1 Badhami, abe nto nabhiatua nakoli kala adjede, benu nde bonde bameema, bonsise ankindi na meema abhu la bowede, obeise bolangia boengo ao oweyemeene, atea sinda nowe ongiago amankengee. 2 Bokumbe nkumba ento moti nga dhaae, na benu adhabotumisilila sinda amahano inda Klisito. 3 Abe into nenebe naeneka geate iye ande ema, niye ndagande ema, aedhema, iye meene. 4 En'to moti moti akengee mobili inda iyamene, na inga amadja na inde angaebhebhela angae iyemeneae, na makanga yonga inda banene; 5 Impa, kela n'to mekumbila nkumba ndaae iyamene. 6 Sinda imbe ai bangolisi yonga dhangie adha bhuu inde anja angambe ai angolisi. 7 Naboodhemai: Ndaga baneola anga Mokonga> Inde en'to amana, ayuli iye amagubha. 8 Imbe a konela a n'kekeae amaghuba kombisa; che imbe akona angaa meema abhu amagubha inda meema abhu la balabe meyo. 9 Nabeloai akola labonja, ngaa bsu amabegubha andambi ndae, abe besu nandaga bedusuani meema. 10 Nanga ando mbeno, ndmbi nde besu angabeona mpuo, bekole bonja anga batoli bobhu, na mbea kpee kubhi nda ba dhami bande balebei. Bolengelele ankindi ande elufi sina mati eme aineno saeli nee anjagami emeyamene. 12 Bobhu bande bakondi bondjisa la baadja sinda a nkeke bano soaia nabenu bano guse gadja, angabai baekendelesa angaa matntembetembe inda Klisito. 13 Angaa bande bagugadje ibo bamene ndaga basikisimahano li, che bakondinde banolenge nobogu dandja, angaa boebhebhe asuba nkekeanu. 14 Angaa inde amolengeleli, dholo ami amaene la eme bhebha ema angboo sinda amantembentembe inda Mokama Yeso Klisito, angiye leengo adji bololio angami, sindande eme eine anga leengo! 15 Impa indaga nde eme guala gandja nenge kanganala guala ganja, inde ande ema, ande djala kengetisa la telekana. 16 Bondjedje na lilia antata bobhu bande mabatota toli indo, na antata ba Eslaeli bande ba Mokonga. 17 Bai n'to asiliewa na nabomoto nesaigo andasili, impa eme nekumbi antata nkeke ami mambala Yeso. 18 Badhami na loko inda Mokama ndemasu Yeso Klisito abe ankindi na meema abhu ndanu abebo!