¹ Waktu kami bepisah daRi sida'k kak siap belayar, kami langsung nuju kota Kos dan Ri berikotnya nuju kota Rodos udahnyak ke Patara. ² Kami nomu kapal pakai nyebeRang ke Fenisoa, kami ingkas dan siap belayar. ³ Waktu kami nomu dan mantau pulau Siprus, kami ngelolo'k pulau yang disepiak kiba'k dan terus belayar ke Siria, udah nyak singah di kota Tirus, kaRena kapal onak muka beRona. ⁴ seudah kami betemu mured-mured, kami nginap didito'k tujuh aRi, mured-mured ito'k benjantuh dongan Paulus dalapm Roh Kudus, modah aju am ikau Paulus nijak ke kaki di Yerusalem. ⁵ kami udah ngabeskan aRi ke aRi, kami ngelanyot age'k pejalatn kami. Sida'k demua tamah bini aka e ngantar kami keluar kota kami belutut ditopi aRai. ⁶ Kami nae'k kapal sementaRa sida'k pulakng am ke langkau. ⁷ Waktu kami udah selesai belayar daRi Tirus, datakng am kami ke Ptolemais. Kami nyamot kabatn jerahatn sida'k nginap se aRi di en. ⁸ Lain aRi nudi ke sida'k dan angkat ke Kaisarea, kami tama' ke langkau Filipus, penginjil iyak, ia siko'k daRi tujuh uRakng yang dipileh dan kami beRomih dioRong sida'k. ⁹ Yak ada empat iku'k anak inuk yang panai benubuat. ¹⁰ waktu kami bebeRapa haRi beRamih di en, datakng daRi Yehuda siko'k nabi yang panai benubuat, nama e Agabus. ¹¹ ia datakng ke oRong kami ngame'k epau umpok Paulus, pakai Epau iyak ia ngikat longan, kaki dan ia modah, "Beto'k am kata Roh Kudus, macapm tok uRakng Yahudi di Yerusalem onak ngikat yang umpo'k epau ito'k, dongan nyeRah ke ia ke bangsa-bangsa bukan Yahudi. ¹² Waktu kami ninga tuk kami da sida'k yang ada dia'k mohon ke Paulus biar abutn ke Yersalem, ¹³ udah iyak paulus nyawab sida'k, "apai ti iketn pulah nangis dongan ngemilo'k atiku? sebab aku siap bukan diikat gona am mati di Yersalem untok nama Tuhatn Yesus aku pun ona'k. ¹⁴ KaRena Paulus abotn panai dibujo'k, nyak am kami beRonti, beRusaha dan modah ia "apai yang dikehendak Tuhatn iyak jadi". ¹⁵ BeRapa aRi seudah iyak, kami bekemas ke beRona, kami nuju ke Yerusalem, ¹⁶ ada am sida'k angkat namah kami, sida'k mured-murrd dari Kaisarea, sida'k maba'k siko'k uRakng nama ia Manason, sidakk Siprus, mured baitmula yang langkau ia pengamo'k kami singah. ¹⁷ Waktu kami baRo'k datakng ke Yerusalem, kabatn jerahatn nyamut kami dongan sukacita. ¹⁸ Obo'k lusa, Paulus angkat namah kami ona'k betemu dongan Yakobus dan tuha-tuha Yahudi yang bise'k dietn. ¹⁹ Waktu ia nyapa sida'k ia modah sute'k am yang dibuat Allah daRi uRakng Yahudi lewat pelayanan ia. ²⁰ Waktu sida'k ninga nyak sida'k nyembah nyungkun Allah dan bejantoh ke Ia "Pantau bah iketn jerahatn berapai ribu uRakng Yahudi udah jadi pecaya'k sida'k nynyi dere'k onak nahan ke hukum Taurat. ²¹ Sida'k udah bekesah ke ikau, sida'k modah ikau udah ngajar uRakng Yahudi yang becampur baur dongan sida'k bukatn Yahudi duni am iketn ke Musa dongan abotn nyunat kembiak dan aju am iketn nama adat