Ridza bbombi 1

1 Aja ngue Ginri dza lo,fulo ngue Ginri ma na ddi,fulo ngue Ginri. 2 Ndiri chu ngue aja Ginri na. 3 Kru rits' ke no ngue,ddikpa rits'ro ma ka noni nza ke nori ro nza. 4 Ke na ngue shinga,fu shinga ngue nru dhi kadha. 5 Fu kadha inga titi ngana,fu titinga maddi ko e ri nza. 6 Ginri cho ngue ddikpa ke : ke ro dho ngue Yohana. 7 Ndike si ngue lo dhodha dho,ndika fu kadha dhi lo dho,ndiro chu kru nru ka ri u kelu d'e. 8 Ke nga ngue kadha ri,ndiro chu ke si ngue kadha dhi lo dhodha dho. 9 Ndidhi kadha ngue bbubbu ku na kadha,chu,si dz'djo kru nru jo nga idha dho. 10 Fu kadha ngue dz'jo,dz'ma no ngueni rina chu,narigoti dz' chu ngue ri nyi nza. 11 Ri si ndidza nru kana,furo fu nru nza ko ke ri. 12 Ndiro chu ngba ko e ke kru ,na fu nrudho ke bbu e kpakpanga ndima ka ngu Ginri dza nzo,bl'o ndima guni ro. 13 Nga ku juna ri,nga ku le ro nyo ji na lodho maddi ri,nga ku nru ji na lo dho maddi ri,ro Ginri dza lodho. 14 Fu Ginri dza lo chu ngu le ro nyo,ko kana ndi di nari na,bbubbu lo mana ndina pi li e na zolo ma na,furo ko nja e kedza kadha ddiddi le ba kuso ro si na ddichukpa leddu dza dza kadha bbai. 15 Yohana ngu ke dza lo dho,furo ke ngu ho : Iri ku ma po ngue dza lo nake: ma goti si na ke chu ku ma ro da e nji na ke,dhonalo ke ngue ma ro nji. 16 Ro ko kru ko e ke thi dza pipinga ,zolo djoro zolo djo; 17 dhonalo jadha Musa bbu ngue,zolo ma bbubbu lo ma chu si Yesu dhoro. 18 Ddikpake ma nja Ginri dza ddi;kedza ddikpa ngba,baba dza thajo ndi di ro,fuke chu dho ngue ke kodho. 19 Iri ku Yohana dho na lo,ngba wayaudi cho ngue,kuhani kpar ma,Lewi kpar ma Yerusalema naro ro,ndima ra ridhu ketso ii : ni kaku ie? 20 Ke po ngue ri,ke nza gu ngue ri ri,ke po ngueri ndi nga ku kristo ri. 21 Furo kpa dhu ngue ri ketso : Addu nde? ni ka ku Eliya? ke ka ripo : Ma nga ku ke ri. Ni ka ku chocho ke? ke ngu logoti : nga. 22 Kpa ka ripo kedho: ni ka ku a ie nja d'e ko si logoti ngu ko cho na kpa dho d'e. Nika addu po niniro jo? 23 Ma,kepori,maku ngoja naro ho nake chu: Ani thi Ginri dza chu,ngba Isaya,Ginri dza chocho ke pori nari bbai. 24 Cholecho ngue na fukpa ngue Farisayo kpa. 25 Kpa dhu ngue ri ki ketso : Ni ka batiso bbu adhudho,njati nga ni ku Kristo ro,nga ni ku Eliya ro,nga ni ku Ginri dza chochoke ro? 26 Yohana ka logoti ngu kpadho:ma, batizo bbu dda na,ro nikana tuni nari ku nza nichu nake,ma gotiro ndi si ro. 27 Ma nza ka ma klo ke koro s'mbitso maddi ri. 28 Fu rits' njini ngue Betania na,Yorodani dhi dda dzidzi naro,Yohana ngu batizo bbu na ngana. 