1 Paul,Yesu kristu dza chochoke Ginri ji ri na lodho,ndirigoti Timoteo dhi djona, 2 watakatifu kru dho ndirigoti nzi leni le na madjoi Kolosai na nru;zolo ma ngoi ma bbuni nidho Ginri Bbaba chulu! 3 Ko madha ngu Ginri dho,kodhi Pi Yesu kristo dza Baba,ndirigoti ko nzi njeni nidho konz' nari dho ri, 4 dhonalo kochu lo nidhi udha Yesu Kristu na djo ngba ndirigoti nidhi jidha watakatifu kru dho, 5 nidhi ngab'odha djots'na furi chu lini nidho rana,ndiriogoti bbubbu ku na lo,fu hwe loi chu draeni nidho bl'o nz'na. 6 Ke ku nikana,ndirigoti dz'djolu gble,kedjo tsukpa ma o ddi,furigoti ke si dhi dhi dhe,ddiddi nikana riku nari bbai,Ginri dza zolo ni r ngue nari goti ni ko ngue bbubbu ku na lo, 7 Epafra dhoro ni ba e na longa ddidha,ko lai bblo nji dhike,kristo dza nzi leni le na nji dhike, 8 fuke chu po e kodho nidhi jidha bbothi ddi e nga nidho nari kodho. 9 Riku fulo dho ko ma ddi,ko r e fulo nadyi nga djoro,ko nza bba e nidho konz Ginri tso nari tso ri,ndirigoti ko ri nz' nitso ni nanga li pi Ginri ji na bbubbu ku na lo na,nyodyu ma rana ro si na lo chudha ma na, 10 furo chu ni bbi ngba tho kodhi Pi nyo nari bbai ndirigoti ni e ngba tho kenyo nari bbai,ni nikpa ngu o kru kuna bblo lotsi kpar naro ndirigoti ni ni dhidhi Ginri nyi chudha na ro, 11 ni ni kpakpanga ba kedza kadha la djoro ro,furochu ni di ddo ro nz'zn lotso vedha ma ndirigoti nga b'odha na ma dd'e. 12 Ani ngu madha Ginri dho,kechu ngueni ngba ka ka ndidza wi nyodha dho na watakatifu ndidza kadha lu, 13 Kechu klo e ko titinga dza kpakpa nga dhoro ndirigoti ndi dd'u ko ndidza Pidja na ndidza jidha dho, 14 ke na chu ku kaka na godha,cheri dza sadha ma ddi. 15 Keku Ginri ro nzi njani na ji,dz le no nanga na ro anji goni nake. 16 Ke lu chu kru ku na rits' no e ni rana ma dz'djo ma,njanjani nari ma nzi njani nari ma,Pi tsu ma,bbobbo kpakpanga ma,lo djolu le si nari ma,Pidja kpar dhi kpakpanga ma.Fu rits kru no e ni kena ndirigorti kedho. 17 Ke ku kru rits ro anji,ndirigoti kru rits di ke na. 18 Ke ku Ginri dza njule djokpa;ke ku lotso ngani nanga,ke ku anji goni dhe dhe na nru kana ro ku na ke,furochu ndi di lu rits djokpa dd'e. 19 Dhonalo Ginri ji e ri kru ku na rits' di tondo tondo ke na; 20 ke ji e ri ndi gba kru rits'tso ndindiro,ri e rana ma inga dz'djo ma ro,ndi bbu ngoi ndi ngangalu musalaba djo ju na. 21 Ro ni,lu nru bbai ni ngu e mbu bbai ma nidhi nga ddidha na nidhi che nyi kpar mana ro,kegba nitso ndidza dhe na ndindiro ro nyo na, 22 furo chu ni si ndi nji watakatifu bbai,cho dza longa le ne ndirigoti nza na le ka le o na nru ni dd'e, 23 njati ni di kpru ni tuni ro ndirigoti nzi ni ronga ja ja ro nza ni le nithi ro hweloi dza nga b'odha ni r ngue nari roro ro,furi chu draeni kru ku na nodha dho ra tsena,naridjots'na ma Paulo ku nji dhike. 24 Kpadjo ma hwenji madza njedha dza lo dho ni djots'na,ndirigoti nza tso ka Kristo dza nzadha kana nari tso gu ma ve mandi ro furi chu ku Kristo dza njule. 25 Riku fu njule djots'na chu ma ku bboke ri,ddiddi Ginri bbu e madho ni lai djo na nji bbai,furo chu ma dra Ginri dza lo kru kru dd'e, 26 Ginri dza ru rueni dr'dr nga naro na nji,ro rive dhoni kpadjo Ginri dza watakatifu dho, 27 fukpa dho chu Ginri ji ndidho ngbabu ma funji na kubi le bini nari dza u Yesu Kristo na nru kana,kpa churi : Kristo ku ni na nari ku kadha dhi ngab'odha. 28 Riku kedza lo chu ko ra di dra ri,tu ko ringa tu kru nrudho ro ndirigoti longa koddi kru nrudho bbo nyodyu na ro,ndirochu ko ka nru kru pu Ginri nji ka ndima tso ka ro dd'e. 29 Riku fulo dho ma nji nji kpa kpa ngana ma la du ke dza kpakpa nga naro,fu kpakpa nga chu nji nji ma na nga djolu.