1

1 Yakobo, nichukpa Ginri dza noke ndidhi pi Yesu ma na dironga, dre ndi djo aro ri na nru tsi dho dha ndi ma nanga pli ni ro zudha ni dho kru. 2 Ma djoi a ni nji kwe njati birobiro ku na nzadha ma si ni djo ro, 3 ani cchuri fu mbudha ka ndi li ri nidhi udha tuni kpri. 4 Ri jiri nga tso vedha nji ndi dza nji, ngba tso ka na ri bai, ndiri ro ni di nzi ni jaja ro. 5 Njati ni kana di ke tsori nyodyu gu ro ndi ke kori Ginri tso, dho na lo ke a ri bu nza ndi nanga nunu ro , ndirigoti ndike ka ndi ba ri ngba. 6 Ro ke ko ri udha na, nza ndi thi na nga rini ri ro , didho ri le nanga rini ri na na ke njini dda gru bai, vuvu ndi na kpa junjaro ndidhi chanja ro. 7 A fu di na ke nzi ri ro di ndi ka ndi ba ndi dho ndzidha goti Ginri dhoro; 8 Furi ku nza tso ka ke , nzi toni to ndidho kru ku na lo djo na ke. 9 Ndiro nga dho ri tsi ro ku na le djoi , ri e bllo ni nji kwe ngbelengbe ni na ri dho, 10 Ndiro bibini e na kpa nji kwe djo le djo ndi ma na ri dho ,didho ndi ma ka si da didi tsoza bai 11 Dyi ra si dani kpakpangana di ka ro ri a si tso dyudyu na rigoti tso djo za dza bblonga a sini. Furi bai chu bibinikpa ro bblonga sini ndima dhi nji ka na. 12 Ngi njini nza ndi thi njeni ro ve nzadha tso na ke dho, nga fuke ve nzadha tso kru ro, ndi ka si shinga dhi klo ba. na ri chu bhoke ja ngue ngba ji ndi na nru dho. 13 Nzi dikpali ke ma poriro ndidza mbudha kana, " Di ku Ginri chu mbudha bu ma dho ri," dho na lo Ginri ro nza cher ka ndi mbu ri , ndiri goti ke ndindiro ma nzi di r nru ro mbu ri. 14 Ro chu mbudha na le ra tsuu njati le dza nga didha male che nga didha na na ri goti le nji fu nga didha ro. 15 Furi goti cher dhi u ba linga ro , cher guni, furo cher dhidhi nari dhe gu. 16 Ma dho bo ji dhi ma djoi, nzi ni ba ni shani nru dho. 17 Kru ku na bblo ri tsi bblo budha ma na ra di si eru ro ra na ro kadha na di na le ba dhingana ro nzi ndi dza lo thi ro ma a leni , inga ndi li dikpali ritsi ro ma titingana ro. 18 Ke go ko ndidza jidha na , ndiri goti bubu lo na , ndiro ko di ndidza nodha jokpa. 19 Ni chu ri i, ma dza ji dhi ma djoi. A ni di nga rr lele , ndiro nzi ni lo ti lele, thi ma nzi di ni lo lele, 20 Dho na lo nru dhi tho nzi ra Ginri dza bubu lo ro nji ri. 21 Furi bai ani pu chelo kru ndi dhi nza bu tsetse na ngr dhi lo ma na ani ko ni na zungueni na lo nyenye ngana , ndiri chu ka ndi go ni thi. 22 A ba lo banga ni thi na, nzi ni di r ri r na kpa kpali ro, ndiro ni ve di ni sha ni niro nga tsilu ni r na lo na. 23 Njati di ke r lo ndirigoti ke li ri nja nji dho ro, ke njini kio na ndi ro ji nja na ri bai. 24 Ke ndi nyo jo nga nja bblo, na ri goti ngba ke vu ro ke ro kpadjo ndi nja e na ri nga vi dheyu. 25 Rochu dike ka v ndi dza nganjadha li tsetse na udha jo ro , klo le klo na jadha, fu ro ke r fu jadha ro, nja ndi di viringa vi na nga r na kr bai ro, fu ke ronga ka ndi leni le nini ndi ri nji na ri bai 26 Njati di ke di ri di ndi dza Ginri le dyu lu na chu ku bblo ro, nza ndi bbo ndi da ronga ro, fu ke ndi sha ndi ndi ro, fu ke Ginri dyu lu na chu nga ku chuu ri. 27 Bubu Ginri dyudha ku le ra zu nzu ma , dhe kpai dhe na dhi ma chu be ndim dhi njedha kana , na ri goti le bbo le ronga i dz'djo che lo ro.