1 Okengeze abantu bwoshi oku bagwasirwe okugomba oku barhambo n'oku bakulu b'ecihugo. Obakengeze oku bagwasirwe okukâbayunva oku badesire n'okucirheganya okujira ngasi mukolo mwinja. 2 Mâshi barhaderheraga omuntu kubi, barhanabâga ba mbaka erhi bakujira mabi. Ngasi mango babe ba kukayerekana obutûdu oku bantu bwoshi. 3 Bulya nirhu, mira rhwali bahwinja, rhurhâyunvagya, rhwali rhuhabire. Ago mango rhwali baja bangasi lubero n'obuzigire bwa ngasi lubero. Rhwali rhulamire omu bubi n'omu bwagalwa, n'oku rhwshombana rhwanashombwa. 4 Cikone amango Nnâmahanga Muciz wirhu ayerekana obwija n'obuzigire bwage oku bantu, 5 arhuciza. Arharhucizagya mpu kwenge rhwajijire emiokolo eshiganine, cikone bulya yene arhuberire bwonjo. Arhuciza n'okurhushuka kurhenga muli Mûka gwa Nnâmahanga orhuha okuburhwa buhyahya n'obuzine buhyahya. 6 Bulya Nnâmahanga arhulumizize kwo Mûka wage, arhuumîza kwo ye bwenene omu kukolesa Yezu Kristu Muciza wirhu, 7 mpu lyo rhuba bashinganyanya emalanga ga Nnâmahanga rhube bo erhi lukogo lwage lurhuma, mpu lyo rhunahashan okuhabwa obuzine bwensiku n'amango rhulangalira. 8 Ako ko kanwa k'okuli. Nnonzize ocîhagane bwenene kuli ebyo, lyo abayemire Nnâmahanga bacîshwekerera oku kukâjira emikolo minja buzira bulyalya. Ebyo biri binja oku bantu, binabakwanine. 9 Ci amadôsa g'obwinja, ecinyamulala c'amaburhwa, ennongwa n'akadali oku-Marhegeko, obiyandike, bulya viri bya busha na ntakamalo kabyo. 10 Ow'okuldrha okuberûlukana, onamurhonde nka kabirhi bunyi bwa kwo, enyuma ly'aho omuhere eburhamvi, 11 Omanyire bwinja oku muntu wa mene oyo akola arhenzire omunjira ekubusire, omanyir oku n'ebyaha byage bikola biyerekine oku kuhaba ahabire. 12 Amango nakurhumira Artema erhi Tukiko, ociseze okuyish'inshimana e Nikopoli, bulya natwire oku yo nabera omu mpondo. 13 Hano okola washanira Zena, ola mubulanyi boshi na APolo ebi baciyikira, omanyenhakajira ebibabula. 14 Abirhu nabo bacîhangane okuba ntwali omu minja, lyo babona ebikwanine omu malagirire, barhak'iba anhakubula. 15 Aba rhuli rhweshi bakulamusize. Abira birhu omu bwemere orhulamukise bo. Mâshi olukogo lwa Nnâmahanga lube haguma na ninyu mweshi.