1 Paulo na Timoteo, bakobe nde ba Yeso Klisto, anganu bande babhu asuba Yeso Klisto benu nde bo Filipo, anganu balangi nde babatetea nde ba Mokonga na benu badiakoni; 2 Lokogho na jeje, abenganu toala anga Mokonga abhasu na anga Mokonga nde masu Yeso Klisto. 3 Nen'sima Mokonga nde mamoo naye neono kanisa, 4 inda nenodu, asuba malombi aganu benu bhu, 5 ne hangiane bojeme namo alengala mobili nde bonee a tomia la yonga nda Yeso, toala esa la kengetisa kidala ndiende. 6 Na niumba sinde imbe ai akengetisa asubanu mbino nde anja auma sa tongananisa a wanu elie nde ma Yeso Klisto. 7 Neaka nde domi angamu benu bhuu, angama neono bhisi ameema, ndege na ne'angoli, ndege na nemeisa ao na melea mbino anja, benu nde bodhadei na eme lokosho. 8 Anga Mokonga ande dhemu nde mamoo sinde neono kondi na mema bonja na bowede nda Yeso Klisto. 9 Na inde ne mema asuba molombi namo, ande te ekondanianu amote ambha na amaako atii. 10 Angaa bonbhe helehele yonga inda anja kpee angaa bobe ababhuu na bande bato nganani esala elie nde ma Klisto. 11 Na bakola inde atonganani anga Yeso Klisto asuba baumu na ebhebho a Mokonga. 12 Ne kabi inte boubhe, badhasu, sinde indi amohidi mande ameisi gala mosa la yonga nda Yeso. 13 Anga indo, akebu ne teisa au na amaatoo bhuu, indabe imbe abosi sinde na bamoyanga nenoba nde angaa Klisto. 14 Na badhasu batii asuba Mokama, bande bana mohuo angaa ngoli nde neau, bana Meema nde asiki a tomia la amakanga ebobo yonga ( nda Yeso). 15 Bimoti, ande domi, ba tomia Klisto na Mema adjede na ameema booka, che bande batoo batomia na meema anja. 16 Bande batomia ne kondi, na bambha sinde bamo meisi anga ne melee yonga nd'anja. 17 Imba bande bagboo, asuba meema aboaka nde toleli na bana maakola jojia la nobisalami angoli nde neau. 18 Inda adjede? Abhulibhu, abe teisila la madie, abe domi, mbino a Klisto aga nde mose, nena bodjeme angiindo na uma nedjanga go kpee. 19 Angama neubha sinde indo aetia uma lama la mi, teisila la malombi ndanu na tabela nda Meema ind'abhu inda Yesu Klisto. 20 A meemami na maha indamo inda nina soni a ema, che mbeno mbeno ndeani na meyo na meyo, Nema ne bhebha Klisto agobho amina mema domi, abe a onea lami ao akualami. 21 Angaa Klisto ande onea lami, na kua lami ande "faida". 22 Che aba naanja amobili namo neike asuba gobho, inda ne toa ndende ngodala inde nea sei. 23 Nena ahe ibale mosalami: inte imbe negeami na neike na Klisto, inde aanja kpee. 24 Che angaanu atoleli ikala suba gobho. 25 Na neubha, sinde neika uma na tiga na benu bobhu, angaa bogee mosa na ngaa yemisa lanu asuba lebea. 26 Angaa, mbeno nde ne siana uma ne na mongo nu, bobe uma bujeme na ebhebo asuba Yeso Klisto. 27 Angalindo, bobe na mechee nde atoleli anga mbino yonga ndanja inda KListo, angaa naye nebhii neono lenga, abe na nendagwe wa, neokeu ge nde ambo bome hele asuba meema moti, na bomanisa na maako imoti a lebea la yonge inda nja inda Yeso. 28 Bobai ne ebobo anga bande banganisa yongala nu, indo ande hela angabo, che anganu ande lama. 29 Amakanga botee nongo lamu neede, inde ande angaba badhemu la hela, aboo che anganu lama. 30 Na bomanisa sinde bolengine na nekola na inde bookau sinde ne bhedeli ne.