Ridza Bbombi 1

1 Paulo,Gindri dza cho choke,Gindri ji ri na lodho,nja ndi tdra ko do koni na shinga Yesu Kristo na tde, 2 Timoteo dho,madza bbo ji dhi ngba : Zolo ma,le iso pidha ma ndiri goti pbo didha ma bbuni nidho kodhi Gindri Baba dhoro ndiri goti kodhi Yesu Kristo dhoro maddi! 3 Ma madha bbu madza Gindri dho,furi chu ku ma bbui nji ngue dho nji na Gindri,fu Gindri dho ma nji nji mathi ddiri na,ndiri goti dyina ma kuna ma ma nzi nidho madza nzidha kana, 4 ni ma ni nyodda ddi ro,ma ji ri pli manja ni nyodjo nga bbo hwe na. 5 Manga ddi nina bbubbu ku na udha ro ma si nari djo,fu udha chu ngue nidza mama i Loisi na ndiri gori aini Eonike na,furi chu,ma chu chu,nari ku nina ni. 6 Fulodho mari ji ni ja fu udha ronga furi chu Gindri bbu e nidho nidjo ma lie matho na chulu. 7 Dhonalo kodho Gindri bbu na thi ngaku vi chu na thi ri,ro riku kpakpa nga dhi thi,jidha dhiri ndiri goti nyotdyu dhiri. 8 Nzi nibba dopa nidjo kodhi Gindri dza longa leka le tu pulu pulu ndru kana nari dho;ndiri goti ma maddi mbitso ma chini ro.Anzani mana ddinga hweloi chulu, 9 Gindri dza go goe ko na kpakpa nga chulu,fuke nzi e ko ndidza njidho tse tse na chulu,nga kodhi nji bblo nari djotsina ri ri,ro dr dr ndi vu ngue ko pblo nari lu,ndiri goti Yesu Kristo bbu kodho na zolo lu furi chu ngue nza go letde dz titi li ro, 10 furi chu ve ndidho kpadjo kodhi Yesu Kristo si dzdjo nari chulu,fuke chu tdri e dhe dza kpakpa nga nari goti ke li kodhi shinga di nzi dhe dhe nari hwe loi chulu. 11 Riku fu hwe loi djotsi chu le li e ma lo tdradha dhi ke ndiri goti chochoke,nja maddi longa nza u Yesu na ndrudho tde. 12 Riku fulodho chu ma nzani ri;ro madjo nzi dopa ri,dhonari machu ie ma ma u nari ngba,ndiri goti ma chu ri chu ke ku kpakpa nga na ni ndi pbo ma ronga kpu fudyi djo tde. 13 Atoni kpakpa nidza udha na ndiri goti Kristo dza ji furi chu ku kedza jidha na tse tse na lo na ndi runi ro furi chu ni bae chana ma dhoro. 14 Apbo niba na lo ro nga bblo,ni na ku na tse tse na thi chulu. 15 Ni chu ngba nari ku Asia na ku na kpa bba ma hwe ndima dhoro,furi ku Figelo ma Hermogeni na. 16 Gindri li pbo didha Onesifore dza dza djo,dhonalo ku fuke pi ma iso bi jaina,kedjo nza do ro pa e mbitso maku nari dho ri. 17 Furi ri nga na,Roma na ke si ro ke ne e ma bbo ku na klo na,kpu ndi si maro nanga djo. 18 Bboke Gindri bbu pbo didha fuke dho kpu rika si si Bboke Gindri nyo djonga lenja na dyidjo chu kpu.Efeso dhi bbagu kenji ma tso tso kodha dho na nji nichu bblopli.