1 Li ma, gule guni na rima kpari kasi ngba ga ro? Ri ka ku nga ni nganga na ro si na nga ddidha chu kwini ni ndina nari ri? 2 Ni ritsi ne, goti nidho ritsi ro ku nga , ni bu ma che nari goti ni ritsi cha ma nji, ro ni ba ddikpa ritsi ro ma nzi ddi, ni guni gu ma lima nji, ro nzi ni ba ritsi rori dho nari ni nzi ritsi ro ko ri. 3 Ni nga ko, ro ni ritsi ro ba nzi,dho na lo ni nga ko blo nzi, ni nga ko nja na ni nji ni thi ddi na lo dd'e. 4 Pite dhi ikpa, ni ka churi nza idz dza kau ku na ke ku Gindr tsoro mbu? Anichu iri ddikpa ke chu jiri ndidi idz dza kau ro fuke ku Gindr tsoro li ndi mbuba bbai na ke. 5 Ni kari dya pa ndilendina lo lo ti ria? Kono na Gindr li na fu thi nji nji dda nganga na . 6 Ro ri bbu kodho bo ku na zolo; riku fulo dho ndindini na lo ripo: Gindr toni nodha dhi ndru ro, nari goti kezolo dho thundimathuna ndru dho. 7 Ani thuni ni dhi Gindr dho; nari goti ani toni goro kpri, furi goti go nganyi niroro da. 8 Ani ndrini Gindr ro chocho, ndirigoti Gindr ka ndi ndri ndi niro fu chu. Ani u ni tho vi, cheri dhi ikpa; ani u nithi, ni aro thi ku na indru. 9 Ani chi zo ni djo ni dz dz ma ddi, ni dhi gbo ngu dzni ndiri goti ni dhi kwe leni djedha. 10 Ani thuni nidhi Gindr nji, ndirigoti keka si ni ngbenbge. 11 Nzi ni di chelo ti nidjo nikalu, madjoi. Ddikpale ti chelo ndilai djo ro, ndirigoti ke di chelo ti adjondi djo ro, fuke lo ti che jadha djo, ndirigoti ke lo dd'i jadha djo. Ro iri chu ku ni, ni di lo dd'i jadha djo ro, ni nga ku jadha nanga ne na ke ri, ro ni ku lodd'i jadha jo na ke. 12 Jadha ma lodd'i na ke mana ku ddikpa dhe, ke chu ka ndi gorigo ma inga ndi nguri vivima; ndo ni ka ku iye ni di lo dd'i adjoni djo dd'e? 13 Kpadjo ma ri po iripo na ndru dho: Nju inga bbu ko tsu cha bba na, kodi fubbagu cho ddi, konji churusa, narigoti kobaritsi bbo! 14 Ni nza chu addu ma si njini bbu nariri, dhonalo, nidhi dzdjo ni ddo na ddo ka ku addu? ddi ku ddiddi dda he bbai ri si kari saa nu kpala dho, narigoti ri dada. 15 Nikae ni pori i chu ngba: Njati Gidr jiri ro, ndirigoti ko e shi ro, ko nji ilo ddima chalo. 16 Ro kpadjo ni ni ngbe nidhi ngaddidha na ndirgoti nodha nganga na . Fri ku che ku na ngbe dha. 17 Njati ddikpale chu bblo lonjidha ngba ro, ri chu ke di nji nzi ro fuke nji cheri.