1 Nie Polo, mwambali wa Nnâmahanga na ntumwa ya Yezu Kristu. Nahîrwe omukolo gw'okuhira omu bwemere balya Nnâmahanga acishogaga n'okubamanyisa okuli obwemere bwirhu buyigiriza 2 lyo baba n'obulangalire b'obuzine bw'ensiku n'amango. Nnâmahanga olya orhanywerha arhulaganyize obwo buzine embere amango atwaga gahike. 3 Nnâmahanga abufulwire erhi ensiku ali rheganyize yene zihika, amanyisa akanwa, akayigiriza, anantegeka mpu mbe muja bugo wako ye Nnâmahanga muciza wirhu. 4 Tito, mugala wani w'okunali omu bwemere burhuhizire haguma, nkurhumîre! aga maruba. Mâshi olukogo lwa n'omurhûla gwa Nnâmahanga Larha na Yezu Kristu Muciza bibe haguma na nawe. 5 Nakusizire e Krete nti lyo okubûlwa nti ly'onauimika abagula b'omu Murhwe gw'abakristu omu ngasi cishagala.Okengere enyigiriza'nakubwiraga. 6 Omugula agwasirwe abe muntu orhagânyiba kwo bici; agwasirwe aba mulume wa mukazi muguma yene; abana bage bagwasirwe baba bemezi barhanabaga n'irenge lu'olugenzi lubi nisi erhi bigamba. 7 Bulya oli cirongozi comu Murhwe gw'abakristu ahirwe omukolo gw'okucishwekera oku bya Nnâmahanga, co cirhumire abantu boshi bagwasirwe okubula eci bamuganya kwo. Kurhagwasirwi abe cibone, erhi wa kukakunira, erhi mulalwe, erhi wa bikanyali, erhi muntu wa kulonza okubona enfaranga z'obulenzi. 8 Akwanine abe muntu oyish'ihandisa ebigolo, abe na mwira !wa bantu nkana, abe mwirhonzi na mushinganyanya, abe mwimana na muntu wa lugero muli byoshi. 9 Agwasirwe aciseze oku myanzi y'okuli erya eshinganine omu nyigirizo ayigirizibse, na ntyo anahash'ihanula abantu omu kubahugula'enyigirizo nyinja, n'abakaderha mpu bamujisa kadali, abayigirize. 10 Neci, kwo kunali abagoma, n'abakâderha obusha, n'abakârheba ababo bali banji, bwenene omu Bayuda bayemire. 11 Kukwanine babahulise, bulya bahindwire emilala yoshi, banali bayigiriza ebirhakwanini. Bali bajira ntyo mpu lyo babona enfaranga omu njira !y'obulenzi. 12 Muntu muguma !w'omu balêbi babo âli Mukereti, aderhaga erhi: " Abakereti baba banywesi' ensiku zoshi, ziba nsimba nkali, banaba bôlo barhagerêreza okurhali kulya." 13 N'okwo adesire kuli kw'okuli. Eco co carhuma wabakalihira bwenene, lyo baba n'obwemere bushinganine, 14 lyo barhag'inashub'îchishwekera oku ndibi z'Abayahudi, n'oku marhegeko g'abantu bâlesire okuli. 15 Byoshi biri bishukule oku bantu bashukule, cikone ntabyo birhaziziri kuli abo bazizire n'abarhali bemezi, bulya obwenge bwabo n'entimanya zabo zizinzîbwe. 16 Banaderhe n'obwalagale mpu bayishi Nnâmahanga, cikone ebijiro byabo binayerekane okw'arhali ntyo kwo biri.Baba bantu ba kugayisa, bânagomîre Nnâmahanga, barhankanalira ciru n'omukolo muguma mwinja.