¹ Ka nyongo abasaga na esa,bokootoka, badya,beno obise; ² Kanyongonde bo ubi sasanu geae Mokota abika ende bea nkukuba ka keipfe; ³ Mbeno ndee bagiaende:n'na na emani bodjede edonda aende,bitaende nke aka mondjo mbe anaeme,baka geku mbago. ⁴ Benu,badya,boko ka kaifio,k'esando anodonde bya nkukuba. ⁵ Bonde bobu banikia chenjemana na banikia somani. beke bakpa atamba kiipfa. ⁶ Beke de mono bya bundee,beonde. ⁷ Ngaa bakpa nde baoda kiipfa,na bunde baonua makana kiipfa. ⁸ Besu bunde bende bakpa asomani beke nemono,benangabo ndesu na kuku ndesu ande bondeaga bodjeme. ⁹ Ngaa Mokonga daa kasobongisi k'esoia,ande kanyongo nde beone bodjeme subia Mokota Yesu kilisto. ¹⁰ Mbe daaku ka nyongoasu,aoba na beonda,aoba na bede,beonde kimochi na adye. ¹¹ Pfeanani,pfekeanani mochi motea dake,bitaindo boogea. ¹² Benomemi,badia,boonjia bunde baogea ekuma kabenu,bunde baono mamea subia Mokonga. ¹³ Baani n'ekondi asii motebo, ka ekuma ndebo,boko sane mono. ¹⁴ Beno memi,badia,ongodeani bundebunao kapfa,mamisani bunde bagu,otokani bunde buna na bukpekpe,bo okane kabenu. ¹⁵ Boko sikise mono modjede ka bodje, beani esabubui bondjandja,ka benu na bakpa bobu . ¹⁶ Bani nantebo esa bubui. ¹⁷ Ememi ndenu kasie mbe mono. ¹⁸ Subia kema bubui bani na masedye,kanyongonde Mokonga ambe anopfi subia a Yesu kilisto. ¹⁹ Boko nimisemono Mema. ²⁰ Bokoobone mono echichi bakpa nde neoteka; ²¹ Onjiani kema bubui,bedani nde aandja; ²² jyani modjede bubui. ²³ Mokonga anobongise chachake,na nyama anu bubui,mema,na nyama ako, kabisai kanga bodjede,esa a Mokota ndesu Yesu kilisto! ²⁴ Mbe anopfani ana domi, nadye ambe ageaende. ²⁵ Badya,memani ka besu. ²⁶ Seseani badasu bobu kanseso anja. ²⁷ Mosa a Mokonga,dundua nde aobikane ka banadji boobu. ²⁸ Masedye ndea Mokota ndesu Yesu kilisto abe na benu.