5

1 Furo nidho, kpadjo, mali bai! ani dzdz na ri goti ninanga ri d'od'o , nidjo si na nzadha dza lo dho. 2 Nidho mali momo, na ri goti ni ro ru dztcha da blo. Ni dhi orma nidhi mbu ma na dztcha da blo, fu dztcha si ni nji na kru nji nya lala nga na; ri si ni ro nyo a a kaz bai. Ni nju mali tso ni dho blo nga si niro. 4 Anja ri , nidhi nzagu njinji na kpa kobe ro ni ju kpa tso ju, fu ndru ni nzanza na nru dzdz, nidhi nzagu njnji na fu nru dhi dz si Ginri kru kpakpanga ba bi na blo. 5 I dz djo ni b'o nidhi ritsi kpari na , narigoti ni niji na lo kpari ma nji, ni thi kbu kpakpa hwe na , nini jidha dho le ngu na tsi bai. 6 Ni chii ku na nru djo lo d'i , ni nga ku cher na na nru cheche, kpa toni ni tsoro nzi. 7 Ma djoi , a ni ve lotso ko dhi pi si na nga na kpu, a nja nza b'i na ke nga bo nza ndi thi nje ni ro, ndidho dz si ndikpa o na ri ndi b'o ro, ke tcho ji ma b'o munga dhi ji ma na kru ddi. 8 Furi bai ni ma ddi , a ni b'o nga , a ni ba kpakpa le thi dhonalo pi si na nga si chocho. 9 Ma djoi , nzi ni di tho na ni lai djo, ndiro nzi le si nithi lo ddi ro. A nja ri , lo ddi na ke ku dzaitsoro. 10 Ma djoi , ani lo bboke rodho na loti na na bi kpa dho lo ro ji, furi ku nzadha ka na le ka le ve lotso na ri. 11 Anz be di , ko ri po ngi njini nzadha kana ve lotso na kpa dho. Ni r ngbaribai ma Yobu ve lo tso na ri ngba, na rigoti ni nja adu ma bboke nji ngue kedho na ri nja, dho na lo bboke ku zu na bbo ro ndirigoti ke tsi ddani pli 12 Ma djoi , kru ku na lo nji , nzi ni tsoni ra ro dho na ma, ngu ro dho na ma, inga nja diritsi rodho na ma nzi ddi. Ani bba ni dhi "ngbao" di "ngbao", narigoti "nza o " di " Nza o", ndiro nzi ni si di lod'idha tsena ro. 13 Ni kana ku na ddike ka nzani nza? Ke nz'nz'. Ddike ka ku kwena,ndike ngo dyi. 14 Ni kana ddikpake ka ku dhena? Ke kenz' Ginri dza dzana ngokpa,fu ngokpa nz' kedho,narigoti kpa dr keronga che na Yesu rodho na; 15 Udha na lenz'dho na dhe ka ndi gogo,furo Yesu da fuke da;njati kenji e cheri maro,fu cheri Ginri sa kedho sa 16 Ani po nidhi cheri ni kana,aninz' nidho nikana,nja niro dhe gogo d'e.Cho ku Ginri nyonji nake nz' chi na nz'dha ka ndinji bbolo. 17 Eliya ngue konganga bbai njini nake: Kenz'ngueri udha na nzi ji ko,furo ji ko ngue nza dz'jo cho gbo ndijo bi asa na. 18 Furi goti keki nz'ngue nja jaina ro rana ro ji ko ngue,furo dz'o ngue njonjo nyo kpa. 19 Ma djoi,njati ni kana ro ddike vivi bbubbu lo roro ro,ddike ngu ke nikana, 20 Chu ndi ri churo,ddike ka ve cheri dhile go vindi vi na chu naro ro fule go ko ddikpa lethi dhenaro ndirigoti fule ts'ku bi ku na cheri djonga.