¹ Tang ke kalot dah lopa'k, Paulus ngutos mured ngan nyeyakenkan sida'k, ia ngucap selamat tingal dan ke Makedonia. ² Tang ke ia dah lalu daRi daerah yak, lalu bejantoh lam banyak kata-kata meyaketn ke sida'k., ia datakng ke Yunani. ³ Tang ke ia dah ngobes waktu maRang tiga bulatn dietn, komplotan uRang Yahudi yang nak nyeRang ia tang ke panai ia ngelolok Siria, lalu ia memutoskan pulakng ngelolok Makedonia. ⁴ Ia disekban oleh Sopater, anak Firus dari Berea; Aristarkus dua Sekundus, dak dua yak uRang-uRang pecaya'k daRi Tesalonika; Gayus Derbe; Timotius; Tisius dua Trofimus dari Asia. ⁵ Tapi sida'k yak udah lolu se upatn kami ngan dah nungok kami di Troas. ⁶ Kami merahu dari Filipi seudah beRapai aRi bon didudi ke kan pemakatn, dalapm lima aRi kami nopat sida'k di Troas. Dietn kami diapm pelamat tujoh aRi. ⁷ ARi petama mingu yak tok molah rote, Paulus bingan ngan uRang pecaya'k. Ia beRencana nak diapm dia'k bebeRapai aRi, tapi bon bejantoh sampai tongah malapm. ⁸ Banyak lampu di kamar atas dirong kami sekoli. ⁹ Di oRong jendela, bediRi siko'k pemuda benama, Euikos, yang dah telonyoh. Laga Paulus bejantoh lamat mat, kan bia'k yak telonyoh, angkat aRi kesah ketiga sampai gabotn. ¹⁰ Tapi saat Paulus nak angkat, ngupok ia kedere'k. Lalu ia modah, "Nang ngaRu ia, sebab ia bon sek muah." ¹¹ Tang ke sida'k nae'k ke tangak atas age'k mulah rote lalu makatn. Seudah ngumpol ngan sida'k sampai bobo'k nyagap, ia angkat. ¹² Sida'k mantau nak biak yak idop, lalu sida'k diponoh sukacita bakah. ¹³ Kami angkat bon beRota ngan Paulus, pakai kapal lalu meRahu sampai ke Assos, dimonai kai beRencana nyempot Paulus dongan peRahu. Tok yang dikengonak Paulus, sebab ia beRencana nae'k ke daRat. ¹⁴ Ia bedapat ngan kami di Assos, kami nyemput ia ngan peRahu lalu meRahu Mitilene. ¹⁵ Ketika kami meRahu daRi ien, ne sampai pada aRi obo'k e di pulau Chios. ARi sute'k gek kami nyapai di pulau Samos, lalu aRi sute'k gek kami sampai di pulau Miletus. ¹⁶ KaRena Paulus dah memutos belayar ngelolok Efesus, jadi ia bon dapat ngobes wak di Asia; sebab ia ngeloncap nak Yerusalem selama aRi Pentekosta, tek semua memungketn ia laga. ¹⁷ DaRi Miletus, ia ngutos mensia siko'k ke Efesus, yang nimpai dere'k penatua gereja. ¹⁸ Saat sida'k nopang ia, ia bingan beto'k, "Maba'k yang ken panai, saat ari petama aku nijak kaki di Asia, kati aku selalu ngobes waktuku dongan ken. ¹⁹ Aku beRusaha ngelayan Tuhatn dongan keRendahan ati ngan aRai mata, dalapm pemodeh yang tejadi ke aku laga sekelomok uRang Yahudi. ²⁰ Ken pe paai aku bon bebaoh daRi pekata untok semua yang beguna, aku nak ngajar ken dikilah, daRi langkau ke langkau, ²¹ bekata lam bahasa Yahudi ngan Yunani, tontang petobatatn lilah Allah ngan pecaya'k ke Yesus Kristos. ²² Tok pantau, aku nak ke Yerusalem, digeju oleh Roh Kudos, bon panai ke apai yang tejadi dietn, ²³ kecuali Roh Kudos mimpetn aku di tiap kota ngan modah bahwa tiap rantau ngan belenggu nungok aku. ²⁴ Tapi aku bon ngangap idopku beRoga untok ku kedere'k, sak aku dapat nyelesai tugas yang kutrimak daRi Yesus Kristos, yang menyatakatn dere'k dalapm kemuliaan Allah. ²⁵ Tok pantau, aku panai ke iketn semua, ke rong aku yang modah tontang KeRajaan, bon mantau muha ku gek. ²⁶ Laga yak gam aku besaksi ke iketn aRi tok, aku bon besalah untok tiap daRah sapaipun. ²⁷ Bahwa aku bon balang daRi menyatakan ke iketn tontang kengonak Tuhatn. ²⁸ Laga yak beati-ati teadap dere'k ken kederek, ngan domba-domba ngan Roh Kudos yang dah dipecaya'k ke iketn. Bejoga teadap gembala gereja yang dah Yesus selamatkan daRi dosa ngan daRahNya. ²⁹ Aku panai bahwa tang udah kuangkat, serigala-serigala jahat ne datakng disentaRa iken, bonse'k asa pilo'k ke kan domba-doma iketn. ³⁰ Aku panai bahkan bebeRapai iko'k mensia diantaRa iketn aros datakng ngan begelok kan yang amat untok nyaoh mured-mured daRi sida'k. ³¹ Jadi bejaga am ken. Ingat bahwa selama tiga tahotn, ku bon kala'k menyowa ngajar ngurok ken dongan aRai mata bae'k padang atau malapm. ³² Bito'k aku pecaya'k ke iketn ke Tuhatn ngan ke kan kata-kata Ia yang ponoh ramat, yang taga nguat iman ken ngan more'k koros Ia di sentara iketn yang more'k dere'k ke Tuhatn Allah. ³³ Ku bon se nak perak, omas atau pakai ayok. ³⁴ Ken kedeRe'k panai bahwa jaRi tok ngelayan kepeRolu ku ngan peRolu kan mnesia yang namah aku. ³⁵ Dalapm segala hal aku more'k ken contoh kati ken aRos nolokng yang lomah ngan keReja, kati ken aRos ngingat joko'k Tuhatn Yesus, kata yang joko'k Ia sobot: "Adalah lebih baik dibeRekat uRang yang more'k daDipada neRima." ³⁶ Seudah ia bingan, ia belutot ngan bedoa ngan sida'k semua. ³⁷ Sida'k semua nanges tesanaR diliheR Paulus lalu nyium ia. ³⁸ Sida'k pilo'k apai yang ia sobot, bahwa sida'k bon kala'k mantau ia lage'k. Lalu sida'k ngantaR ia ke kapal.