29 Njanga,ke nja ngue Yesu ndidhi ngana ndi si ro,furo kepori: Anja Ginri dza chambu dza ngba dz'jo cheri ndi tu ro. 30 Furi ku chana djo lo ma po e na ke: Ma gotiro si nari ku ma nji da e na ke,dhonalo ke ngue ma nji. 31 Ma nza chu ngue ke ri,furi chu dhoni Israeli na kpa dho fo djots'na ma si dda dhi batizo bbu ri. 32 Yohana dho ngue i lo : Ma nja bblo thi rana ro ndi thu ro ddikpa bbana bbai ro ri si tuni kedjo. 33 Ma nza chu ngue ke ri,ndechu ma cho ngue dda dhi batizo bbudha dho,na fuke porimadho:Bblo thi thu djo na afuke ninja ro, fuke chu ku bblo thi dhi batizo ndi bbu ro. 34 Ro ma njari,furigoti ma dhori dho ke ku Ginri ddu. 35 Njanga,Yohana ngue go dhe fuga,ndi una ra na aro kpa na; 36 ro,ke nja ngue Yesu da ndi da ro,kepori : Anja Ginri dza chembu dza ngba. 37 Yesu una ngu ra na aro kpa r ngue ke po na fulo ro,kpa ka ra ke ulu. 38 Yesu ka ndithi le,ke ka kpa nja ni ndima ra ndi ulu ro,ke pori kpadho : Nika addu ne?kpa ka rigoti ngu kedho : Rabi (fulo nanga chu tuni malimu),nika di ngbaga? 39 Ke pori kpado,ani si,ndirigoti ani njari.Kpa ka ra,nari goti kpa ka ke di na nga nja;furo kpa ka di ke kuso fudyina.Ri ngue cho cho saa dre. 40 Anrea,Simoni Petro dhi djona ndi ku ro,na ddi fuke chu r ngue Yohana ti na lo aro ngue na fukpa kanaro ro,ngba ndima ka ra Yesu ulu ro. 41 Fuke chu ngue adjondi Simoni na anji,furo ke ka ripo kedho: ko si masia ro bl'o(Fulo nanga chu tuni Kristo) 42 Furo kpa ka ke mba Yesu ngue na ngana,Yesu,nja ngue ke narigoti,ke ka ripo: Niku Simoni ,Yona ddu;ni ro dho si e Kefa(furi pori Petro). 43 Njanga,Yesu ji ngue ndi ra Galileya na ro,ro ke ka nju filipo na.Ke ka ripo : Ara ma ulu. 44 Nde Filipo ngue Betsaida na ke,Andrea madho bbo bbagu ke ndidhi Petro ma na ddi. 45 Filipo ka nju Natanaeli na,furo kepori kedho : ko si Musa ndi ngue dza lo jadha dhi bbuku na nake ndidhi ngba jo chochokpa ma ti ngue lo ro ddi nake,Yesu Nazareti na ke,Yezefu ddu. 46 Natanaeli pori kedho : Bblo rits'ro ka ka ndi si Nazareti naro ddi ? Filipo ngu rigoti kedho : Asi narigoti anja ri. 47 Yesu,ka Natanaeli nja ndidhi ngana ndi si ro ro,ke po ngue ke dza lo : Anja Israeli ke nganga,nga ndina ku cheri dza lo ro. 48 Natanaeli pori kedho : nika chu ngue ma ngbagaro ? Yesu ka rigoti ngu kedho: nza Filipo d'e ngue ni nz'go ro,ni ngu di tini tsu tsena ro,chu ma nja ngue ni. 49 Natanaeli ka logoti ngu kedho : Rabi,niu ku Ginri ddu,ni ku Waisraeli dhi Pidja. 50 Yesu ngu ngue logoti kedho : ri ku ma poe ri nidho ni e di Tini tsu tsena,na lo dho chu ni uri ri;ro kpadjo ni nja furi jolu si na bbo bbo lo. 51 Ro ke ka ripoi kedho : Bbubbu,bbubbu,nja dyina ni ka ra nanga tso weni nari nja narigoti Ginri dza malaika kpar si ku dji rona furigoti kpa si ku thu nru ddu djo nari.