¹ Nyongo ndea chigi,bobi tamba nde bo otamba ande kauba Mokonga,na bondo nge bo otamba,nenomemi kina Mokota Yesu botame kabondjandja pfee. ² Bo obi, kageae,kemasina nde besu dabepfi kina a Mokota Yesu. ³ Kemande Mokonga akondi,ande bondjandja nenu;ka deketa bodjede. ⁴ Kila nkpa aubebisa nyama'ke subia bondjandja. ⁵ Boko konde mbemoo pfee,bitaindo baogea ba pagano bunde buna muba Mokonga. ⁶ Nkpa kandeme moo dake ka ekuma ka nyongondea Mokota,adjisa esoiya kakemandoo,bitaindo bedo notomi. ⁷ Kanyongonde Mokonga,kasopfani kabodjede,kabe kabondjandja; ⁸ Nkpande aomaka nyongondee n'naomankpa,aomaka Mokonga mbedasopfi mboka mema andja. ⁹ K'ekondia komuna mema,boko kondi ba dundue kabenu;kanyongonde benu sasanu bokondane subia Mokonga. ¹⁰ Ande bo ongea ka badasu bunde ka Makedonia. kiki iki,badya,ikani kakondana. ¹¹ Geani ekuma nenu sasanu,na geani nkase na njaganu. ¹² Tambani anja ka bakpande ba nansenge bokokonde moonkpa abende ekuma nenu. ¹³ Badya,beke kondi bo bosee nyongondea ba kpande bakatoo,bokobembe moo bea bakpande buna ubapfa; ¹⁴ Ngaa namuna imochi Yesu da ku adjudjukaende,be ekiani nyongonde Mokonga esikisiande subia Yesu bunde dabasi. ¹⁵ Onani,nyongonde, benongodi kanyongwa a Mokota:besu bakpa nde baunda na ba chigi kesandea Mokota,beke djudju keku mosa abakpa nde dabaku. ¹⁶ Nga Mokota sasake abeta ende bongungu ndeke,adidae kego,na bakpa nde dabaku ka Kilisto badjudjukae mosa. ¹⁷ Na bakpande baonda,bunde bechigaende,bedapfaende kegoo,beoga odondana na Mokota,nabebaende nadje esa bubui. ¹⁸ Ngodeanagani ka nyongo ndee.