Sasatuue, anrau TUHAN haot hawi, alapannu , angaran nabagi-bagikan ta penah-penahnu. Aku angaran ngumpul kaluhan bangsa mat mamerang Yerusalem, kota hio angaran narabut, lewu-lewu angaran naalap, di wawei-wawei angaran naanre naanre. Saparu neke pamuneng kota hio harus tulak ga pangumpean, tatapi salabihe neke umat hio bakoi angaran nasanawoh neke kota hio. Sahaot hio, TUHAN angaran maju baprang nawan bangsa-bangsa hio samehdi Aye baprang ta anrau batempur. Ta anrau hio, pe'e-E angaran narah ta bukit Zaitun sa naan ta hadap Yerusalem ta tuhi timur. Bukit Zaitun hio angaran patuhi rueh neke timur ga barat sahampe jari saisa lemang sa bangat hante. Saparu neke bukit hio angaran bakeor ga utara di saparue ga tuhi selatan. Hanyu angaran malempat nangkah lemang pagunungan-Ku, ulah lemang gunung hio angaran nyaweh lapehe. Hanyu angaran malempat samehdi hanyu pahinra malempat gana gempa bumi ta zaman Uzia, raja Yehuda.Balalu, TUHAN,Allahku, angaran hawi hayak pahengau ulun-ulun barasih-E. Ta awuk hio, bakoi angaran naan maraai, hawa marisak, di langit angaran jari maieng. Tatapi, angaran naan isa anrau -- anrau sa narasa TUHAN -- koinaan kaanrau atawa kamalem, angaran maraai ta awuk siwur. Ta awuk hio, ranu pamelum angaran mareh neke Yerusalem, mehe nintu ga laut Timur di mehe nintu ga laut barat. Kajadian hio angaran tarus mamalus ta musim malaing di musim marisak. TUHAN angaran jari Raja hamau kaluhan bumi. Ta anrau hio, TUHAN ayelah isa-isae di aran-E ekat isa. 0 Kaluhan negri hio angaran baubah matjari samehdi Araba-Yordan, neke Geba hampe ga Rimon ta tuhi selatan Yerusalem. Kota hio angaran wawiur entu di tatap ta unenge, neke Manawang Gerbang Benyamin hampe ga uneng manawang gerbang saduhulu, di neke ga Manawang Gerbang pusing, neke Manara Hananeel hampe ga uneng pamiek anggur raja. 1 Pamuneng angaran muneng ta huange, gana bakoi angaran naan lagi panumpasan . Yerusalem angaran tatap aman. 2 Itilah tulah sa angaran nasanawu TUHAN ga bangsa-bangsa sa mamerang Yerusalam: lunek here angaran buruk sadang here masih minri ta hamau pe'e here, mate here angaran matjari buruk huang karungkunge, di lela here angaran matjari buruk huang wawa here. 3 Ta awuk hio, kegegeran hante neke TUHAN angaran nampuh here. Satiap ulun angaran baka irep irep tangan di ngenat tangane nawan hengaue. 4 Yehuda gin angaran baprang ta Yerusalem. Panyugih hadi bangsa ta sakaliling here angaran nakumpul, ayehio amas, perak, di pakaian sa bangat rama jumalahe. 5 Tulah samehdi hio gin angaran nampuh kuda, bagal, unta, keledai, di kaluhan satua ta huang perkemahan-perkemahan hio. 6Balalu, kaluhan ulun sa malee neke hadi bangsa sa pahinra hawi manyarang Yerusalem angaran hawi neke taun ga taun mat sujud manyembah Sang Raja, ayehio TUHAN samesta alam, di mat marayakan Anrau Pesta Rampa Rawen. 7 Amunbo naan kaum-kaum ta bumi bakoi hawi ga Yerusalem mat sujud manyembah ga Sang Raja, ayehio TUHAN samesta alam, here angaran ngingkam uran. 8 Jaka kaum Mesir bakoi kakan hawi di bakoi nadap, here bakoi angaran ngingkam uran. Isa tulah angaran nasanawu TUHAN ga bangsa-bangsa sa bakoi kakan hawi mat marayakan Anrau Pesta Rampa Rawen. 9 Itilah hukuman ga Mesir di hukuman ga kaluhan bangsa sa bakoi hawi marayakan Anrau Pesta Rampa Rawen. 0 Ta anrau hio, karencingan-karencingan kuda angaran tasatat " Barasih ga TUHAN!" Kawah-kawah ta lewu TUHAN angaran samehdi tagayan-tagayan pawuwui ta hadap mezbah. 1 Kaluhan kawah ta Yerusalem di ta Yehuda angaran matjari barasih ga TUHAN samesta alam, di kaluhan ulun sa mampersembah korban angaran hawi ngalape di napanru ta huange. Ta awuk hio, bakoi angaran naan lagi pamatang ta huang Bait TUHAN samesta alam.