lamak. ²² Apai te aRos kami pulah? Sida'k semua udah ninga kabaR kedatakngan duan. ²³ Jadi apailah yang aRos kami podah bito'k, ada empat iko'k sida'k yang udah besumpah, ²⁴ Bae'k am sida'k tok dan tahirkan iketn semua, bayar am apai yang sida'k poRolu, biar sida'k abotn ngunting rambut Biar sida'k panai, apai yang dipodah sida'k ke iketn abotn benaR, biaR sida'k belajar bahwa iketn nuna'k ukopm Taurat. ²⁵ Tapi kalau bangsa-bangsa bukatn Yahudi yang udah pecaya'k, kami udah nules suRat dan more'k pengaRahan bahwa sida'k aRos ngejauhkan dere'k daRi beRena yang udah dipesembahkan, daRah, binatakng yang mati dicokak dan cabul. ²⁶ Udah iyak Paulus mae'k sida'k yak aRi beRikutnya, mentahiRkan deRe'k beRota dongan sida'k angkat ke dalapm Bait Allah. ngumum e waktu pengabis pentahiran, udah iyak pesembahan dibore'k ke sida'k. ²⁷ Waktu ampiR udah tujuh aRi, bebeRapai uRakng Yahudi daRi Asia mantau Paulus di Bait Allah, lalu sida'k ngasot uRakng biaR nangkap ia. ²⁸ Sida'k beteRiak "u kita uRang Israel tolong kami, nyak am mensia te ngajar semua uRang dietn dito'k, untok nantakng umat, nentang ukopm taurat dongan tempat tok, apai age'k ia ngemaek sida'k ke Bait Allah dongan menajiskan awak suci ito'k. ²⁹ Sebab sida'k udah mantau Tropimus dari Efesus namah ia ke kota, sida'k bepikeR Paulus udah maba'k ia ke Bait Allah. ³⁰ Pendudok kota ia jadi gembar, dan sida'k nangkap, nyeret Paulus keluar daRi Bait Allah, lalu pintu ia langsokng ditutop. ³¹ Sida'k beRusaha onak munoh ia, Pasukan pengawal ninga kesah nyak, bahwa seluRoh Israel sudah gempar. ³² Langsong ia ngemaek bebeRapa prajurid dongan perwira onak meRedakan keRumonan. Waktu uRankng banyak mantau kepala pasukan prajurit, sida'k baduk mukol Paulus. ³³ kompi ia mendekati dan menahan Paulus, dongan memeRintahkan, biaR ia diikat pakai dua ute'k Rantai, ia betanya sapai uRang dan apai kesalahan yang udah ia pulah? ³⁴ Tapi daRi antaRa uRakng banyak, meneriaki hal laetn age'k. Sedang kepala pasukan abotn ngeReti, kaRena semua uRakng gadoh. , Ia modah biaR Paulus dibawa ke markas. ³⁵ Waktu ia udah dekat anak tangga. ia diusung oleh prajurit oleh sebab kerumun sida'k. ³⁶ Sebab kerumun sida'k yang namah ia daRi belakakng dan beteriak dongan koRas "Enyahlah dia". ³⁷ Waktu Paulus ona'k dibae'k' ke Markasia modah kepala pasukan, "panai bon aku ngomong ke iaku?" kepala pasukan modah apa ikau panai bahasa Yunani? ³⁸ ikau uRakng Mesir yang lolu udah mimpetn pembeRontakan dan memimpetn empat ribu pembunuh ke padakng gurun"?. ³⁹ Paulus modah "Aku uRakng Yahudi daRi kota Tarsus di Sisilia Aku warga daRi kota penting, aku minta ke ikau ijinkanlah aku bejantoh ke uRakng-uRakng tok. ⁴⁰ Udah iyak kepala pasukan mengijinkan Paulus bejantoh, udah iyak Paulus bediRi di atas tangga, ngangkat jaRi e ke mensia banyak inyak. waktu nyak semua uRakng tediapm. ia bajantoh dalapm bahasa Yunan, ia modah :