1 Go dhinga na, o mava odo te wo ede Yezu, oya fa : eda ngbongbo ngbe kpara go Gongama na kpe? 2 Yezu, eya bhuka mbo djadji bili, eya o engi etoto, 3 Te efa: Mate fa fe yi go ngbilingo, te ikoto bakana o mbo djadji no de, ile ga go Gongama na kpe de. 4 Tongokana, no kpara engbo dji teye bakana mbo djadji no ngbo ga ngbengbe go Gongama na kpe. 5 Te kpara le de mbo djadji no de ele ma, mba engi le ma mini. 6 Ta, te kpara bili ngbo chile osisiti ngo fe bili esuga o djadji no o lema no, a jojo ba o i fe ngoro engi ngbolo teme de oya gbo engi go ngbe ngu. 7 Thinga go to fe o kpara na siti ngo! So a jojo ba o sisiti ngo mele te ye; ta thinga fe kpara siti ngo no d'engu! 8 Te kpa mo de le mo ngbo fe mo kadje na mate, kolo anga de mo gbo anga ngengele mo; a jojo ba mole go makowo de maze, ta mono le de o le mo de o kpa bhochu nde go mbele ewa no engbo ono te ye de. 9 Te dila ngbo fe mo kadje na mate, gbe anga de mo gbo anga ngengele mo; a jojo ba mo le go makowo, be de dila mo bili, ta na ngbo de o dila bhochu nde te moya le go mbele ewa. 10 Ilila teyi tongoka nayala o mbo djadji no; so mate fa fe yi o anzelu ka wo go kpe te tsia go dhinga nde landjo wora go kpe. 11 So Enga kpara eno tongoka na kowo o no ongingita. 12 I to guma yi fe? Te kpara engbo de ono na matsi kama bili, te bili ngita no, eya tse ga o no gara bukpa bukpa miniwa de fe ye miniwa de fe ta, tongoka na neke noma no engita no? 13 Te, engi maka no, mate fa fe yi ngbilingo, no ya to fengi lidjadja na nye fe o bukpa bukpa miniwa de fe miniwa no nde. 14 Adiri be ba, ade malanga ka wo yi go kpe de ba bili esuga o djadji o ngita. 15 Te ndayi mo mele ligbiri, neke no maka engi de mo ya fa fengi siti ngo kaye be esugo mo d'engi bhochu. Te engi dje mo no, mo nye fengi iyi. 16 Ta, te engi dje mo de, za gara kpara, bili te angbo diri bhochu, ba engo no nde leke te e fe li o kpara bhochu diri o kpara bata bakana o timo. 17 Te engi yo nadje, fa anga go Ete ka Eme; tengi yo ta nadje, de engi ngbo fe mo bakana ile Eme de. 18 Mate fa fe yi ngbilingo, engo nde te i hi ga kine to, o iga anga diri etikpe, te no nde i mburuga go to kine o mburuga anga etikpe. 19 Mate fa fe yi ngbilingo, te o kpara bhochu oto kpa gara fe ekili e, tongoka na yo e bili, te wo ma go kpe to ga anga fe wo. 20 So te o kpara bhochu de angbo diri bata obite te wo de ele ma, ma esuga wo. 21 Ano Petero edo te e ede engi, te eya fa: masaboli ga ndayi ma do fe go o sitingo te mele ga di ma? Angbo do bara marazi? 22 Yezu eya fa fengi: mafa fe mo be do marazi de, ta do bukpa bukpa marazi do marazi. 23 Tongokana, Gongama na kpe emala te e de ngama bili ekunda ba o moro kitima du kose kaye no engbo go banza. 24 Go dhinga te engi ngbo tanga kose, ono fengi de no engbo de taleta koto bili. 25 Bakana engi ngbo de e mama tongoka na du anga, ngama eya fa ba o o engi ngo ngba, engi, de wara ye, de o djadji kaye, de o e nde engi ngbo di, ba banza no ndja te e. 26 Moro kitima no, ete fe to, egbukuma egilano engi, te eya fa: Ngama, dje guma tsenga fe ma, te ma ya ndja ga banza no nde. 27 Eya dje ngbe tsenga, ngama ka ye etse ba engi neneke, te engi ya du banza no. 28 Go dhinga te engi koto tete, moro kitima no eya tsia gara bu e eno ngbo dini de banza kaye kama bili. Te engi ya te fe ekili ye no efe ngoro engi ba engi kpi, efa: du banza kama. 29 Ekili ye no, ete go to, eku te e fengi, nafa: tse mboyi fele dhinga, maduga banza kamo. 30 Ta gara no saboli engi de, eya za engi egbo go ku, mbi ba eya du banza no. 31 O bu e, natsia ongo ekokoto no, odje tsenga, te oya neke nofa fe ngama ka wo ongo nde egugulu. 32 Tano ngama eya bhuka moro kitima no, te eya fa fengi: ndjandja moro kitima, masaboli mo de banza ka mo nde, bakana mono ku te mo fe ma; 33 Tongo ka ne mosaboli ekilimo de, bakana mano mele fe mo? 34 Te ngama endjandja, etore engu go ku, mbi te eya ndja banza kaye. 35 Wora go kpe mele ga yi beba, te bili esuga yi saboli ekili e de de guma e bili.