NGBEKPA 19

1 1 Denga te Yezu endjiya na tangola, ngo tengu ya go galileya, ya neke go kote na yudeya ,eyungu yorodani. 2 Nodjo okpara to na fata nga ngi bika tengi kowlo omoro ko. 3 O I re ngo ya no sidinga ngi ba de olo, tongo ka na le ngi, ajojo ba komoko like waraye te ndjongo bili bane ? 4 Tengi du: ino tanga de ba igbengo Bakana atoteye ete, engu mele ,komoko de worose 5 Tengi fa :engo no de no komoko tse wuye tse yiye to ngbo seke waraye, ba te wo koto nde mini kpara bili? 6 Ongbo tokana bhochu, de engo bili ta to ngbo ta be kpara bili ba no ngo te eme e I kpara buru de. 7 Tongo Kane, engi fa ngo no ba fewo, Mosa yete kpo to fe worose waraga na kadje na makpi de na like worose? 8 Tengi ya fa fewo Ata ngo ka djaka guma kayi busisi Mosa fa feyi ba ngbo ilike owara yi Ano ngbo ba de. 9 Engo bili ta Mafa feyi ba kpara elike waraye, bili Bi no tiga ba te ngu za gara, emele gbama. 10 Omava efa fengi : Ata de makpama ka komoko te djila waraye, mbini na kadje ta ma . 11 tengu fa fewo ono mbela eli ne de, engo bili ta bi no toteye fewo . 12 Obulu ngo de nodjo tere okpara tongo na kadje fe o ;gara ade bulu ngo go denga tongbo zu wo ogara kpara ositi wo ogara gokadje na mama tongo ka ngama na tikpe kpara no ele engu chule fe no le . 13 Ano ono fengi de ombombo djadji, ba engi o kpaye de na lo teye. fewo engo bili ta omava ngbo du wo . 14 Te Yezu fa : itse ombombo djadji, de na teré wo de ba de ono sidinga ngama; kokoro ngama na tikpe Afe okpara emala teye de wo. 15 Tengu okpaye fe wo, de na neke Bi ka . 16 De na tsiya , komoko edo teye tengu fe Yezu : ichichilo , mamele ta ne jongo ne maza makowlo na gilanó . 17 Tengu du fengi : tongo Kane moyi tandjo ma tongo ka jongo ? bili be Jojo te mo ya ba mo te le ngo makowlo tsiya Omakpama le tengu ya fa . 18 Te Yezu du: kokoro ga de ; mamele ga gbama de; ba mo zi de, ba mo fa li wu de dedeya ngo ka womo de yimo 19 Temo kinda ngo ka ikilimo Bakana mo. 20 Ndjaka kpara komoko fa fengi : matsiya o e nde mini ; Nene endjoma ? 21 Yezu du fengu : te mo yiya ba mo ngbo jojo, neke mo gongba de o e te mo ngbo di to anga fe o I ndjondjoko, te mo ya maka egalambu ojojo e go kpe .de mono de mo fata ngama . 22 Denga tengu dje ngali ngi ndjaka kpara komoko eya neke de tsenga so engi de nedjo kose . 23 Yezu efa fe omava ye : ma fa fe yi ngbilingo akpakpala ba moro kose le go go ngama . 24 Ma fa feyi tokana ; anaye fe dongi na gulu mbulu na sindani Moro kose le de go ngama na tikpe . 25 Omava , te odje ngo no Toto na mbamba, te ofa : efa na kowlo ta ? 26 Yezu etsiya wo , tengu fa fewo : fe okpara anga kpakpakala , engo bili ta ngo nde mini elengeta fe eme . 27 Petero, to na longo , fa fengi :etsitsiya , atse ongo nde , tato na fata ngama Angbo ga ta fe ? 28 Yezu fa fewo : ma fa feyi go ngbilingo , denga enga kpara go na leke ongo nde mini , Engu ngbo ga fe gbiye na ngama de mabebe go ye eyi no efata nga ma ,Ingbo ga Bakana ono ngbo fe gbiye bukpa de feye bhochu , te Ingbo ga zuzu ko yingili bukpa de feye bhochu na izaralita . 29 Eda no tse ga tongo elema , bokose tsangbase , wo,yiye ,waraye odingaye , de Oto de te omaka kumuka do bara bata na kama te o za ga makowlo mbi galambu . 30 Ono djo no na gilano koto ga na sidi , de onodjo na sidi koto ga na gilano.