Kigaajo 1

1 Pahulu na Timoteyo, bakozi ba Yesu kirisito, imwa'berusibwa booshi mukati ka kirisito abali i Firipi, imwa'bangere bi'shengero na'batabaazi: 2 Ulukoogo no'mutula biibe imwinyu kushaaga imwa' Rurema, data witu n'a yishe wa nahamwitu Yesu kirisito! 3 Nayivuga Rerema wani kubukengeze bwo niki mugweti mwohe. 4 ubutanga natwika mumahuno gondi mumuhunira, 5 ukuyerekana ubushambale bwani higulu lyo'mukolwa mugweti mugweti mumwazi mwiija,kulyooka ulusiku lutaazi kuhisa zeene. 6 Niyemeri uka mutangira mwo yugu mukolwa mwiija, aga gugira gwokuli ku lusiku lwa Yesu kirisito. 7 Biri'ukuli kwo mweshi nimu saliriri kwokwo, ibenge nimukuziri bwenene, mukati kaani, kandi ici uku mudetera no'kuyemeeza umwazi mwiija, mwehe mwemuli mulukoogo nga niehe. 8 Ibenge Rerema ali bumasi bwani kwo nimukuuziri mweshi no'butuudu bwa Yesu kirisito. 9 Na'byo ndimuhuna mu mahuno gani, kwo urukundo lwiinyu luyushuuke bwenene bwenene mubumenyi na mukati ko'bwenge. 10 Muku yitegereza ibindi ibiri'ukuli kugirakwo mubere berusibwa na'bazira kashembo kulusiku lwa kirisito. 11 Muyijwiri ibitumbwe byo'butungane ibiri na Yesu kirisito, mu bulangashane, na mu bwivuge bwa Rurema. 12 Nilozizi mumenye, bene wiitu, kwo ibika mbikira bika tabaala muku gendereza umwazi mwiija, 13 Kuyukwo, aho'kutwira imaaja na'handi hooshi, ndaye uhubiri kwo ni shwesirwi higulu lya kirisito. 14 Nabingi mu bene wiitu mukati ka nahamwitu, abaka haabwa umwete noku shweekwa kwani, bakanizizi imitima muku deta igaambo, buzira kyooba 15 Baguma, biri'ukuli, bali muyigiriza kirisito mubulyalya,na mumutima gwo'kulongola, na'handi bali mumuhigiriza muku yitanga. 16 Abali mubikola kurukundo, bayiji kwo nga shwekulwa higulu lyoku detera umwazi mwiija, 17 Haliko balya abayijwiri umutima gwo'mulongwe, bali muyigiriza kirisito mukalimbi akata kwiriri, haguma ne'mitono yoku mbika mumagezo hano mukishweko. 18 Kwo byangaba! Mubulyo bwooshi, kiri'angaba ku bulyalya, kiri'angaba mukuli, kirisito ali muyigiribwa, nibi shambaliri, ngana kibishambalira kandi. 19 Ibenge niyiji kwo byooshi biga galukira mubukize bwaani, haguma na'mahuno ginyu, no'butabaazi bwo'mutima gwa Yesu kirisito, 20 Kukulirikirana nakwo nisikamiri muku lindirira, no'kulangalira kwani kwo ndakifwe shoni, haliko kwo zene ne Siku zooshi kirisito aga kizi huzibwa mu magala gaani, kuguma no'bwemere, kuba muku Kira kandi iri mukufwa kwani, 21 Ibenge, ukuramba kwani ali Kirisito, no'kufwa buli bunguuke imwani. 22 Haliko iri byanga huna kwo mumukolwa gwaani nirambe mumagala,ndaga shobola ukutoola ibiga nzimiisa, 23 ndimukwegwa habiri: niyifwijiri uku yigendera nigendi bera na Kirisito yegweti ibingi byokuli; 24 Haliko higulu liinyu, bingwiriri ndebera mumagala. 25 Haliko niyemeri, niyiji kwo ngayama n'a mwehe, ngana tuula namwehe mweshi, muku genderera kwiinyu, na mu bushambale bwinyu mukati ko'bwemere, 26 kugirakwo , mango nagaluka imwiinyu, mulonge'imwani igaambo lyomuga yisimira mwohe mu yesu kirisito. 27 Haliko, muyibike munjira zikwiriri zo'mwazi mwiija gwa Kirisito, neri nanga yiji mutandula, kandi iri nanga yuvwa ku hali kwo musikamiri mumutima miguma, munabe muli mulwira ubwemere bwo'mwazi mwiija, 28 Mutana leke kwa'bagoma biinyu bamu yohobye, ibenge kyokigaba kyereso imwabo kwo baga sherezibwa, haliko buli bukize; 29 Nayibyo uluhande lwa Rurema, ibenge mukahabwa Ulukoogo ku luhande lwa Kirisito, ulutali lwoku yemera naho, haliko kwakundi muku libula higulu lyage, 30 Muku hangana na lyeryo izibo lyo mukabona nani ngweti nga hangana na lyohe.