5

1 Ande ngaa ikala hele makanga n'kokoto na beme, na bodoleanaigo boogesa n'koba angboo asuba nomo a bukobe. 2 bolenge, eme Paulo, nenongodea sinda, abe benu nobogu ganja, Klisito indanga nohemba benu nenge naema. 3 na eme nedhodei nkoba agboo n'kbaimoti anga batolibobhu imbe aguaganja, iye atoleli a kole inde aa mahanoli bhuu. 4 Benu boye dhusi anga Klisito, benu bobhu benu nde bokabaga boyongela asuba mahano, benu boyebogu a lokoo. 5 Angaasu, ande gaalebea inde beokau, anga meema abhu, maenela tonganana. 6 Impa, anga Yeso Klisito, imbe agu ganja na imbe ndagu ganja bobhu ande mangili moti indau imbe anyenyi ndae bonja, che lebea inde akola mobili ngaa ekondi. 7 Boibotatea hele: Ande mani aya nomeisi, ngaa anogbikise basikisai a domili? 8 Kadjodjio nde inda toi angae imbe aanokoga. 9 Na Elisa nede ambisa semboli ngamanali. 10 Eme na boketela anga nu, asuba Mokama, sindande ndaga bonamaene ntina angboo. Che imbe audjisa ebongolaanu, sindande amabanee amabaekumbila ibobame balopkate. 11 Angami, badhami, abe eme nane tomia mbino a gualagadja, angee nambeno eme aha bamonobisa? Iwa boteani inda amantembentembe ai abungi! 12 banekanda angaba senga, bande bagesa nkokoto amemeanu! 13 Badhami, bai banokogi nde aikala hele makanga n'kokoto, indabe nao okolaigo mambala ikala hele makanga nkololo amaibhe aboobhisa atota la nkeke, mokoano ndamo, naekondi, bobhedeleane mobili in,'to moti na dhae. 14 Ngaa mahono libhuu atumilili asuba yonga moti sia, niyu ayende: omodha dhao sinda owe iyemene. 15 Che abe benu nobokokana na bochukana benuna ngboo, bolengelele sinda benu bogboloanai benu na bgoo. 16 Eme neyongi mbeno: betambe sinda meema abhu, a ndaga amabotumisilila bose libhuu inda nkeke. 17 Ngaa nkeke ana bose manyenya inda meema abbhu, na meeama abhu nyenyana na imbe mankeke, indabe: ekondani amemeabo, angelindo inda angabotoisa inde bokondi bote bokole. 18 abe novo tamba a meema abhu, benu ndogobonde mpaso a mahano. 19 Impa, mechee a nkeke aehangiani, ande: eteti, nkiki, beisan, 20 kukamela la baketi , elemba, bonongo, esani, kasunulo, boetani, boso, buana, nkani, 21 bose adjede, ekunda, bookedetisa na emande asosani naande. eme nenongodea mosa, sinda eme neimeno neye nengodei, sinda bande bakola ema sindalindo, ndagama badja ntigi ebwame inda Mokonga. 22 Che maya la meema abhu, ande ekondi, budjeme, bodjedje, bublia, djala into manja, nonja, imbe nda etiaga, bowede, Manga, 23 mahanoli ndaga akomi ma ema ndo. 24 bande baanga Yeso Klisito baye ba gabhi nkekeabo ankindi maako inda djede na bose indae. 25 Abe besu nabebeli ameema bhuu, betambela sinda meema abhu. 26 Bokabagai boobhebha a bosa, abhisa lasu nkolo bande bangboo, abhisila lasu bose adjede na bande bangboo.