1 Paulo nto nde ma Klisto sinde nkonga akondine, na Timoteo, dhasu. 2 Anga badhasu bande bameema abhu, bande baiki nakolosai bande ndaga baelia anga Mokonga, Lokoo na njenje abe na benu a teisila anga Mokonga abhasu! 3 Besisilo Mokonga lokoo abha moammende masu Klisto, na dhanga be doa mema ngaanu. 4 Mbeno ndebae ngodeine alebea ndanu anga Yeso Klisto naa ekondianu anga bobhu ndebabhu, 5 Anga maha indeba bhisianu na nakobha, na oyonga nda domi, yonga la elabho iyu aangisi boubhiane. 6 Aikia Meema a nu, na aleongoli bhulibhu; akumbu maya, na agana mota, ngo ande sinde ema anganu, toala elie nde ayibo akino ubha lalokoo nda MOkonga tesila la domi. 7 Mbusa a maanonde nenopi anga Epaphras, abha bonja nde masu imbe asobaemei a mobili, imbe anga nu imbe nda etiago anga Klisto. 8 Na aso hangii sinde ekondi la Meema ano ngodei. 9 Nga indo na besu, toala elie nde ai baso ngodeine, nda mabe doa mema la Mokonga nganu, na mema nga botume na ubha la sinde MOkonga akondine, ubhala Mokonga na bongengele na maako la Meema abhu. 10 Atamba sinda bobhu la moame na leengolibhu dja ngisalae, na kumbu maya aemalibhu ndankasi anja na moto a ubha la Mokonga. 11 Banotoisise atoisanalibhu akaala laebhebho, nga bobe na bunjeme indea lebha na midila la Meema. 12 Bosisile ebha lokoo, imbe anopikaala labala Moando ndababhu abobhu. 13 Ebhe aso tusia kaala elie na kumbalasua eboame nda muna ekondi, 14 Angae benakalamo, yongela bunjede. 15 Ande alimelime ndema MOkonga nde naga eneana, ngula ndema ete lekisilibhu. 16 Ama angae aiba telekisi emali bhuinde aikina kobha na nadodo, inde aoneana n'ande nda oneana, mbato la eboameli, tolela, bokobe, ehomi Ayibatelekisi ema libhulibhu angae. 17 Ande mosala emlibhulibhu, naemalibhulibhu abeli ndeangae. 18 Andemoolankeke nda boyoni, ande kengeta, ngulali akukua, nga obe mamosa mosa. 19 Nga Mokonga akondi te bobhu batumililia ikala asubae; 20 Akondi atulanise bhu iyamene, nabhu nde aikina dodo inde anakobha, na kola la njenje angae, asangi nda mosalaba ndae. 21 Nabenu, nde boamaatoo na nongo amaeneko anu na ankasindanu anjede, impa a amo tula nisi akukua la nkenke nda nyame, nganenokole. 22 Nganeno kidise mosa lae babhu, Mokonga boetaloka na yonganaga. 23 Abenabo ikialebea Mokonga latusalanu amaako ndaegolisi nde ai booki, inde aibo nongodei a etelekisi libhu subana na kobha, ngaindo eme Paulo ntonde mae. 24 Im'pa nenyangi asuba nobalaminganu; na bonde babolana asuba noba nda Klisto, ne dongolelaa nyamami, angobhoae, niyunde boyoni. 25 Naaiye nde ainenji nto nde mae, sinda moenge nde Mokonga aya mopi bhilanu, me kole yonga nda Mokonga. 26 Gubha indeba somei andabhilibhu naa age, im'pa aa hobisi ababhu nde bae. 27 Anga Mokonga aya kondi amubhise emasina ande boumu nto ndenda bosike a mataaifa libhu, ubha: KListo anganu, maha laboumu. 28 imbe ayasotomila, na hana lokila nto, na hangiala kilanto abongenge elelibhu, nga nga be bhiea Klito nabatunde batonganani. 29 Ne kola mobililinde ngaindo, na mana na kaala, imbe nakolalana kaala libhu angami.