¹ waktu nyak raja Herodes nangkap beberapai iko'k daRi jemaat sak inya panai melasah sida'k. ² Inya munoh Yakobus sanak tuha Yohanes makai podakng. ³ Nyak inya mantau kalau ahal macapm tok senang jerahatn sida'k Yahudi, inya nyuRoh sak nangkap Petrus. Hal ito'k tejadi pada aRi Raya Rote bon BeRagi. ⁴ Nangkap Petrus inya nguRong e dalapm penyaRa dan meRintah ompat kelompok penyaga untok nyaga inya. inya beRencana untok ngadel Petrus di adap rayat seudah Paskah. ⁵ Petrus nyak deh ditahatn dalapm penyaRa, tapi sida'k pecaya'k sajoh bedoa ke Allah untok ia. ⁶ seupan Herodes ona'k ngeluar inya untok diadel, malam nyak Petrus tidoR disontaRa sida'k dua pengawal yang ditamet dongan dua ute'k Rantai; somontaRa sida'k pengawal-pengawal dimuha pintu nyoga penyaRa. ⁷ Am, tiba-tiba muncol siko'k Malaikat Tuhatn ke rong inya dan bekawah toRang didalapm sel penyaRa nyak. lalu inya nampah Petrus dan ngoRak inya samel modah, "abom uwas." Udah nyak rantai e pun telopas daRi jaRi Petrus. ⁸ inyak bingan ke inya, "konak am baju ngan pakai senal ikau." Petrus pun nuna'k jokok Malaikat. Malaikat modah dongan inya, kona'k am jubah luar ikau dan abom tamah aku." ⁹ Petrus namah malaikat nyak dan keluar. Inya bon ngeReti bahawa apai yang dipulah jopai laga malaikat nyak amat-amat tejadi. inya nyongkak mata inya tebalek. ¹⁰ nyak sida'k ngelolok Pengawal yang petama ngan yang kedua, sida'k datakng dipintu goRobang bosi yang ngaRah ke kota, goRobang nyak panai tebukak kedere'k. lalu sida'k keluaR nuju ke jalatn, dan malaikat nyak lansong losi nudi inya. ¹¹ Ke Petrus ngingat, inya modah, "Bitok aku amat-amat ngeReti kate'k Tuhatn udah ngutos malaikat Inya dan ngelopas aku daRi tangan Herodes, dongan daRi semua yang di aRap sida'k Yahudi. ¹² Nyak inya sadaR masalah ito'k, Inya datakng ke langkau Maria inai Yohanes intakng pai yang biasa disobot Markus, banyak uRang pecaya'k udah bekumpol dietn dan lagek bedoa. ¹³ Inya nerotok pintu goRobang ada siko'k pelayatn kantina'k yang benama Rode datakng untok muka'k pintu. ¹⁴ nyak inya panai ke ingan Petrus, badi raya gangak inya abotn muka'k pintu, malah inya se bedodas tama'k kedalapm lage'k, lalu inya modah kalau Petrus lage'k bediRi de muha pintu. ¹⁵ Nyak sida'k semua modah ke kantina'k nyak, "ikau gila." Tapi inya ngai alah ke apai yang inya podah nyak ja amat. Jokok sida'k, inyak malaikat inya. ¹⁶ Petrus sajoh ngetok pintu, dan ketika sida'k udah mukak pintu, sida'k mantau inya dan ngojet. ¹⁷ more'k saRat ke sida'k pakai jaRi inya sak sida'k diapm, an inya modah sida'k kati Tuhatn udah ngeluar inya daRi dalapm penyaRa. Ia modah, "Podah obes jak semua hal ito'k ke Yakobus dan jerahatn laetn. "Seudah nyak inya nudi oroNG nyak dan angkat ke laetn lagek. ¹⁸ aRi udah bobok, sida'k anak buah ngojet dongan apai yang tejadi dongan Petrus. ¹⁹ Herodes ngoga'k inya dan bon panai napat' E, Ia nyelide'k kaopm penyaga dan moRintah sak sida'k di ukopm mati. Udah nyak Ia angkat daRi Yudea ke Kaisarea dan sajoh diapm dietn. ²⁰ Nyak Herodes jadi luat amat ke sida'k kampokng Tirus dan Sidon. Sida'k beRiyoh-Riyoh ngadap Ia. Sida'k ngeRayu Blastus, anak buah yang dipecaya'k Raja untok nolokng sida'k. Udah nyak sida'k mohon bedamai, badi negaRa sida'k napat pemakatn daRi negaRa Raja nyak. ²¹ ke aRi yang udah di tentu, Herodes ngona'k baju Raja'E dan dudok di atas Takhta; Ia bepidato de adap sida'k. ²² Sida'k menciak, "ito'k ingan dewa, ukatn ingan mensia!" ²³ buleh sekejap mata malaikat Tuhatn ngantapm inya, badi inya bon nyomAh Allah; Lalu inya dimakatn cacekng dan mati. ²⁴ Firman Tuhatn sajoh tumoh dan melimpah Ruah. ²⁵ ketika Barnabas dan Saulus nyelesai misi sida'k, sida'k pulakng lage'k ke YeRusalem, sida'k nabeh Yohanes yang gohet disobot Markus.