2

2 ani nz ri ddi, rie, ddikpake tsu nidho ndjule kana ndithoti or dhi pete na ndirigoti ndiro bbo d'ani na ru na, ndirigoti ndjake ngu tsu ndiro nza bbu tsetste na ru na. 3 Fur ni le ni nyo blo ro rue na chake ladjo, nipori ke dho ike, adi iga madha dhi itsu djo ndirigoti nguri po cha ndjedha ba dho: ike, atoni fuga rona: adi makoro ho maadi nju na na afuru koko djo, 4 Furi ka ku nga niniro nini nga kru riri, furoka nilo dd'i chenga ddidha djoro nzi? 5 Ani rr ilo, madjoi jidha dhi ndru Gindr ka nza vangue dz djo njedha dhi ndru, nja ndi ma e bibini na udha na dde, ndirigoti Gindr dza pidja na wi ka nyo na kpa furi chu ke koe ddo ndi ji na ndru kru dho ri? 6 Ndo ni, ni njedha dhi ndru be pa rika ku nga kpa chu ni dhu dhu ma ri a, ndirigoti rika ku nga kpa chu ni radi mba mbidjo ri? 7 Ri kaku nga kpa chura di ni ro blo ddani na dho dhu riria? 8 Njati ni dyo jadha nganga ro, Furi ma tso nju ngba ddi le ddi na lo na ro: ni ji ni lai ni ni ro nganga bbai, furi ku blo ni ri nji ri. 9 Ro njati ni di ni nga kro kro ro, ni cheri nji, furo jadha ka ndi d'i lo nidjo ddiddi jadha na nga sa na ke bbai 10 Njati ddikpake bbo jadha ronga kru, ro ke ve ra ddikpa jadha ro sa ro, fuke le zo kru sa jadha na ke ni. 11 Ro, ddikpa ke pori: Nzi ni nji sasa dhi chenga, furi goti ke nguri ki po: Nzi ni kwi bu. Ro ddima ni nji sasa dhi chenga nza ro, ro chu ni kwi bo ro, ni ngu jadha kwi na ke ni lu. 12 Ani di lo ti, cho ku na jadha kasi lodd'i jo na ndru bbai, 13 Dho na lo lodd'i dha ku nga na zoro nza nji zo na ke dho. Ndiri goti zolo kpakpa nga ba lodd'i dha lu. 14 Ma djoi, ri ka ku ngba blo nga ddikpa ke di ri po ndi ku na udha na, ro ke dho ji ro chu ndi dho nzi? Fuke dza udha ka ka ndi gu fu ke gu? 15 Njati ddi le djo inga le ve fundru e ngaro ndirigoti kpa e nyo ro ma nga ddi, 16 Ro chu, nika ddikpa ke pori fu ndru ni i: Ani ra ngoi na, ani dho kaz ndiri goti ni o lili, ro chu ni bbu fu kpa dho kpa ndi dho ka na ritsi ro nza furi ka ka ndi kongba le tsotso. 17 Udha dza lo ma ngu di fu chu, ri dza nji e nga ro fu udha dhedhe. 18 Ddikpake nguri po: Ni ku idha dhi ke; ndiri goti, madho ngue nji. Anzi ni dho nga dza njikuna fu udha dho ma dho di, ndirigoti maka ma dho ndiri nji na ku na udha. 19 Ni u ddichukpa ku na Gindr, furi ku blo; ro a chu ilo go ngu ke u fuchu ro kpa ro nga chu a di tata ke nji. 20 Ni ka ji ni chu iri ngba, pa ku na i ke, nga dza nji ku na udha ku nga dza nji ro? 21 Abrahamu, kodho baba, kazu ngueni cholo dhike nza, ndidza ngba Isaka ndi bbu ngue nari lu? 22 Ni churi ngb udha ngu nji nji ddironga nji na ndirigoti udha tso ka ngue nji lu chungu. 23 Furo Gindr dza kitabu na ndini na ilo ku bbubbu ku na lo: Abrahamu ka Gindr u, na furi li ngueri kezoni cho lo dhi ke ndirigoti Gindr dza ngba. 24 Ani churi ndru zoni ndi dza njiro, nga ndidza udha na kpali ri ri. 25 Rahaba cha ngue na cha ndumba ka zo ngueni cho ku na is le nza ndi dza nji jotsi na, ndi ko ngue ndi bba cho le cho ngue na cha kpa, ndirigoti ndi pu ngue fu kpa dd'i chulu na ri jotsina nzaa? 26 Ddi ddi nga le dhi ku na na lendi ma ngu dhedhe chu ngu, furi bbai ngadza nji kuna udha dhedhe.