yesu ma kpa nz'ngue ddi una kpa na fu singba koni ngue na bbo ddo na. 3 Ngba mvinyo singue ni ro,Yesu i ka ripo: Ndima dho ngaku mvinyo ro ri. 4 Yesu ngu ngue logoti kedho: Is le,ko kana kaku ngbalo nina? Madho saa d'eka nza go. 5 Furo le i ka ripo nji dhi kpadho: Ani nji ke si po nidho na lo. 6 Ro,fuga ngue judha dhi ddanju asa ddi,Wayaudi dhi udha dza lodho,ro fuddanju nanga ngue aro nari goti gbo ngats' maddi. 7 Yesu pori kpadho: Anidyu dda ddanju kpar na. Furo kpa ka ridyu pi rina ritsoro lu kpo. 8 Ke pori kpadho,ani d'eri kpadjo narigoti ani mbari notsuba dhona.Furo kpa mbari kedhona. 9 Ngba fu notsubambue fuddadz bl'o ndi ngu mvinyo ro,nzaddi ndichu ngbagaro mvinyo si ro,ndiro chu dda dyue,na funji dhikpa chu ngueri bblo,ke ka kpets'ke nz'. 10 Ro ke ka ripo : Kru nru a bblo mvinyo bbu nji,............ 11 Chuddi djona Yesu njingue ddu Galilaya dza Kana bbagu.Kedho ngue ndidza kadha,ro ke una kpa ka ke u u. 12 Furigoti,ke ka thu Kapernaumu na,Aindi mana,Adjondi ma ndirigoti ndi una kpa kpar manaddi ro,ro kpa nza ka di fuga bicha ri. 13 Wa Yaudi dhi pasaka ngue chocho,ro Yesu ka dji Yerusalema na. 14 Ke ka ts'ma chembu nanga dz'na fukpa ro si Ginri dza dzana ro,ndirigoti bbana ma,mbu nanga oo na kpa maddi guna ndimadi ro. 15 Furo kevo mbi nari na kethi fimbo ndidhona,furi na ke di kru nru Ginri dza dza naro,kpadhi chembu ma ndidhi mia kpar ma;ke ka mbo nanga o nakpa dho mbo nanga pi,nari goti ke d'i meza tso gbu gbu; 16 Ro ke pori bbana nanga dz'na kpadho: Ani tu furi igaro,nzi ni li Aba dza dza nga dz'dha dhi dza bbai. 17 Lo no ngueni Yesu una ra na kpa thina rindini : Ginri dza dza ma ji na lodho mathi roro ma na. 18 Wayaudi,ngu logoti kedho : ni ka ngba ddu dho kodho ni njiri iri bbai dd'e? 19 Yesu ka logoti ngu kpadho : ani dr'i afu Ginri dza,dhonalo gbo ddo djo ma ka ri ngbe ngbe rona ro. 20 Wayaudi ka ripo: I dza ndimachi cho dredrenga tho ndijo aza ri na,ro,ka gbo ddojo nika ni ngbe i dza ngbaidhe! 21 Ro Yesu ngu lotidjo nari ngue ndironga dza hekalu. 22 Furi djots'na chu,ngba ke ga narigoti,Yesu una ngu ra nakpa djona ke po ngue na fulo no ngue ni,ro kpa u ngue ndilendi na lo narigoti Yesu po ngue na lo maddi. 23 Yerusalema na Yesu ngue ro,Paska dhi bbo ddo dyina,pii ku na nru u ngue ke ro dho,ke nji na ddu ndi ma nja naridho. 24 Furo machu Yesu nza li ngue ndi dyu kparo ri,dhonalo ke chu ngue kpa hwe, 25 dhonalo ke nza ji ngueri le tu nru dho longa ndidho ri ddidho ke chu ngue nru na ku na lo ma ddi dhe.